طوفان من العاطفة

الطوفان الثامن والعشرون

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

—————

ميان :- الدنيا مخبوصه برجعه الشاهين ، البيت نترس زلم وريحان الرعنه عافتني وراحت ، انه وليليان رغم صغرها بس نتساعد ونركض منا ومنا ودخل سيف ساعدنا يودي ويجيب الهم خطيه، هلكنا كلنا كعدنا بلمطبخ نجر نفس صاحني السبع طلعت اله دخلت للغرفه وكلت

ميان : ها سبعي

السبع : روحه انتِ ، بس طلعي فراش لشاهين حيبات يمنا ميريد يصعد لبيته وميكدر هم

ميان : من عيوني ..

جرني اله وباسني وحجة..
السبع : اطيح فدوة لعيونج انه

اخذ ملابسه ودخل للحمام سبح ، طلعت الفراش ومخدة وغطى وخليتهم على صفحه ، طلع ينشف بشعره غمزلي وراح مشط شعره واخذ الفراش ونزل

نزلت وراه اياد ويوسف موجودين ، دخلت للمطبخ وسمعت

سيف : بعدها تضوجج ؟ احد ديتقربلج؟

ردت عليه ليليان بصوت محتقن
ليليان : اا اي

سيف : و ..

وسكتوا من دخلت ، باوعت عليهم دنك سيف عاض شفته وليليان كامت

ميان : ليليان

فزت والتفت الي وسيف رفع راسه يباوع بترقب

ليليان : ه ها ماما

ميان : لا تدخلين لصاله اصدقاء ابوج هنا

ليليان : هو اي ادري رايحه لغرفتي

ميان : تمام

لليل بقوا تقريبا وراها راح يوسف وبقى اياد وسيف صاحنا السبع خليت شال على راسي ودخلت كعدنا نسولف دك تليفون الشاهين شمره الشاهين على اياد وفشر عليه ، ضحك اياد واخذ التليفون طلع برا يجاوب

السبع : ورقاء؟

الشاهين : اي

خزرت السبع وكلت 
ميان :سالمين سبع ؟ شو تسال انتَ

غصوا ثنينهم من الضحك وشاهين يعيط متالم
كلبت وجهي مدري على شنو يضحكون ..

السبع : سالفه طويله بابا متورط بيها اياد ورط بيها الشاهين

عقچت حواجبي ، بعدها كلت
ميان : لحظه يعني مو زوجت الشاهين ؟؟؟؟؟

الشاهين : شبيج بوية لا تخبطين

لطمت على وجهي وكلت
ميان : صخام وهاي ريحان عبالها متزوج وكالبه الدنيا