فأنتَ وحدَك مَن بالحُبِّ يسكُنني
وأنتَ أجمل ما ضمَّتهُ أقداري ..
..
#ضَاري.
أعتقد إني مو واضح لأحد للحين ..
تعبّ عِنان النفّسي اللي أرتبط إرتباط تام فيني .. ما بدأ فيني بس إنتهى فيني.
كوّنه كان يعاني ومحد لاحظ عليه من بداية تعبه شكّل فرق كبير.
كان كل اللي ينّقال لي من جيت إنه الكل توقعّ تغيّر عِنان هو الضغط اللي كان يضّغط نفسه فيه لأنه كان يدرس آخر سنة له بالثانوي ..
الضغّط هذا أنّقلب رأسًا عَلى عقب وما كان من صالحه أبدًا ..
أنك تنّضغط وتصير أفكارك تتضارب وأخيرًا يدخل بحياتك شخص ويتّمحور تعبك النفّسي عليه بحيّث كل خيالاتك وهلّوساتك عنه ..
قلّبك يبيه .. روحك مرتاحه بقربه .. بس الطرف الثاني اللي عايش بعقلك يبدأ يقّلب كل هالمشاعر الحلوه لِسلّبية.
تصير وكأنك بين نارين .. مشاعرك ورغّبتك الشديدة بهالشخص.
وخوفك وهلّوساتك المُخيفة عنه ..
ساعة يكون لطيف وشخص مخّتلف تمامًا وساعة ينّقلب وتشوف الخُبث بعيونه ..
ولو تكلمنا عن هالنوع من الأمراض النفّسية والتراكمات الصامتة ماراح ننّتهي ..
وبعمّرنا لا نسّتهين بِ أي تفكير نفكر فيه ..
لا ننّسى إنه لنا عقل باطني يتّخزن فيه كل شيء ولو كان تافه .. ما بنّكون مركّزين بس هالشيء بيكون له تأثير كبير علينا وعَلى حياتنا وأحلامنا.
مثل لما نتّخيل أشياء نتمنى لو تصير .. نتّخيل ونتّخيل ونتّخيل وبعدين نشوف نتيجة هالتخيّل.
يمكن يكون من صالحّنا أو ينّقلب علينا ونقول يا ليتنا ما غمّضنا عيونا وتخيّلنا.
مثل لما تحب شخص أو حتى تكون منّجذب له ولو مُجرد إنّجذاب بسيط بتلاقي نفسك تفكر فيه وبينّقلب هالتفكير لتخيلات.
تكّرار هالتخيّلات بتصير روتين بالنسبة لِـ المُتخيل .. يمكن هو يستمتع فيها ما يعرف إنه هالشيء له تأثير برضو عَلى الطرف الثاني.
إذا ما كان يحس بشيء ناحيتك وما كان حتى يفكر فيك راح تطّري عَلى باله وساعات كثيره هالشيء ما يكون بصالح أي أحد ..
