طوفان من العاطفة

الطوفان التاسع

(لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

"يقين "

وصلنا يم لبيت استغربت ! شفت لباب مفتوح
اردفت متسألة واني افتح لباب مال سيارة
يقين : ليش لباب عايفه بابا مفتوح ؟

دحك صائب لباب وجرني من ايدي كبل وطبك باب السيارة .. خرعتني حركته ..

يقين : يمه شبيك خرعتني ؟

صائب : انطي صبر

يقين : شنو ؟

سحب مسدسه من خصره وسحب اقسام
كلبي وكع .. كل تفكيري بابا خاف صار بيه شيء ..

فتح لباب ونزل تمشى بحذر واني بلسيارة اطكطك من لخوف
ضل يباوع يمي يسار وانتجى على حايط بصف لباب وراها بحركة سريعة باوع بداخل لبيت والمسدس موجهه لداخل ماعرف شلون اشرح الموقف .. ارتاحيت من نزل مسدسه واجا تقدم ناحيه السيارة ..

صعد كلت بسرعة
يقين : شنو اكو شيء ؟

صائب : لا بس يجوز ابوج ناسي لباب مفتوح وكعتي كلبي تدرين كلت راح بيها

يقين : اسم الله ..

صائب : يلا حدري بوية ..

هزيت براسي ونزلت انتظرني بين ما ادخل للبيت وحرك سيارته وراح .. دخلت اصيح لبابا ..
اجاني صوتو من غرفتو ومبين تعبان

الدكتور سليمان: اني هنا
دخلت ادحكلو وكلت
يقين : شبيك؟

جان متمدد على جربايته
ابتسملي وكال
الدكتور سليمان : تعبان شوية حبيبتي

تقربت عليه ولخوف بداخلي
يقين : شبيك بابا

الدكتور سليمان : لتخافين حبيبتي مابيه شي تعب من ضغط الشغل

لزمت كصته اتحسسه
يقين : اسويلك شيء ؟

الدكتور سليمان: لا حبيبتي بس اريد انام

يقين : تمام بابا

وعفته وطلعت
باليوم الثاني شوية وضعه صار احسن
تحسن شوية .. طلعت لدوام اني وياه من بعد ما دزيت رسالة لصائب ..

يقين : اني ويا بابا حروح للمستشفى

شافها ومارد ، استغربت بس غلست كلت اصلا هو مشغول ومو بحالي .. همزين منه ديساعدني

طلعنا وازدحام ولعبان نفس وبابا ينافخ يضوج كلش من الازدحامات .. بصدفة وكفت بصفنا من جهتي اني سياره بابا ما منتبه الها ، جان شخص ملثم باوعلي وكل تركيزه وعيونه عليه ، رفعت الجام مالتي وماردت ابين خوفي لبابا ، بس شهكت من رفع المسدس مالته وخلا باتجاهي