طوفان من العاطفة

الطوفان الاول

‏﴿لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ﴾

بقلم / رغد خليل🤍..

لاتنسوا التصويت بالنجمه 💙

—————

تك توك .. تك توك ..

دقات الساعه .. ابريق الشاي على النار
المرآة الملوثة بقطرات مياه جافة تُقابلني
امامي التلفاز الذي يُعلن عن احتراق العالم ..
جاري يدق بلمطرقة الحائط الذي يطل علي .. اسمع صراخا من امام المنزل اضع ملعقتي سكّر بكوبي الزجاج اشرب الشاي الساخن على مهل .

كيف يمكن للامور ان تُصبح احسن بعد ؟!

_جريت نفس وكمت بدلت ملابسي وخليت الاب كوت على ايدية وطلعت :عمو اجرة ؟
-اي بنيتي ..
_للمستشفى *******

-صعدي بوية
_صعدت وهاي جانت اول مرة اتجرأه واصعد اجرة وحدي جان مشغل اغنيه سلامات لحميد المنصور ضليت ادندن وياها ابتسملي وكلي
-حلوة الاغنيه
_اي هواية
تجينا .. تجينا ..ردتك تجينا
راحت واجت الايام
ردتك تجينا
وعلينا ..وعلينا
بس مر علينا ..
-يمك عمو
_ اي بنيتي .. طلعت الكروة من الجنطة وانطيته
-خليها بوية
_لا تسلم .. نزلت وخليت مناظري وادحك بالعالم .. هذا اليصيح وجايب واحد من عائلته متخربط وهذا الايدو مرضوضة وهذا الرجلو مكسورة ووووو هواي حالات تمر علينا باليوم .. تلكاني الدكتور محمد وهو يكول : اسررع ورقاء اسررع اكو ضابط ناقلينو هين .. هرولت ولبست الاب كوت مالتي

_دحكت بالوجوه كلها شوارب ويخوفون .. مطوقين لغرفه تطوق بحيث محد يوصل الها .. الظاهر مسؤول چبير جايبين .. اثناء دخولي للغرفه سمعت : دگحز عني غاد لا اچفص بمصارينك هساع  صائب ..

لميت شفايف مانعه نفسي اضحك جان عصبي ويصيح على صديقو
دخل كدامي الدكتور محمد ودخلت وراه .. شفتو متمدد ولافين جتفو وصدرو عاري تقدم محمد وشيك على وضعو وجان يكول  بصوت هامس : ومحمد العربي صارت عويريصه هساع شنهي هاي ضحكت يقصد صارت ضوضاء وهوسة لان فعلاً كالبين المستشفى كلاب شديت لمغذي اله وانطيته ابره صفن بوجهي

رفعتلو تك حاجب
همسلي: الله يعثرج هلجمال منين

رديت عليه بهمس : يعثرك الك فوك ما انتَ معثور يولو ..

ضحك وكتم صوت ضحكو انسحبنا اني ومحمد
- اكلك محمد شكو ليش هاي الهوسة هساع ؟
_ هذا قائدهم ومتصاوب غدر ..
-اهاا تمام .. اليوم جان مُتعب جداً اروح منا ومنا الى ان صار وقت الاستراحه مالتي ... كعدت على مسطبه اكل كيك وعصير وادحك للعالم