-ប៉ុស្តិ៍ប៉ូលីស
« វា...វាកុហក កូនខ្ញុំមិនបានប្រព្រឹត្តឡើយ គ្រប់គ្នាកុំជឿវាអី » សំឡេងញ័រៗបន្លឺឡើង ដៃជ្រីវជ្រួញចង្អុលទៅកាន់ កម្លោះតូចដែលឈរក្បែរនោះ។ បើយើងសង្កេតអោយច្បាស់ យើងនឹងឃើញថាកម្លោះតូចម្នាក់នេះបានពាក់កាតសម្គាល់ខ្លួន ដែលតាមរយះកាតនោះបញ្ជាក់យ៉ាងច្បាស់ៗថាគេគឺជាប៉ូលីសផ្នែកស៊ើបអង្កេតម្នាក់ ឈ្មោះ គីម ថេយ៉ុង។ វ័យរបស់គេក្មេងខ្លាំងណាស់ត្រឹមតែអាយុ២៣ប៉ុណ្ណោះ ប៉ុន្តែគេមានបទពិសោធន៍និងជំនាញច្បាស់លាស់ទើបអ្នកនៅក្នុងក្រុមដាក់រហ័សនាមអោយគេថា ខ្លាតូចឆ្នើម។
« ពួកយើងមិនមែនចេះតែដើរចាប់គេផ្តេសផ្តាសឡើយ ខាងពួកយើងមានភុស្តតាងគ្រប់គ្រាន់ » ថេយ៉ុងលើករូបថតជាច្រើនសន្លឹកដាក់លើតុបង្ហាញអោយស្ត្រីចំណាស់បានឃើញ សុទ្ធតែជារូបថតកូនរបស់គាត់ ដែលគេលួចថតបានពីសកម្មភាពប្រើប្រាស់ថ្នាំញៀនរួមទាំងការជួយដូរ។
« មិន...មិនមែនកូនខ្ញុំឡើយ ឆាប់ដោះលែងកូនខ្ញុំទៅ » គាត់ស្រែកឆោឡោដើម្បីអោយគេដោះលែងកូនរបស់គាត់។ ព្រោះតែក្តីស្រឡាញ់ការចិញ្ចើមកូនតាមទំនើងចិត្ត រហូតដល់កូនធ្លាក់ខ្លួនចូលសង្គមងងឹតគាត់នៅតែមិនទទួលស្គាល់ថាមិនមែនជាកូនរបស់គាត់។
« កូនអ្នកស្រីពិតជាបានប្រើប្រាស់គ្រឿងញៀននិងបានជ្រុសដៃសម្លាប់មនុស្សពិតមែន »
« បានហើយថេយ៍ ទុកអោយតុលាការកាត់ក្តីទៅចុះ » បុរសកម្ពស់ខ្ពស់ស្រឡះ ពាក់វែនតាដើរមកក្បែរថេយ៉ុងដោយលើកដៃដាក់សង្កត់លើស្មាថេយ៉ុង ដើម្បីអោយគេបញ្ឈប់ការបកស្រាយ ព្រោះទៅជាយ៉ាងណាក៏ស្ត្រីម្នាក់នេះមិនព្រមទទួលស្គាល់ថាកូនគាត់ខុសឡើយ។
ថេយ៉ុងងក់ក្បាលតិចៗ វាគួរតែដល់ពេលគេសម្រាកហើយ ណាមួយបេសកកម្មគេក៏ត្រូវបានបញ្ចប់ ភុស្តតាងក៏មានគ្រប់គ្រាន់អាចញាត់អាក្មេងឈាមរាវនោះចូលគុកបាន។
« ចង់ទៅណា? » ស្រ្តីចំណាស់ឆាប់តែស្ទុះបោចសក់ថេយ៉ុងពីក្រោយ។
« ថេយ៍ » ណាមជុនប្រុសភ្នែកបួន បានចូលមកទាញដៃគាត់ចេញ តែគាត់ខ្ញាំជាប់យ៉ាងណែន ព្រោះតែទំហឹងគុំនុំដែលថេយ៉ុងញាត់កូនគាត់ចូលគុក។
YOU ARE READING
បេសកកម្មតាមប្រមាញ់ឃាតករ⛓
Short Storyថេយ៉ុងជាប៉ូលីសស៊ើបអង្កេតដ៏ឆ្នើមម្នាក់ដែលត្រូវបានថ្នាក់លើចាត់ឲ្យតាមប្រម៉ាញ់ឃាតកររោគចិត្តម្នាក់ដែលសម្លាប់មនុស្សយ៉ាងព្រៃផ្សៃ។ក្នុងបេសកកម្មនេះគេមានរយៈពេលត្រឹមតែ 15 ថ្ងៃប៉ុណ្ណោះដើម្បីវែកមុខរកឃាតករ។ "អ្វីដែលគេចងចាំបំផុតក្នុងការចេញប្រតិបត្តិការគឺមិនត្រូវទុ...
