الهَروت

الهَروت_26

#الكاتبه_روان_الاسدي
#البارت_السادس_وعشرون

بيه واهس طير حُر
ارد افُر الدنيا فَر
وين ما عند الله گاع
انه استقر
ارد اسافر
ارد اهاجر
ارد اعاشر ناس
ما تكسرلي خاطر

حنين ...

احاول اضم رجفات ايديه عن ليالي وهي تباوعلي بخوف وتلزم ايدي وتحاول تهدأ بيه ، عقدت حاجبي وكمت اصيح لا ارادياً

حنين- مابيه شييييي عوفيييينييي

بعدت ايدها وتقربت مني حتى تحضنني وانا بدون وعي دفعتها برجلي ونبض گلبي يتسارع وعيوني تصب دموع

حنين-لجججج عوفيييينييي

ليالي-فدوه حنين لاتسوين هيج

عيونها مدمعه وتتوسل بيه وتحاول تتقرب مني بس بدأت عيوني تغوش وصرت ادفع واكسر ما احس الا واحد ضخم لزمني من ايدي وشالني بحضنه ،فقدت الوعي وماعرفت شصار وقتها گعدت ولگيت روحي على جربايه وايدي بيها مغذي والكل يباوعلي بخوف

اشوف عمو باقر عاقد حاجبه ويفرك بأيديه وباين عليه التوتر وليالي حاضنه خالتي بسمه وتبجي من گلبها

حنين-لا ...لاتبجين

باقر-اهدي لا تتحركين محد رح يبجي

رأسا تقدمت بسمه بأتجاه باقر وهي رافعه ايدها تهدد بعلو صوتها وعيونها مليانه دموع

بسمه-هسسسسه تودينييي ،دقيقه ما ابقى هنا

نزل ايدها ومسح دموعها بكل هدوء

باقر-شبيج بسمه وين ترحين

بسمه-اعرف منو سوتتت هيج اعرف ولك باقر بنت حوريه ...

حط ايده على حلگها وسحبها برا وبقيت ما اسمع بس صياح وصوت بسمه وهي تجهش من البجي ،باوعت لـ ليالي مدنگه وتمسح بدموعها

حنين- لـ ليالي ...يمه

حسيت جسمي حيل ثگيل وحتى عيوني گوه ارفع الجفن ومعدتي مأذيتني لدرجه تمنيت بوقتها الموت الف مره ولا اعيش هيج الم لدقيقه وحده غمضت عيوني ببطئ ونمت وانا اسمع ليالي تبجي والباقين يصيحون

بسمه

چان كل عقلي وي باقر ،واشوف بنت اختي تتلوى وروحها تريد تطلع وليالي تهدي بيها وهي تكسر وترفس وتصيح دريت هالسالفه كلها من سمر وماعرفت شنو مصلحتها انغمى على حنين وباقر ركض يريد يطلعها برا

ليث-لاتوديها للمستوصف ،رح تسوء حالتها خلي نجيب ممرضه

باقر-لكككك وخررر من يمييي البنيه تشهگ

ليث-جاااي اگلك ابقققى هناااا

بسمه-ليث وخر من طريقه خليه يعبر البنيه رح تموت فدوووه

چان يصدّ باقر بكل قوته وباقر شايل حنين ويحاول يعبرر والخوف مبين على ملامحه بس ليث طويل وضخم حيل حاول يصدّه بكل قوته لحد ماطلع وسد الباب بوجه باقر ركضت حتى افتحه وضليت ادفع ماگدرت افتحه التفتت لحنين تشهگ خفت تضيع من ايدينا رحت جبت ماي بارد وبصل حتى ترجع لوعيها كل ظني بيها صرع