الهَروت

الهَروت_7

#البارت_السابع
#الكاتبه_روان_الاسدي
______________________
مسح وجهي بيده وضل يلعب بشعري وانه حته دموعي مانشفت
جاسم- كبرتي

بلعت ريگي من الخوف شبي هذا ساعه زين وساعه مدري شبي

حوريه-سبحان الما يكبر

جاسم-يي مابقى شي ويصيرلنه طفل

جنت اعرف رح يصير هيج بس مو بهالسرعه امي راحت واخوي وابوي ضايعين واختي تمر ب صدمه وهو يحجي صفح
دنگت راسي وتنهدت

جاسم- ادري مو وكتها عود ردت اذكرج بالاشياء الحلوه ال جايه

حوريه-بس هذا شي مو حلو
جاسم- من يصير عندج طفل بين احضانج مو حلو؟

حوريه- جاسم افهمني ماكدر اتحمل كل هالمسؤوليه صعبه عليه ولله صعبه
جاسم- ما اجبرج على شي بس لاتتمادين

رح ادخل ١٣ سنه وانه بين كل هالهموم رح تجي الليله الاخاف منها وانه عيوني تايهه ماتعرف المن تلتفت، لاخوي وابوي، لو لاختي ،لو لمريم اللي يوميه مسويتلي مصيبه ،وين؟ جاسم وكف وياي بس بعدني ماعرفه ،متناقض ومندفع ولحد هسه ماعرف مشاعره تجاهي

‌‏⠀
هو ذنبي ..
لا سكنت وية الأجوني
ولا تبعت الراحلين
ولا آنة خالي ومختلي ومرتاح بالي
ولا آنة من العاشگين
ومدري ليلي شلون أخلصه
ولا سهرت وية السهارة
ولا آنه من النايمين

نزلت جوه اطمن ع بسمه غطيتها ورحت اشرب مي باوعت من الشباك مال مطبخ واشوف اللي متوقعه اشوفه
مريم وي نفس الشخص ملامحه قبل ما واضحه بس هسه مبين شفته لابس مخصر وطوله متوسط وشعره شاده ب ربطه من ورا
احتاريت اكعد جاسم لو انتظر احاجيها مره ثانيه باجر ، خلي باجر اطيح حظها وارزلها لان الجاي اشوفه حرام وعيب مايصير اسكتلها

دخلت بزونه بيضه تجنن للمطبخ صح اخاف منهن بس تقربت ب هدوء
حوريه- ها ولج شجابج هنا

ضليت امسد الها وبكامل قواي العقليه بقيت اسولف

حوريه- يله صار الليل روحي نامي والبيناتنا سر

رفعت راسي ولكيته واكف بباب المطبخ
جاسم- خاف خربت سرج بس تعالي نامي الوكت تاخر

حوريه- جايه اصعد قبلي انه وراك اجي

خفت لايشوفهم باوعت من الشباك وهم لكيتهم ماكو يمكن هاي ام الرعاويص حاطه انذار من يجي جاسم تشرد ،رحت صعدت فوك وماكدرت انام بطني كامت عليه

جاسم- شبيج تحوسين اركدي فريتي راسي فر

حوريه-بطنيييي وخرر نام شعليك بيه

جاسم- ها توجعج حيل

غمضت عيوني وايديني ع بطني والوب بروحيي شلون اتخلص من هالالم

حوريه- اييييي

جاسم- رح ادور علاج بالعلبه واجي
حوريه- ماعرف اشرب الحبه
جاسم- انه اشربها الج هسه قاومي شوي وجاي