طوفان من العاطفة

مقتطفات

#رغد

________

كان يا مكان في قدديم الزمان .. في ارض العراق تحديداً
ابتدات قصة احدهم من شماله لتنتهي بجنوبه ..

جمعت بين الحب والحرب لتحدث طوفاناً كبيراً من العاطفة

" المشهد الاول "

اباوع حواليه كلها مكرفصة بالكاع وايديهم على راسهم
وهم واكفين كدامنا واسلحتهم موجهه النا ..

اذا طاوعناهم يكتلونا .. وذا سويينا لي يردونه بنهاية مصيرنا لو مثلهم لو الموت ! مابيها مجال ..

جسمي يرجف احس بكل جسمي يهتز مثل السعفة كلهم بين الحياه والموت
انتحارية واكفة على صفحة وتريد بس الاشاره حتى تضغط على الزر ونصير كلنا عبار عن اشلاء ..

يارب دخيلك ساعدنا مالنا غيرك ..
جريت نفس بقوة وقررت انطق .. واحجي خلص لازم واحد بينا يضحي يا اما نموت كلنا

واني اعرف الي راح انطقه .. راح يدمرني ويدمر كل حياتي
ومصيري ما ينعرف شنو ..

"المشهد الثاني"

وصلتني رساله رجفت كياني

"ارتاحي معثورتي .. ارتاحي ليوم اخذتلج اجازة"

نسطرت يربي منو هذا ؟
كلبي يخفق بسرعه مو طبيعية ورجفه سارت بكل انحاء جسمي

ماعرف شلون رجعت نمت احس روحي تعبانه ونحول بجسمي
بقيت نايمه الى ان حسيت على اذان العصر ، كمت وفركت وجهي بيدية ورجعت شعري بيدية بقوة ومشيت على كيفي غسلت وتوضيت وصليت

سويتلي شيء اكلو وكعدت اكلب بتليفوني
نزيت من نكطعت لكهرباء : استغفرالله ياربي هاي شكو ! اول مرة تصير وتنكطع لكهرباء ،
دنيا غروب صار ماكو ضوء .. حسيت بخطوات يمي اخذت تليفوني وفتحت فلاش ادحك يمنى ويسرى ماكو حسيت شيء نرش عليه مجرد ما شميته اختل توازني وردت اوكع ماحسيت الا ايدين حاوطن خصري

وكعت فاقده بس احس بالحواليه احس بالتحركات لدتصير بس ماكدر احرك جسمي ولا اكدر افك عيوني .. حسيت بيه يمشي وهو شايلني وخلاني على الچرباية وبعدها غطيت بظلام دامس ..

فزيت مخروعة اباوع حواليه ماكو شيء عصرت راسي بيني ايدية : ياربي الشفته حلم لو واقع .. باوعت لساعه جانت 6:15 كمت وسبحت وبدلت ملابسي بين ما صار وقت الاطلع بيه لدوام ، حضرت كوب لقهوة وطلعت

هلمرة مو مثل كلمره طلعت وكلني افكار وعقلي مشوش
بقيت امشي اريد اخذ اجره وماحسيت الا واني واكفة كدام دخول المستشفى
انصدمت من نفسي شلون مشيت كل هاي لمسافة

وصلتني رسالة فززتني وخلتني التفت حواليه اريد اعرف شديصير وياي منو هذا الديراقبني

" تعبتي معثورتي رجليج يوجعنج من المشي ؟ "