الهَروت

الهَروت_18

#الكاتبه_روان_الاسدي
#البارت_الثامن_عشر

_______________

والفَرَح طَرّ المدينة
وانطة للناس التِريدة
ودكدگ البيبان كِلهة
ومن وِصلنة نشَلَت ايدة
آخ يا حِزنَك يكلبي
جَمرة..
مضمومة بجريدة .

وگف يمي ولزم ايدي حسيت گلبي ينبض حيل بس بقيت اباوع لسمر بطرف عيني جانت نهله موجوده كلشي تنقل، خاف سمر تقصر بشي نهله تكملها

باقر- هاي مصيبة گلبي الاحبها

تسارع نبض گلبي بين الفرح والحزن ماعرفت شعوري بس اللي اعرفه انو انه وگعت بـ فخ كلش چبير

سمر-من رخصتكم

نهله- تعاي نروح انه هم

بقينا وحدنا وايده تحاضن ايدي ماتجرأت اباوع لعيونه وكلما اريد اسحب ايدي يجرها حيل

- شبيج بسمه

- ايدي

رأسا سحب ايده وتقدم مسافه عني حس على روحه وضل مدنگ

-لاتاخذين كلشي بجديه اصلا علمود سمر تعوفني

- يعني انت ماتحبني

- لا بسمه شنو هالسوالف امشينه نسلم عالبقيه

طلع من الغرفه گعدت وايدي على خدي افكر سبب ضوجتي خفت يكون عندي مشاعر تجاهه جنت متشتته ومشاعري مخربطه عفت هالافكار محبوسه بغرفتي ولبست حجابي وطلعت

بسمه- سلام عليكم

الكل رد- وعليكم السلام

جريه- حبايب اعرفكم عن بنيتي بسمه

- فدوه لهالطول بنت منو انتي

جريه - خيه بنيتنا هيه

- يحفظها الباري

شفت هواي وجوه غريبه وانه بطبعي مو اجتماعيه ماكدرت احجي ولا اسولف والكل تباوعلي بغرابه وطبعاً البنات بالصاله والزلم بـ صاله وحدها خاصه بيهم

- هلو انه اسمي شكران ، انتي بسمه صح؟

بسمه- هله بيج شكران اي نعم انه بسمه

- عرفيني عن نفسج بما انو كم يوم ويجمعنا بيت واحد

- شنو مافهمت يابيت واحد

-رح يبيعون بيتنا وبيتكم ونشتري بيت اكبر

-زين ليش

- قرار ابوكم مو قرارنه

- ها ان شاء الله خير

- اي بس ماكلتيلي هذن خواتج لو منو

- هذي حنين بنت اختي وليالي هم

- يخبلون الله يحفظهم

- شكراً يعمري

رحت للمطبخ وضليت اغسل مواعين وافكر، الظاهر ان الافكار ما قبلت تنحبس بغرفتي وبقيت افكر بباقر ومشاعري تجاهه ،يمكن انا مو حلوه وماحبني،يمكن يشوفني طفله،يمكن ويمكن... الى ان وگع من ايدي صحن وصار صوت قوي