طوفان من العاطفة

الطوفان الثاني عشر

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

" يقين "

من بعد ما سولفلي الصار وياية كعدت ساكته ماعندي اي رد على كلامو ، كمت ومشيت منطيتو ظهري حجة

صائب : ما تردين ؟

ما رديت عليه كملت ورحت لغرفتي وكعدت
خفت من هذا الهدوء الصابني خفت هواية ، وضليت افكر ورا هذا الهدوء شنو ؟

نمت ماعرف شلون ، كعدت ورا هواية
اباوع اكو ساعة معلكة بالحايط وجانت تقريبا ب3 ونص
ماعرف اذا جان ظهر لو فجر ، كمت من مكاني مصدعة

مشيت وطلعت دحك شفت الشمس شلون قوية عرفت الدنيا ظهر ، طلعت للمطبخ جوعانه دحكت على الميز عايفلي اكل مغلف ورقة بصفو .. مشيت واخذتها قريتها حجيت مستهزئة

::- عود خايف عليه ما ابقى بدون اكل الحيوان ..

محروك كلبي منو ، اكلت وغسلت وفتريت ادحك واشوفو
جان حلو لا بأس بيه مو كلش جبير ولا صغير مناسب
بس ستغربت اهلو وين وشلون وهذا بيتو لو شنو ..

حجيت بيني وبين نفسي بصوت مسموع
يقين : اكيد بيتو قابل بيت منو شنو هذا الغباء يقين ..

ضليت انافخ وامشي وممنتبه عثرت وكعت
تاذيت رجلي كمت بصعوبة من مكاني ماعرف شبيه نفجرت ابجي مع انو ما تاذيت هواية مو ضربة قوية بس بجيت ، وبحركة ضليت ابجي لحد ما سكتت وحدي

صار عندي نغزات بكلبي ، الم وحسيت روحي ختنكت
كمت من مكاني وكفت على السنك اسحب نفس وغسلت وجهي ..

رجعت ولمحت الورقة لي كاتبها الي صائب
اخذتها ردت اذبها بس انتبه كاتبلي

::- يومين لو ثلاثة حختفي عنج ..

شكيت لورقة وكلت
يقين : خفيتهم عساك بروحة بلا ردة ..

كعدت وكل تفكيري صار بالمستشفى ، وبورقاء وبوضعي وشنو الجاي ؟ .. مر اليوم الاول وحسيت بالوحدة والوحشة ماعرف شلون حكمل بقية حياتي يم هذا المخبل ..

اليوم الثاني مر بس الفجر سمعت طكطكة جاية من برا
استغربت وخفت هواية ، دخلت للغرفة وقفلت لباب
وتمددت ع جربايه وتغطيت خنكت روحي لحد ما غفيت .. بليوم الثاني ماكو شي اتطمنت شوية
كملت اكلي وجنت اريد اسبح حسيت روحي خست

ما احس الا الباب يضل يندفر لحد ما وكع ونكسر متفلش
عطت وسديت اذاني من لخوف ، دحكت واشوف ثنين ملثمين يطبون وركض باتجاهي
ماعرف شلون عاونوني رجليه وركضت اريد اخلص روحي بس نجريت من شعري نشمرت ببقوة بالكاع بحيث شفت الدم من رفعت راسي من لكاع ..