طوفان من العاطفة

الطوفان الرابع

(لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

اول ما دخلنا وكفت مذهولة ادحك للمكان شكد حلو
كادر مصورين واكف على جهة وبالنص اكو ميز مرتب وكرسين
ومرتب النا عشاء رومنسي ..

لمكان صاير حديقة كلش حلوه دحكتلو وكلت

_ فضل هاي شنو كُلش حلو

- شكلتي ؟

_ كلش حلو داكلك

- قبلها ؟

_فضل ؟

- اغدي فدوة يولوو

دنكت راسي وكلت بخجل
_شكراً والله فرحت هواي لمكان يخبل

ابتسم وجرني من ايدي
اول شيء اخذولنا لقطات هواييي تقرب وخلا ايدو على خصري ونضراتو اكلت وجهي اكل .. يدحكلي وابتسم واخذت لقطه المصورة

المصورة : ابقو لحظه هيج كلش حلوه طلعت

قربني اله اكثر توترت وخفت
دنكت راسي رفعو باصبعو وهو يكول

- لا .. خليهن بعيوني ..

_ و وترتني ترى

ابتسملي ومد ايدو يرجع شعري ورا اذاني

- ورقاء انتِ كلش حلوه .. كل اوراق حياتي سودة الا  انتِ لورقة لبيضة لوحيدة بحياتي

بلعت ريكي مستحية مااعرف شنو ارد عليه
كمل كلامو وهو يكول

- سبحان من خلقج .. وسبحان من خلا عيون الريم عيونج ..

_ احم الفضل

- عيونو..

قاطعتنا المصورة وهيه تكول

المصورة : هاهيه كملنا

وخر عني عدلت ملابسي ، انسحبوا الكادر كلهم وجابولنا العشاء
مد ايدو لزمتها وتمشيت وياه .. جر الكرسي وكعدني ونزع سترتو وشمرها على الكرسي مالتو وكعد حجيت واني اضحك ..
وادحك للاكل
ورقاء : والله صراحة اني جوعانه ما اصبر بعد

وبديت اكل وهو ضحك وبدا ياكل وياي ..
ناكل ونسولف جانت اجواء كلش حلوه واخذت راحتي شوية وكسرت حاجز الخوف والتوتر لبينا