الهَروت

الهَروت_16

#الكاتبه_روان_الاسدي
#البارت_السادس_عشر

__________________

امي... طفلة انا
فوقي غطاء ابيض يدفيني
وانتِ فوقك كفن ابيض
ابعدكِ عني ...
وعندما اطالع للاعلى
ارى سقف بيتنا الذي
من المفترض ان يشعرني بالامان
ولكن يا ابي ما من امان بعدك
تركتوني ضائعةً حتى...
ابتلعتني نيران الهَروت

___________

بيدي لعــابه ، كلش حلوه انطتها الي حوريه .سميتها غيمه  ، دائماً العب وياها وانام وياها وآكل وياها احضنها من يكون محد يمي
حتى احس بالامان. وبليله من الليالي چنت اسولف همومي لـ غيمه  سمعت صوت صريخ وتكسير وهوسه قويه
حضنت غيمه حيل ورحت ورا الباب، خفت ابقى حاضنتها للابد...

حمد- خوووويه راح يمه لحكونه خويه مات

ام حمد- شجاي تحجي يمه هسه يجي لاتتوهم ابني مايعوفنه

حمد- ولكم فرش هو ومرته بالمگابر بعد مانشووفهم

جريه- جاسم مات وانه باقيه اتنفس يمه حوريه راحت وانه كاعده سوده عليه يا يمه

جريه وگعت من مقعدها وانغمى عليها وام حمد ضلت تدگ وتلطم ما مصدكه الصاير
ام حمد- يمه كلولي شلون ماتو شصار يا يمه جاسم مايعوفني مايسويهه

مريم- ماما جانو يسوقون ووياهم سكران حصرهم على الصفحه الثانيه وانگلبت بيهم

ام حمد- جا شنو احنه ما النه نصيب من الفرحه يمه ليش تعوفني وليدي يا يمه

حمد- ساعديني اشيل جريه امشي نوديها مستشفى ومناك نروح للمغيسل

ام حمد- يمه هسه البس عباتي والحك وليدي جاسم ضال وحده وهسه بارده اجيبله غطى

حمد- يمه خابري على ابوي وامشي بسرعه

راحت تلبس عباتها وتجيب غطا وتمتم بينها وبين نفسها بصوت يرجف

ام حمد- وليدي جاسم يندفن بالتراب ولكم هذا ابني عزوتي وقطعه من روحي هيج يروح مني من راحت روحي انشالله بدالك وليدي

حمد- باقر  بويه ابقه هنا ولاتفتح لواحد

باقر- ماشي بابا

اول مره اعرف انو انه ميته من زمان ، جاسم بچت عليه امه وبيبي جريه وحمد واهله وناسه وبقى گبري فارغ بقت روحي تواسي بروحي ، لا ام ولا اب ولا اخ ،وحــدي ...ماكو دموع تهلّ على گبري ،ماكو طير يواسي حزني

باقر - بسمه وينج

بسمه- لاتاخذ غيمه مني