الهَروت

الهَروت_3

#الكاتبه_روان_الاسدي
#البارت_الثالث
_______________________
جاسم-حوريتي رح اكلج شي بس اهدئي

استغربت من كل كلمه كالها ومن الخوف انبلع لساني اشرتله ب ايدي بمعنى شنو

جاسم-توفت امج

يمكن هاي اسوأ كلمتين سمعتهم بحياتي شكد عذبتني وشكد اذتني بس هاي امي اللي حضنها يسوه الدنيا ومابيهه بقيت اصرخ وابجي

حوريه- يممممممههه يمه لا تعوفيني اخذني لامي هسه اريد حضنهه جاسم اخذنيي

وبعد رحيلها، ما من غطاء يدفيني
وما من احد يأويني بقلبه
وليس هنالك من يسمعني
رحلت، وتركتني تائهه

جاسم- هسه اخذج بس اهدئي لا يصيرلج شي

ندك الباب حيل
ام حمد- يمه افتح شنو هالصريخ افتح الباب

فتح الباب وانه باقيه ادگ والطم وصريخي ماله والي ماجاي استوعب ولا اتحمل فراگها

جاسم-يمه توفت ام عصام
ام حمد- يبووووووي سوده عليه تيمتي من هسه يبنيتي
وضلت تبجي وياي ومريم دخلت تباوع من بعيد وانه مكمله نوح ولا هامني وبعدها لبست حجاب وعبايه وركضت جوه

جاسم- يله اصعديي
حمد- خويه سادينهه الطرق
جاسم- خابرت صاحبي وهسه بلكي يمشينه
حمد-توكل

رحت انه وام حمد عمتي وجاسم والطريق كله ابجي واوّن واناشغ تيتمت بهالعمر

وبعد ما وصلنا تقريبا 4 ساعات او 5 لگيت بيتنا مفتوح ونسوان يطبن ويطلعن رحت اركض هو لزم ايدي وكال ب حده

جاسم-اكو زلم لاتصرخين

هزيت ب راسي وعفته ورحت للبيت دخلت لغرفتي وشفت اختي تلطم ع راسها وباوعتلي ب حزن

بسمه- حوريه ليش راحت امي ها ليش عافتنه
حوريه- يبعد روحي وطوايفي تعالي لحضني

حضنتها لحد ماغفت وضلت تفز من الصوت مال زلم

وام حمد رايحه يم النسوان يستخلفن النه

سمعت اخوي بصوته المنبوح لازم صوره امي الصغيره وينعى

صار البيت ظلمه امغنتبه الدار
يالبحظنچ ربينه ازغار وكبار
بس ذكراچ يمه الليله تذكار
عفتي البيت نمتي ابوسط الحجار

لا بچي فارك عيوني ولا راحت صورتها من بالي

بقيت بالبيت يومين وام حمد هيه التطبخ وهيه التنظف ماكدر انكر وگفتلنه رغم السوته بيه بس نعم الله عليهه اما جاسم ف ماله اثر بالبيت، فجأه شفت ابوي

شاكر- ها يبه شلونج
حوريه- شلوني بعد
شاكر- تهون تهون هيه بمكان احسن من هالدنيا ، جاسم وينه

حوريه- ما ادري

شاكر- شعندج هنا اذا ماتعرفين وين رجلج؟ تره المره ببيت رجلهه مو عجبج الوضع هنا! احنه ندبر روحنه وانتي رجعي لبيت رجلج