الهَروت

الهَروت_19

#الكاتبه_روان_الاسدي
#البارت_التاسع_عشر

__________________

حمد-اذا تروجتها اتبرّه منك ليوم الدين

باقر- مايهمني كلامكم، بسمه الي وانتهى النقاش

مريم- شوف ملابسها وشكلها شعاجبك بيها اگص ايدي اذا مامسويه سحوره

بسمه-عمو انه قابله اتزوج

باقر- شتحجييين انتي لج تخبلتي

حمد- هاي هيه نزوجج ياهو الچان بأسرع وقت

مريم- مامرتاحتلج يالعگربه وراج مكسوره

بسمه- خاله ولله قابله

راحو كلهم وبقى باقر اللي ايديه ترجف ويمكن حتى گلبه، نظراته لچمتني بس ماكو عندي غير حل

- بيوم وليله تبيعين اللي يحبج

- تعبت باقر ماريد حياة حوريه تنعاد عليه ، افهمني

- ماتو واندفنو بنفس الگاع ماعافها حتى بالموت

- بس تعذبت اختي بسبب امك وبيبي ام حمد، الكل چان ضدها

- ليش هو اللي يحب من صدگ يمشي كلشي نفس ماهو يتمنى؟ لازم اكو عراقيل

- ما اتحمل ولله ما اگدر تعبت حيل

- معليج بـ امي بسمه انه اعيشج احسن عيشه بس صيري الي

- وشنو اللي حبيته بيه بهذا اللبس والحاله اللي حتى المجدي (المتسول) احسن مني بيها

- ولج اشتغل من الصبح وارجع هلكان وعيونج تنفض كل التعب البيه وتكوليلي شنو اللي حبيته

-تعبان بسببي لان انه السبب بكلشي

- انتي سبب كل نبضه بگلبي لهسه

- ما اگدر باقر ولله اموت بيد امك، اللي تكتل حيوان وتجذب بنفس الوقت ماعندها مانع تكتلني

- وگفت ضد اهلي علمودج بسمه ، وهيج تجازيني

- سامحني مو بيدي

وانــه وانــت نموت سكتـه
غالـي ومضيعـله غالـي
الليـله بس انـت اعلـه بالـي

مسحت دموعي ورحت وي البنات يم بيبي جريه شفت مُجبل كاعد يمها وشكران هم

جريه- هله بريحة العزاز نورتينه يمه

بسمه- النور نورج بيبي

مُجبل- من رخصتكم رايح اساعد ابوي

جريه- وين رايح يمه تعال سوينه ذيج الكليجه تخبل

مُجبل - ماتقصرون على غير مره

جريه- يله خلو يمي البنيات وروحن عزلن الغراض مال غرفة المرحوم

بسمه- خاف مايقبلون

جريه- يمه انه گتلج تعزليها معليج بيهم