#الكاتبه_روان_الاسدي
#البارت_الخامس_والعشرون
وذاك من ذاك
اليحط گلبه اعلى چفه
ويمسح بأخر نزف وجه المدينه..!
ركضت ليالي لذو الفقار وراح يركبها بسيارته والكل متجمع بعتبه الباب وعيون باقر تناظرني بخوف وقلق مدري شجنت افكر وكتها بس رجعت وحضنته كدام الكل دفنت روحي بصدره مسدت لشعره وكمت ابجي وايديه ترجف هو جان جامد ومامستوعب اللي سويته كدام امه وانا مثل المخبله تقربت من شفته وهمست
-احبك باقر
حسيت بحراره بداخلي عفت الكل وطلعت للسياره وهو بعده مامستوعب يتلمس شفته وامه تدردم وراه
ذو الفقار-ها ست لو مطوله بعد ؟شنو چنتي تسوين
بسمه-اصفي حسابات
ذو الفقار-حمامه خو مانسيتي شي
ليالي-لا عمو
ذو الفقار-اي عبالي ،خاف هم عندج حسابات تصفيهم
بسمه-ليش تغثني وشنو هالنبره اللي تحجي بيها ليمته تعقل
داس بريك قوي ودار عليه وهو عاقد حواجبه والسيارات ورانه يردن يمشن وهو وكف بنصهم
ذو الفقار-اضل اغثج لحد ماتصدكين شكد رايدج اكثر من ذاك الوصخ
بسمه-ما اسمحلك تحجي عليه
ذو الفقار-مايهم اذا سمحتي لو لا
وبقينا نتعارك لحد ماوصلنا للبيت وام ذو الفقار تباوعلنا بنص عين وحاطه رجل على رجل وتهز بيها
تغريد-يااا سوده عليه لو متأخرين بعد
ذو الفقار-يمه حيل تعبان لاتلحين خلينا نرتاح
تغريد-ها بسيمه شو مرتاحه ذبيتي التعب كله على وليدي مو يالخايسه
بسمه-شنو ذبيت شسويت انا
تغريد-الله يستر شنو من كرب خليتوه يكرب هناك
همست بأستهزاء
بسمه-ديلا علساس ابنج ينجرع
ذو الفقار-عيدي شنو كلتي
بسمه-ماحجيت شي
تغريد-الله يرحم ايام زمان جبناج بثوب ملثگ ومليان وصخ وريحتج توصل لنص الشارع انتي واللي وياج
ذو الفقار-كاااااااااافي شنو هاللغوه
شكران-عالاقل ماباگت رجال من مرته علمود فلوسه
تغريد-سكتي خشمج چنه واحد متنح ، انا اخذته وهو عالحديده من جانت المسعده حامل بجاسم
گلت بيني وبين نفسي وانا ابتسم
بسمه-ومات جاسم وعاشو العارات
تغريد-يلا سكتي لا تدردمين روحي نظفي المطبخ هواي انكسرت مني شغلات اوفف
ذو الفقار-يمه خو ماصارلج شي
أنت تقرأ
الهَروت
Romanceروايه حقيقيه تروي واقع مؤلم لفتاه يتيمه تركوني وانا في مُقتــبل العمر... احتضنتي الشوارع ،الغــرباء والهموم... دُميتي بيــدي اتجول بين أُناسٍ لا رحمةَ في قلوبــهم ... كبــرت واشتقتُ لأمـي واذا بقبرهـا مُهدمٌ يُداس عليه امامي، ذهبتُ لأشتكي لفؤادي...
