طوفان من العاطفة

الطوفان السادس والعشرون

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

—————

في مكان ما ..

::- شبيك ؟

عطت وكلت
:- استغفرالله

::- ياخذك كون ..

:- هسه انتَ وياي لو عليه ؟

::- وياك وجه القـ*** بس ماتكلي شبيك ؟

:- شنو يعني يتزوجها الشاهين ها ؟ شنو يعني ؟

::- انتَ علمود هاي ؟

زفرت نفس وكلت ..
:- أحــبهـآ سبع أحــبهـآ بس هي دتصدني

السبع :: يجوز لان بعدها تحب زوجها

اياد :: شكد مرت سنوات ؟

السبع :: مو شرط ! 

" ريحان "

توضيح ( بطلة تحت مسمى الشرف ) الجزء الاول ..

بيوم جان عيد ميلاد الشاهين .. فرحانه هواي وداخطط واحضر من الصبح

ريحان : شنو شوكت طالع لدوام ؟

الشاهين : لا اليوم عندي شغل ثاني .. وراها اروح للمركز

ريحان : وشنو هو هل شغل الثاني ؟

الشاهين : هيج بوية ..  لا تشغلين بالج

احترك دمي هو ديحضر ملابس وانه افتر وراه وايديه على خصري

ريحان بعصبية: ششنو الشغلل شاهين ترى صارلك چم يوم معاجبني

باوعلي وخزرني ، دفعني وراح للحمام يسبح
احسس دخنت من الضوجة ، اخذت قمر اسكتت بيها تنحست تبجي مدري شبيها وبجيتها بصريخ مزعجة ، طلع الشاهين لاف المنشفه على خصره وينشف بشعره

شافني وباوع لقمر اجا اخذها من ايدي وشمرها لفوك ولزمها يضحك وياها وهيه تناغي وتضحك وتخلي ايديها بحلكها ، كزكزت عليها سحبتها من ايده اعض بيها وابوسها ، غمزلي خزرته راح لبس ملابسه استغربت وكلت

ريحان : ليش اسود ؟

الشاهين : مهمة

ريحان : شاهين ممرتاحة اني ترى ..

الشاهين : ماكو شيء بوية شني سالفه قابل اول مرة ؟

هزيت براسي وتقدم يمشط بشعره وشورابه

ريحان : تتاخر ليوم ؟

الشاهين : مو هواي

ريحان : يعني تجي مو خفاره