طوفان من العاطفة

الطوفان التاسع والعشرون

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

—————

" ريحان "

بدا يحجيلي الصار والعرفته انو اياد جايه تهديد بيه صورة ورقاء
وجابها لهنا  الشاهين لان اياد بعد تهديد طلع واجب مهم
وابتعد عنها سوو خطه علمود يبعدون عنها الخطر  انها هي تخص الشاهين .. بس فشلت الخطة وتفاصيل هواي ما راح اتطرق الها ... بس اليهمني انها مو مرته ولا يحبها

باوعت اله وكلت
ريحان : زين انتَ شلون نخطفت ؟

الشاهين : أڪــو ........ فشلت خطتنا بسببه وسدي لموضوع بعد ما اجاوبج على شيء

هزيت براسي ساكتة ..
اخذ اجازه من الشغل فترة بين ميرجع على حيله
كعدت الصبح سبحت  خليت قمر بالعربانة وبديت احضر الريوك

حسيت بايديه الخشنه على خصري سندت نفسي على صدره
باسني بخدي وكال
الشاهين : صباح العسل

ريحان : صباح الخير .. اسبح وتعال نتريك

هز براسه وابتعد وراح سبح ورجع اخذ قمر يلعبها
كملت الريوك كعدنا نريد ناكل وجان نسمع صياح من بيت جوا بيت السبع ..  صوت صراخ ميان ومصعب والسبع

الشاهين انطاني قمر بسرعه ونزل بلكوه يدوس على رجله
ركضت وراه انزل على الدرج وبيدي قمر

وجان اشوف كلها ملتمه مصعب والسبع يصيحون وميان تدك وتلطم والحراس مستنفرين 

ويدخل علينا سيف شايل بين ايديه ليليان وملابسه كلها متلطخه دم ...

ركض السبع اخذها من ايديه ويصيحح
ركضوا كلهم فرد ركضة لسيارات وطلعوا بيها للمستشفى وميان تبجي ملخت روحها وزهراء شايله علي لنرعب من الموقف وكام يبجي .. وقمر كلبت الدنيا بلصريخ خافت مَن الهوسة

ساعات وهم بالمستشفى ومكلوبة الدنيا وميجاوبون
الحراس كلهم راحوا وياهم بقو بس ثنين كدام الباب
ميان هبط ضغطها انطيت قمر لزهراء وحتاريت بيها ..

واخيرا اتصل الشاهين
اول ما فتحت خط عطت بخوف
ريحان : لكك وينن انتووو شصاررر عفيه كلبي رااح

اجاني صوته وجان مبين كلللششش والقهر بصوته ..
الشاهين : ها ريحانه ، مدعومة ليليان ومتاذيه خيطولها جروحها وراح تبقى تحت لعنايه جم ساعه يتاكدون مابيها شيء ونجي للبيت

حجت ميان وهي كاعدة دموعها على خدها ..
ميان : حبابه كوليلهم احد يجي ياخذننيي

دحكت بيها وزفرت نفس وكلتله
ريحان : شاهين ميان فرفحت روحها خلي يجي السبع ياخذها