طوفان من العاطفة

الطوفان التاسع عشر

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

"ورقاء"

لزمت وجهو بثنين ايدية وحجيت ..ودموعي تنزل
ورقاء : خلصت فضلي خلصت حبيبي ..

ادحك بيه مو ذاك فضل ، طولو وضخامتو كلها رايحة
نحلان جسمو والتعذيب واضح عليه ، واصل مرحلة الموت

ما اعرف شلون كدرت اسندو واساعدو يمشي وطلعنا مَن لمكان تجمعنا كلنا سوا ، اني الفضل ، السبع ويوسف وساندين يوسف شخص ويا والسبع وثنين واكفين ويانه ..

مانعرف وين نروح ، ماجنا حاسبين حساب لهاي النقطة
مَن السرعة ، ما نحس الا وتشخطت سيارة يمنا وشفناه اياد حمدت ربي وشكرته وصعدنا بسرعة ..

تحرك اياد باقصى سرعة عندو ، الرمي صار علينا مثل المطر حضنت الفضل وابجي ومحد رفع نظرو النا

زل لسانو اياد وكال
اياد : اجانا امرر بلانسحااب سبع راح يقصفون المنطقه

واحد من الموجودين حجة  متسأل

" عسااكر "؟؟

احمر وجه السبع ويدحك باياد ويخوزر ..
وراها رجع كال

" كلنا هنا ضباط ونلزمنا "

دحكلو السبع وكالو ..
السبع : صدك !

رد عليه ..
" اي والعباس "

الفضل بدا يفقد
ما اعرف شنو اسوي بس ، هاهيه حسيت نفسي خسرتو .. توقف لرمي لثواني وما نحس الا سيارتين نوع بيك اب يطبكون كدامنا ..

ما اشوف الا اياد رفع سلاح بيدو وكال
اياد : وعلي بن ابي طالب ما اسلم روحي ولا اسلم واحد منكم وماعندي مشكله نستشهد كلنا هنا

رجع راسو السبع للخلف وغمض عيونو .. سندت راسي على راس الفضل ..

وتشاهدنا كلنا ، دحكت بلفضل وكلت

ورقاء : اشهد ان لا اله الا الله .. اموت وياك مو بدونك فضلي ..

ما رد عليه بس تحركت شفايفو يتشاهد ما اعرف ليش ما رموا علينا جنت متوقعة اصلا يردونا عايشين ميردونا ميتين ..

اياد مَن شافهم هيج ، داس بانزين باقصى سرعة عندو
نضربنا بسيارتين وطلعنا مَن بينهم ماكدرت ما اصيح ..

والى هنا وبدا القصف علينا .. طيارات وجيش العراقي احتل لمكان .. جانت لمصيبة ما عدهم علم انو نحن داخل سيارة وست ضباط بيها .. يعني ببساطة طيارة حربية عبالهم دواعش يطفرون ويرمون علينا ونموت كلنا ..

خفنا لا ننقصف ، السبع حجة ويا اياد
وكف اياد السيارة بسرعه ونزلنا كلنا ، سندوا يوسف اياد والسبع والشباب وخروني وسندوا الفضل ..