طوفان من العاطفة

الطوفان الاخير

لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙 والتعليق على الفقرات دعمكم يسعدني🩶

—————

سيف : بس نوصل يم الباب انزلج وتمشين وحدج علمود لا ننخبز

جلبت بيده خايفه لا اوكع وصلنا يم الباب نزلي وجلبت بيده

ليليان : اوكع لا تعوفني

ضحك وكالي ..
سيف : هههههه خوش

دخلنا فتح الربطة عن عيوني وفجأة صار صياح

" كل عاممم و انتِ بخيرر "

ضحكت اباوعلهم
ماما وبابا وخالتي وعمي وخالي ومرته والجهال وكلها مجتمعة حتى عائلة خالة يقين ، ورقاء واختها وزوجها ..

مزينين الصالة و مخلين كيك وكلشيي مرتبين  باوعت لسيف وضحكت وكلتلهم ..
ليليان : توقعتكم ناسييين

تقربت ماما وباستني وتحجي
ميان : شلون انسى عيد ميلاد اول فرحة بعمري ؟

حضنتها فرحانة ، تقربوا كلهم باسوني وعايدوني همسلي سيف

سيف : يصير هم انه ابوسج واعايدج ؟

خزرته وكلت
ليليان : لا تستخف

ضحكك جروني من ايدي وكفت نكص الكيك وشغلوا الاغاني
تقرب سيف وهو يدندن

سيف : ضلعي انتَ ولجلك الجو يشتععلل

وما احس الا خلا على ايده من لكيك وخبصها بنص وجهي
عطتت وكام الكل يخلي بوجهي من الكيك

وكفت صفنت عليهم وكلهم يضحكون وقمر تكمز تريد تخلي على وجهي هي هم ، ضحكت ونزلت لمستواها وخلت على خدي

كمت واخذت من الكيك وركضت ورا سيف كام يفتر بالصالة وكلهم يباوعون النا وغاصين من الضحك

ليليان بتصنع العصبية : خربت وجهي هسه شلون اصور هاااا
لو ما انتَ ما جان تذكرو يخلون كيك على وجهي تعاااللل

اركض منا ومنا وماكدر الزمه وبحركة سريعة قيده عمي الشاهين
ضحكت بإنتصار وتقربت بسرعة وخليت ايدي بنص وجهه كام ميشوف من الكريمة ..

الشاهين : ههههههه سباعيهه على خالتها تاخذ حقها بيدها

ريحان نثرت شعرها بغرور

سيف : طيح الله حضك شاهين

ضحك الشاهين عليه ، عفتهم ورحت اغسل وكفت امسح وبوجهي كل وجهي صار كيك امسح مايروح تنرفزت

اجا سيف وراي اسمع صوت ضحكته
وخرني وكف يغسل ، كمل وباوعلي مبرطمة

سيف : بجت بجت