الهَروت

الهَروت_15

#الكاتبه_روان_الاسدي
#البارت_الخامس_عشر

____________________

اسير في طريقٍ موحِش
طريقٍ وسط غابةٍ وظلام
ما من احدٍ يؤنسني
والرجوع مكلفٌ لقلبي
تتسارع النبضات...
ركضتُ ابحث عن
اللا شيء ...
وجدت شمعه ترشدني
الى نهاية المطاف
احاول الحفاظ عليها
واذا بها تنطفئ...
تتركني بين تلك الظلمات
وبات قلبي نُهبة الهَروت

__________________________

واخيرا حنين انضمت لعائلتنا الحلوه ، كبرت عائلتنا وصرنا اربعة افراد انه وجاسم وليالي و حنين رغم هي صغيره ،ضليت اتأملها ، من تكبر شنو رح تصير؟ وهل رح يحبها شخص مثل ماحبني ابوها؟ هل رح يصير عندها حلم وتحققه ؟ كل هالاسئله اللي تتداور ببالي ماعرف اجوبتها بس اللي اتمناه ... أن تكون قويه وتواجه كلشي بقوه

-يله حجيه عوفي بنتي اجت بسمه من المدرسه هيه وفروخ حمد روحي حطيلهم غدا

-شنو ترا عندي طفله وحده شبسرعه صرت حجيه

- طفلتين

- حجي انته ليش دائما تخلي شماغ على حنين مو البنيه رح تختنگ من وراك

- حتى تتحقق امنيتج، الشماغ مو رمز للقوه بس هذا لشخص چان عزيز عليه وقوي لدرجه إنه ضحه بنفسه علمود وطنه

- الله يرحمه، اتمنى من صدگ تكون قويه ،مو مثلي

-انتي غير حوريه ... انتي غير

ابتسمت له ابتسامه خفيفه ورحت انزل واشوف بسمه وهي لابسه ملابس المدرسه وجنطتها شايلها باقر، كل يوم يراودني نفس الاحساس من اشوفها بهذا المنظر ، رغبه لشي مستحيل ،اتمنى لو ارجع واداوم وما اكون ضحيه لتقاليد تجبرني اتزوج بهالعمر

بسمه- حوريه اليوم اخذت عشره ولله صفگولي

حوريه- يمه بسومتي الشطوره يروحي عفيه اليوم الج هديه

بسمه- شكرا بس رح تجيبلي هواي هدايا لان انه شطوره

حوريه- تتدللين

باقر- بسمه انه هم جبت هديه جربيها هسه

بسمه- الله هذا شنو شلون جبت جاكيت منو كال لك قياسي

حوريه- صدگ باقر هاي شنو منين كدرت تجيبه

باقر- من حصالتي وجبت مالتها الجاكيت وكلت لعمو اريد مثله

بسمه- ولك اليوم متت برد شلون تاخذه

باقر- جا شسوي ولج

حوريه- يلا بسمه ميخالف صار عندج اثنين قيسي وكوليله شكرا

بسمه- يجننن على گدي ، شكرا

باقر-يله حوريه جوعانين

نهله- بدلت وكملت وانتو بعدكم