Flower ; Someone with a beautiful illuminated face
ရဲသားကြီးတွေက အခုဆိုရင် သူတို့ရဲ့ ကိုယ်ပိုင်အလုပ်နေရာ စားပွဲအသီးသီးထံကို ပြန်လည်ကာ ရောက်ရှိသွားခဲ့ကြပြီ။အဘွားက Mr Lucindaဆိုသူနဲ့ လက်ရှိ ရဲစခန်းအတွင်းက ညာဘက်ထောင့် နေရာလွတ်တစ်ခုမှာ အတူရှိနေခဲ့တယ်။သူမက ထိုင်ခုံတစ်ခုပေါ်မှာ ထိုင်နေခဲ့တယ်။ Mr Lucindaကတော့ သူမရဲ့အရှေ့မှာဘဲ ဒူးတစ်ဖတ်ထောက်ကာ ထိုင်ချထားလျှက် ပုံစံနဲ့ ရှိနေတယ်။
အဘွားရဲ့ လက်တွေကို ဆုတ်ကိုင်ထားတယ်။မျက်နှာကိုလည်း ခပ်မော့မော့ လုပ်ကာ စကားတွေ ဖောဖောသီသီ ဆိုနေကြတဲ့ပုံဘဲ။သူ့ကိုကြည့်ရတာ သူမအပေါ်မှာ အတော်လေး နူးညံ့ကြင်နာတဲ့ပုံ ပေါ်တယ်။ငါ့အဘွားကလည်း အဲ့ဒီMr Lucindaရဲ့မျက်နှာကို ကြည့်ပြီး ပြုံးလို့ရယ်လို့ဘဲပေါ့။
အဘွားနဲ့အတူ ၆ နှစ်ဆိုတဲ့ ကာလရှည်တစ်လျှောက်လုံးကိုတောင် ဖြတ်သန်းလာခဲ့တဲ့သူဘဲ။သူမရဲ့ မျက်နှာပေါ်မှာ ဤကဲ့သို့ လက်ဆက်ပြီး ချိုသာနေတဲ့ အပြုံးမျိုး မြင်တွေ့ခွင့်ရတာကတော့ လက်ရှိ အခိုက်အတန့်က ပထမဦးဆုံးဘဲ။တကယ်ကို ပထမဦးဆုံးဖြစ်ပါတယ်။နှစ်ဦးသားကို လည်ပြန် ငေးကြည့်နေမိရင်းနဲ့ Mr Lucindaရဲ့ အပေါ်မှာ တစ်မူထူးခြားစွာ ရင်းနှီးခင်တွယ်နေတဲ့ သူမကြောင့် အတော်လေး အံ့သြပြီး မှင်သက်မိတယ်။တစ်ချိန်တည်းမှာ ကြည်နူးမှုတစ်စွန်းတစ်စလည်း နှလုံးသားမှာ ပျော်ဝင်နေသေးတာကိုတော့ မညာတမ်း ဝန်ခံပါတယ်။
အဘွားကို ရဲစခန်းထဲကနေ ပြန်ပြီး ခေါ်ထုတ်သွားလိုက်ဖို့ကို မုတ်ဆိတ်ပါးသိုင်းမွှေးထူထူနဲ့ ရဲသားကြီးတစ်ဦးရဲ့ ကိုယ်ရေးအချက်အလက် စစ်ဆေးတာကို ခံယူရတယ်။စစ်ဆေးခံရတယ်ဆိုပြီး တင်းကျပ်စွာ အမေးအမြန်း လုပ်ခံနေရတယ်ဆိုတာမျိုးလည်း မဟုတ်။ငါ ဒီစစ်ဆေးမှုကနေ ဖိအားတစ်စုံတစ်ရာ မခံစားရပါဘူး။မိတ္တူစက်ထဲက ထုတ်လာတဲ့ စာရွက်စာတမ်းတွေရယ် ငါ့မျက်နှာရယ်ကို တစ်လှည့်စီကြည့်တယ်။
''နာမည်က Zahra Asante နော်..."
"အဒဲလ်မြို့သား စစ်စစ်...ပြီးတော့ Aတက္ကသိုလ်ရဲ့ ကျောင်းသားလည်း ဖြစ်တယ်။မြေးအဘွား နှစ်ယောက်တည်း ရှိပြီး အိုး...အဘွားဖြစ်သူကို တစ်လျှောက်လုံး တစ်ယောက်တည်း စောင့်ရှောက်နေခဲ့တာဘဲ...''
ВЫ ЧИТАЕТЕ
မင်းရဲ့အံ့ဖွယ်လေး ဖြစ်ချင်မိတယ်/မင္းရဲ႕အံ့ဖြယ္ေလး ျဖစ္ခ်င္မိတယ္ (Complete)
Любовные романыBoth Unicode And Zawgyi. လူတစ်ယောက်က လူတစ်ယောက်အတွက် အံ့ဖွယ်လေး ဖြစ်လာတယ်။ လူတစ္ေယာက္က လူတစ္ေယာက္အတြက္ အံ့ဖြယ္ေလး ျဖစ္လာတယ္။ Start date ; Aug 7. 2022 End date ; Dec 12 .2022
