طوفان من العاطفة

الطوفان الثالث

(لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)

بقلم / رغد خليل🤍..

لاتنسوا التصويت بالنجمه 💙

—————

باوعتله مستهزئة وكلت ..

::- هه تشرفنا سيادة ال****الفضل اني ورقاء

خزرني وكال

؛-حضرتج تستهزئين؟

::- لا العفو سيادتك  شلون نستهزء بحضرتك مايصير

دحكلي من فوك لجوا وهز راسو
::-شتريد مني انتَ شتريد فوك ما عايشة برعب اني تزيدها عليه ؟

؛ صار شي وياج ؟

بلعت ريكي وكلت ..

::- لاحظت اليوم نظرات اشخاص عليه مادري عبالك يدوروني

؛ ياربي دخيلك بلوه انتِ بلوه

رفع تليفونو يخابر مبتعد عني .. شوية ورجع وكال ...

؛- دحكيلي اني ماعندي لف ودوران احبج واريد اخطبج بس الاعرفه انو وحدج هين واهلج متوفين من منو اخطبج !

كالها كلها دفعة وحده نقهرت ودنكت وحجيت بصوت مخنوك
::- اني رافضة ما يحتاج تتعب روحك وتحتار من منو تطلبني اصلا ما اوافق

ثارت دمعة من عيوني مسحتها بكف ايدي وعفتو يصيحلي وطلعت 
واحجي ويا نفسي مقهورة وضايجة بنفس الوقت ..

::- شنو عبالو  هذا ، اني اعلمو خليرجع يحجي وياي بعد الا اشهرو وافضحوا الادبسز لمايستحي على وجهو شنو تايهتلو ..

دخلت للغرفة مالتنا بوكتها بجيت بحركة مو طبيعيه
رفعت راسي دحكت لوجهي بلمراية وجهي احممرر وعيوني خطوط حمر واضحة بيها .. سحبت نفس وكمت غسلت ورحت لشغلي

لاحظتني يقين كلشوية تجي تسولف وياي وتريد تفتهم شكو بس ماحجيت شيء .. الا ان صاحني الدكتور سليمان عرفت يقين كايلتلو شيء عن طلعتي من بيتهم ..

الدكتور سليمان: بابا ورقاء ليش طلعتي من عدنا شنو ممرتاحة يمنا ؟ صار شيء ضوجج ؟ كوليلي ليش بنتي ؟

- احم لا دكتور بلعكس بس اني ماحب اكو ثكيلة او عبء على احد

الدكتور سليمان: شنو هذا الحجي بابا ازعل عليج والله انتِ عندي نفس يقين

-تسلم دكتور .. بس

الدكتور سليمان: لا بس ولاشيء ترجعين يمنا

- تمام ارجع .. بس من الاكي بيت هاهيه اطلع متفقين

ضحك على طريقة كلامي واردف
الدكتور سليمان: متفقين بابا

ابتسمت وطلعت من يمو .. كملنا شغل بالمستشفى ورجعت للفندق اخذت اغراضي وسلمت مفاتح الغرفة وطلعت لبيتي
صراحة جنت خايفة هواي ما انكر
واتذكرت الموقف الصار وياي بالمستشفى