طوفان من العاطفة

الطوفان الحادي عشر

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

"يقين"

رجعت من دوامي مثل اي يوم عادي .. دخلت للبيت اصيح لبابا مايرد ..

سديت لباب الخارجي حسيت اكو رجل تخطف بالبيت
وكع كلبي .. فتحت الباب وانصدمت صدمة عمري من شفت المنظر كدامي !

ابوية ! ابوية بالكاع وجسمو مفصول عن راسو ..
وكفت مصدومة .. هذا الداشوفه حقيقي لو شنو؟
منظر ما يدخل العقل ، شيء ما يتصدك

همست بصوت بلكوة يطلع
- بابا ؟

مشيت خطوتين وكعت اغراضي من ايدي
حتاريت وين اروح ، على الراس ، لو على الجسم

صرخت بعلو صوتي
:- بابااااااااااااااا لاااااااا

تهسترت حرفياً من المنظر الكدامي
راسي ثكل وعيوني غوشت ، رفعت راسي لسما وصحت بعلو صوتي ..

:- يااااارررربيييييييييي

بلاعيمي تجرحت ، اريد استوعب المنظر الكدامي مداكدر .. نطبك باب السطح بقوة ، سچينة مشمورة على صفحة ، وبصفها ورقة ، ماعرف شلون اخذت تليفوني واتصلت بصائب اكثر من مرة بس ، ماكو رد

مالكيت روحي الا واني متصلة بورقاء
اول مافتحت خط ، عطت بكل ماعندي قوة ودموعي تنزل واشهك ، شهكاتي شك كلبي شك ..

يقين : لحكيييلييييييي ورقااااااء ...

شمرت التليفون بالكاع وصرخت لبابا ..
جنت متوقعة كل هذا حلم وهسه اصحى من عنده
بس بعد دقايق معدودة ، لباب يتفلش ، رجليه ما تعوني اكوم افتحه ، يمكن نكسر .. سمعت صوت ضربة قوية

وبعدها تدخل ورقاء وهي تركض بس اول ما وصلتي وشافتني شلون كاعده بالكاع واباوع لجثة !
اي لجثة بابا .. والراس بمكان والجسم بمكان
وكفت بمكانها متصنمة ، دخل وراها الفضل .. ورسن
واخر شخص اتمنى اشوفو .. صائب ..

جر الفضل ورقاء من ايديها يريد يطلعها من لمكان
اصواتهم بعيدة بس سمعت همس باسمي ..

:- يقين ..

رفعت راسي وعيوني مغوشة بسبب لدموع مداشوف منو كدامي بس شخص ضخم ، تاكدت هذا صائب من كرفص كدامي ودحك لبابا وهز راسو ، حاول يكومني بس عطت بيه .. ماتحملت بعد : وووخررر عننننييييييييي

رجع ليورا ودحك للفضل وهز راسو باسف، ورقاء كعدت بالكاع كبالي بس بعيدة وتبجي ، الدم ماخذ المكان كلو حجيت بغصة :- شنو هساع بابا مات ؟
كعد كبالي شخص ضخم وكالي
رسن : يقين انتِ اسمج مو ؟

هزيت براسي واني مدنكة ما اريد ارجع ارفع راسي واشوف منظرو لبابا ، جنت احاجي روحي واكول : لا يقين انه هذا كله حلم وهساع بابا يكعدني لدوام ياخذني معو ..
مدلي ايدو وكلي
::- تكومين وياي ؟