طوفان من العاطفة

الطوفان السادس عشر

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

" ورقاء "

تقدم إلي شخص وحجة
:- اكدر أحــچي وياج ؟

بلعت ريكي ادحكلو مَن فوك لجوا جان واحد مَن المجاهدين ما اعرف شنو اتصرف لاحظ علي وكال

:- ورقاء ، دكتورة ، زوجة ضابط

فكيت ؏ــيـوني مصدومة

ورقاء : م منو انتَ ؟

تجاهل كلامي وكال
:- تساعديني ؟

بلعت ريكي ادحك يمين ويسار وكلت
ورقاء : بـ شنو ؟

:- هسه افهمج ، اسمي يوسف ..

ورقاء : شنو تريد مني يوسف ؟

:- جابوا سبايا ، اريد بالضبط هم وينهم تكدرين ؟

ورقاء : ما اعرف بس اكدر اعرف ..

يوسف : بس نطيني الموقع بضبط وين وهاهيه انتِ معليج بي شيء ولا شفتيني ولا شفتج ، ولا عرفتيني ولا حتى عرفتج .

ورقاء : تكدر تنقذهم ؟

يوسف : وننقذ الفضل .

فكيت ؏ــيـوني مصدوومة حيل
::- ش شدتحجي انتَ ؟

يوسف : سيادة الفضل ، هنا .

ورقاء : ز زوجي هنا ؟

يوسف : اي ، بليل انتظرج ورا رابع شجرة على اليمين بصف المستوصف ..

هزيت براسي ورحت واني كل ذرة بجسمي ترررجف ..
جابولنا مصابين وعالجناهم ، مَن كملنا كعدت ويا لبنية

::- جايبين سبايا .

:- اي ، صحيح

::- وين يخلونهم ؟

:- بسجن وين قابل ؟

::- وين هذا السجن ؟

:-مكان مهجور هنا ، تريدين تشوفين ؟

باوعتلها مستغربة سهلت الموضوع عليه حجيت فوراً
::- اي ..

بليل طلعنا ونزلنا وضلت تدخلني وتطلعني مَن اماكن واني احفظ خطوة خطوة واحسبهم وحدة وحددة
دخلنا لمكان لفحتني ريحة رطوبة وصوت صراخ السبايا ..

همست الها
::- انتِ ليش دتشوفيني وكلشي تحجيلي ؟

:- نحن ميتين ميتين عادي

بلعت ريكي وكملنا طريقنا وبدت تحجيلي عن كلشي
هنا وعن الاشخاص الموجودين الذباحين والمجرمين .

رجعنا مَن بعد ما كبت لهوسة وهم يطلعون لبنات علمود يحضروهن لسوق السبايا انتظرتها تغفى وطلعت وبديت احس شجرة شجرة
لمحت احد ملثم واكف وهيئة جسمو ضخم تقربت واني ارجف وهمست ..