طوفان من العاطفة

الطوفان السابع والعشرون

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

توضيح بسيط ، وقفت رواية تحت مسمى الشرف مَن جابوها قمر بعدها صارت هواي احداث الها ارتباط بهاي الرواية وبورقاء فـ ضفتها هنا وبلبارتات القادمة لح تعرفون شنو العلاقات وكلشي وهاي سوالف ، تحت مسمى الشرف جزء اول ، طوفان من العاطفة جزء ثاني . لا تضلكم شالعين كلبي اقرو مسمى الشرف واقرو هاي وراها

—————

" ريحان "

لا تتمنه...يا كلبي لاتتمنه...
ما طول جافانه الهوه وبطّلنه....
لا عين ظلّت خاليه ولا ظل ولف يتعنّه...
لا تدك يالدكك قهر مقفول باب الجنه....
وهينوب ما مش ظنّه...
آه يا وكتنه الماصفت نيته وزرك عيننّه...
وطحنه ابوسط شلوة هفه وكل ذيب يبرد سنّه...
ردنه نكف وانهوش نحمي الروح ما أمجنّه....
وانت ابجلادة عين صحت: اكلنّه....
وما طول راضي ابموتنه ...استاطنّه....
آه يا خسارة نوحنه ويا رخص ذيج الونّه...
ردفن علينه اسهامكم ....واعله الصبر دامنّه....
لا إحنه للدنيه صفينه ....ولا هوه الدنيه النه....
متبدل ابطبعه الوكت ...لو أحنه التبدلنه..؟؟؟؟
آه يا هواهم باول ايامه شكثر دلّلنه....
ومن وصل طينتهه الظهر ...كلهه تبرت منّه....
لا سالفه ابشفة محب...لا عاذل اليعذلنه...
أوحشّت دنيانه وصفت...جنهه أبد موش النه....
متبدل ابطبعه الوكت ...لو أحنه
التبدلنه....؟؟

اجاني مصعب واخذني ، مسولفت اله الصار
دخلت للبيت جانت زهراء تنضف وعلي وياها ومخليه قمر بلعربانة

ريحان : هلاو

زهراء : اهلاً شلون صارت ليليان ؟

ريحان : زينه

اخذت قمر ابوس بيها ، وبدلتلها ملابسها رحت اساعد زهراء وجان اسمعها تدندن اغنيه حسين الجسمي يتاج على الراس..

زهراء : يا تاج على الراس يلسادة
يمالك الروح وراعيها ، حط الوساده على السادة ، اشم ريحتك فييهااا

متت ضحك عليها كعدت وصفنت افكر بلصار ، عقلي مديستوعب فكرة انه تزوج عليه ..
شاهين يحبني هواي .. شنو لغيره .. تنهدت وابتسمت من تذكرت..

‏Flash back:

نايمه على صدره وهو منتجي على الجربايه ، ويدخن
ريحان : شاهين ..

الشاهين : ها يابه

ريحان : شكد تحبني

الشاهين : عاشگج انه بوية

ريحان : شكد شكد يعني

الشاهين : تذكرين من مره سالتي ليليان شكد تحبج وجاوبتج وهيه ماده ايديها وكالت هلكد ؟ انه احبج كد الـ هلكد الخاصة بلاطفال ، بنقائها ، وبرائتها وصدقها .. احبج هواي