طوفان من العاطفة

الطوفان الثامن

(لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

"يقين"

من بعد ما جوا بديت اسويلي اكل وما احس الا وضربه قوووية كلش على الباب الخارجي صارت على اثرها عطت بصووت كلش عالي ...

خفت ما عرفت شسوي .. ما صار اي صوت بعدها
اتجرأت وطلعت اشوف شكو .. تقربت من لباب وشفت الباب نخفس لجوا مضروب بشيء كلش قوي

باوعت ولكيت ضرف مشمور سحبته ونصعقت من القريته جان تهديد لو اشتغل وياهم لو مصيري لموت
شنو هاي الجرأة ومنو هم بقيت ارجف دخلت لجوا على السريع وقفلت لباب ..

ضليت طول الليل افكر الضرف جان بيه رسالة وطلقة ومختوم بلون احمر ..

غفيت وفزيت على صوت صياح بابا

الدكتور سليمان : يقييييين

رحتله ركض اول ما شافني لمني بحضنه جان خايف حيل
الدكتور سليمان: بيج شي؟

يقين : لا بابا

الدكتور سليمان: اني صوجي عفتج وحدج شنو صار الباب ليش هيجي؟

يقين : مادري شنو الموضوع ..

هزلي براسه واخذ تليفونه يتصل وسمعتو من يحجي بخصوص اوراقي .. تنهدت وسكتت .. اليوم البعدو عزمتني شهرة من اجتني للمستشفى لان الفضل ورقاء حيرجعون ..

يقين : من عيني ان شاءالله اكمل شغلي واجي

هزت براسه وراحت جان جاي وياها اخوها رسن عنده مراجعة ..

كملت شغل ورجعت للبيت بابا جان يوم استراحة عنده
و اني رجعت من وكت ..

الدكتور سليمان: كملت كلشي و طيارتج بعد سبع ايام هذا اقرب حجز كدرت احصله

يقين : يعني هاهيه بابا ؟

الدكتور سليمان: اي .. ماكو نقاش

هزيت براسي وسكتت
الدكتور سليمان: كومي بدلي خلينا نطلع

يقين : وين

الدكتور سليمان: نتغدى وخاف محتاجة شيء نشتري

يقين : تمام ..

بدلت وكملت وطلعنا
افترينا هواي وتغدينا .. فجاة وكف يم مكان كلش حلو وبي ورد هواي وطلع تليفونه وكلي ..

الدكتور سليمان: اوكفي هنا يلا

واشرلي اوكف كدام الورد
ضحكت وتقربت بسرعة وكفت وطكلي صورة ويدحك بيها وكال بابتسامة..

الدكتور سليمان: وردة مجتمعة ويا ورود

حضنت زنده وكلتله
يقين : احبك هواي بابا الله لا يحرمني منك ..