طوفان من العاطفة

الطوفان الثالث والثلاثون

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

—————

" ورقاء "

صعدنا بالسيارة وتوجهنا للمول ..
نزلنا ورحنا كعدنا بمطعم داخل المول .. طلبنا اكل ونسولف .. رفعت راسي ادحك وشهكت وعطت مَن شفت ..

ورقاء : شهرررررة !!!!

اياد : شبيج ؟

دحكتلي بيداء ممفتهمة .. بلعت ريكي وكلت
ورقاء : شهرة اختو للفضل ..

اياد : اها روحي سلمي عليها ..

رفعت راسي ادحك بيه وسكتت
اياد : روحي شبيج ..

هزيت براسي ، تقدمت لشهرة وهي مو منتبهه عليه ..
وصلت يمها جان سرمد وياها وجاد وجواد اطفالها التوأم ..

ورقاء : السلام عليكم

رفعت راسها وشافتني باوعتلي لثواني وشهكت وعاطت
شهرة : ورررقاااء !!!!

ابتسمت ودمعت ؏ــيـوني وكلت
ورقاء : شلونكم ؟

كامتلي على حيلها وحضنتني ..
شهرة : ياروححيي شلووونج

مسحت على ظهرها وكلت
ورقاء : الحمدالله بخير وانتو شلونكم ..

وخر عني كعدنا سوا سلمت على سرمد وعلى الصغار وجانوا كبرانين ويختلفون عن قبل .. اخذهم سرمد وكام .. عايفنا براحتنا نحجي اني وشهرة ..

شهرة : الحمدالله بخير نحن عايشين

ورقاء : شعجب رجعتو ؟

شهرة : ماكدرت ..

ورقاء : شنو اخباركم

شهرة : الحمدالله.. رسن راح يتزوج

ابتسمت وكلت
ورقاء : صددك؟ عالخير .. مَنو حيتزوج

ابتسمت وكالت
شهرة : البنية الجان يحبها ..

ورقاء :ألــف مبروك ، تدرين  مشتاقة الكم ..

شهرة : نحن هم ، انتِ شلون حياتج

بعدها نزلت نظرها لايدي وكالت بهدوء
شهرة : مبروك حبيبي

انحرجت وضميت اصابيعي ..
ورقاء : يبارك بيج ، طلع عندي اخت ..

شهرة : ههه صدك والله ؟

ورقاء : اي والله

شهرة : ربي يحفظكم .. شبيج نحرجتي

ورقاء : ماعرف ..

ابتسمت وكالت
شهرة : بلعكس هاي حياتج وحقج ياروحي ..