طوفان من العاطفة

الطوفان الثاني

‏﴿لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ﴾

بقلم / رغد خليل🤍..

لاتنسوا التصويت بالنجمه 💙

—————

رجعت وصلتني رساله ثانيه

" لا تتلفتين ورقتي بكلبج موجود "

شنو هاي الورطة لوكعت بيها ، منو هذا ياربي ... دخلت وسلمت عليهم ، عدل وكبل للعمليات عدنا عملية مهمة من الصبح .. روحي بخشمي ودخلت ويانه دكتورة كل شوية تعيط المريض بيه شيء لو كلبه وكف لو دينزف وهو كلشي مابيه طردتها من العملية.. استدعاني الدكتور سليمان يريد يعرف ليش

:: صباح الخير دكتورة ورقاء

::- صباح النور دكتور

:- اكدر اعرف شنو صار بلعملية ؟ ليش طردتي الدكتورة الجديدة

::- دكتور كل شوية وعاطت كمزتنا وتصيح لمريض راح يموت وهو كلشي مابيه شنو السالفه ترى عملية خطرة روح بين ايدينا مو لعب لموضوع

هز براسه وضم شفايفه اشرلي اكدر اطلع ، طلعت واني انافخ
يقين جانت مستلمة مريض تخيط اله صاح عليها الدكتور سليمان

يقين : حبابة كملي انتِ

::- تمام ، وتقربت اخيطلو جان عسكري واضح من ملابسو مدري شنو سالفتهم تارسين لمستشفى مالتنا ، نظراتو زايغة وعيونو تباوعلي بنظرات قذرة

طخ بيدي عبالي بلغلط اول مرة ، ثانيه وثالثة شمرت الابرة والخيط بقوة وعطت بيه بحيث الكل التفت علينا : ادددبسززززز حيواانن

:-لسانج لجج

::- متستحي على وجهك انتَ

كبت كلش و اجوا الامن والدكتور سليمان .. وبلكوة هدونا عن بعض وهو يعيط ويحلف ما سوا شيء  ويهدد واني فلان واني فلان

الدكتور سليمان : ورقاء لمكتبي سريع

لگحت كلشي من ايدي ورحت امشي وادردم مبقيت كلمة عليه بعدو صوتو يلعلع بالمستشفى .. كعدت اهز برجلي مغثوثة حيل  دخل الدكتور محمد ودكتور سليمان ويقين

الدكتور سلميان : ورقاء نحن ولا مرة سمعنا صوتج بالمستشفى بهذا الشكل فهموني شنو صار ..  شنو السالفة اليوم ؟

ضلينا نحجي بالموضوع وشنو سوا ويقين كالت اي حتى وياي
ضل يحجي دكتور سليمان ويجر بسالفه تنرفزت وكلت : دكتور اذا تحب اقدم استقالتي ماعندي مشكلة ! كلشي ولا اطلع غلطانه واني ممسوية شي ما اسكت اني اذا احد تحرش بيه .. اني هنا دكتورة والي مكانتي !

كلها انتفضت معترضه والدكتور سليمان كال : لا ورقاء احم متسوى مانريد نخسر دكتورة بشطارتج بس ياريت تنتبهون كلكم اكثر وماريد مشاكل