طوفان من العاطفة

الطوفان العاشر

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

"ورقاء"

كعدت ثاني يوم صداااع مو طبيعي عندي
بدلت ونزلت ..

اثيلة : تعاي يمه اكلي

ورقاء : ما اشتهي خالة

اثيلة : تعاي لا اكوملج وين ليوجعج

ضحكت واني مالي خلك
كعدت اكلت شوية ، طلع رسن من غرفته لابس لبس الدوام صبح علينا وكعد يتريك اول ما كمل كال ..

رسن : يلا ورقاء اوصلج

هزيت براسي وغسلت وطلعت وياه ، طول الطريق تليفونه ما سكتت ..
ورقاء : اممم تليفونك ما سكت استاذ رسننن

ضحك باحراج وكال
رسن : احم اي ..

ورقاء : منية ؟

رسن : وحدة ..

ورقاء : قابل ثنين ادري وحدة يولو ..

ضحك بصوت عالي وكال
رسن : اسمها إلهام ..

ورقاء : كلش حلو اسمها ..

رسن : وهي هم ..

ضحكت وكلت
ورقاء : صار شكد تعرفها

رسن : خير من الله

ورقاء : شوكت تخطبون ؟

رسن : مقرر اخطبها هاي الفترة ، بس مديصيرلي مجال صايرة النا سالفة عويصة بالشغل ..

ورقاء : اها الله يساعدك

رسن : ويساعدج ، ان شاء الله من تفض اخطبها

ورقاء : ان شاءالله ، يارب تتم على خير وتنجمعون بالحلال

رسن : تسلمين مرية الغالي ..

نصيت راسي بخجل .. وصلني نزلت ودخلت للمستشفى
ورتين طبيعي .. مرت  الايام بطلعو الروح .. رسن انخبص بشغله قليل كلش ديرجع للبيت بس على كد يوصلني الصبح ويدز سرمد يجيبني والفضل ماكو  من اخر مرة ما حجة وياي ..

وصلني رسن للمستشفى وراح
دخلت ورحت كعدت وحدي لان شفت ماكو شيء والوضع هادئ ..

شوية واجتني يقين واردفت ..

يقين : شلونج ورقاء

كلت بصوت محتقن
ورقاء : موزينة

يقين : ليش بيج شيء ؟ الطفل بيه شي ؟

ورقاء : لا ، بس الفضل صارله فتره ماكو

يقين : شلون يعني ؟

ورقاء : ملتحق ، من اخر مرة حجيت وياه لليوم هو ماكو ..

يقين عضت شفتها بخوف وتوتر وضلت تحجي وياي وتهديني ..

يقين : منشغل اكيد وتدري بعد الوضع صار موزين ..