အဖိုးတန်တဲ့ အရာရာကို မလိုအပ်ဘဲ မင်းလေးကြောင့် အဖိုးတန်သွားမယ် တစ်စုံတစ်ခုကိုသာ သက်ဆုံးတိုင် မြတ်နိုးသွားမယ့်သူ ဖြစ်ခဲ့ပါတယ်။
လက်က နာရီကို ကြည့်မိတယ်။1 နာရီ မက်တင်းကို ညွှန်ပြမလို့သာ ရှိသေးတယ်။
ဆိုးရွားတဲ့ အတွေးတွေကြောင့် အိပ်မပျော်နိုင် ဖြစ်ရတဲ့ ည...
အိမ်မက်ဆိုးတွေ မက်တဲ့ ည...
အဲ့ဒီလို ညတွေ ညတွေက တကယ်ကို ရှည်ကြာတက်ပါတယ်။
သက်ပြင်းတစ်ချက် ဆွဲချကာသာ ရေချိုးခန်းထဲကို ဝင်သွားလိုက်တယ်။မိုးအေးတဲ့ ညကြီးမှာ ရေအေးတွေနဲ့ ကိုယ့်ကိုကိုယ် သန့်ရှင်းရေး လုပ်နေရတယ်။ငါ တကယ်ကို ဒုက္ခရောက်နေတာဘဲ။
အိပ်ခန်းထဲ ပြန်ဝင်လာခဲ့ပြီး ကုတင်နေရာကို ကြည့်တော့ မကောင်းဆိုးဝါး တစ်ကောင်ကို မြင်နေရသလိုဘဲ ရွံရှာစိတ် ဝင်မိတယ်။အဘွားခန်းမှာ အဘွားနဲ့အတူ သွားအိပ်လိုက်ဖို့ ဆုံးဖြတ်လိုက်ပြီး တံခါးကို ညင်ညင်သာသာ ပိတ်လို့ဘဲ ထွက်လာခဲ့တယ်။
အဘွားအခန်းကို ရောက်လို့ သက်သောင့်သက်သာ အိပ်စက်နေတဲ့ အဘွားပုံစံကို မြင်လိုက်ရတာနဲ့တင် ဦးနှောက်ထဲမှာ မစင်ကြယ်တဲ့ အတွေးမှန်သမျှက အတိ ကင်းရှင်းသွားသလိုဘဲ။ပြုံးရေးမိပါတယ်။အရင်ဆုံး အဘွားနှဖူးကို အနမ်းခပ်ဖွဖွ ပေးလိုက်တယ်။ပြီးတော့မှ လွတ်နေတဲ့ ကုတင်တစ်ဘက်ခြမ်းပေါ်ကို အညင်သာဆုံးလေး တွားသွား တက်သွားလိုက်ပြီး အဘွားနံဘေးမှာဘဲ ဝင်ကွေးလိုက်တယ်။
ဒီလောကမှာ အဘွားရဲ့ ကိုယ်သင်းနံ့လောက် ငါ့စိတ်ကို သက်သောင့်သက်သာ ဖြစ်စေနိုင်တာ တကယ် နောက်ထပ် ထပ်မရှိတော့ပါဘူး။အဘွားက ရုတ်တရက် လှုပ်လှုပ်ရှားရှား ဖြစ်လာခဲ့တယ်။အသိဝင်လာသလိုဘဲ ငါ့ကို သူမရင်ခွင်ထဲမှာ ခိုနားစေခဲ့တယ်။နှုတ်ကနေလည်း ဆိုလာပါတယ်။
''အဘွားရဲ့ သနားစရာကောင်းတဲ့ မြေးလေး...အိမ်မက်ဆိုးတွေများ မက်လို့လားကွယ်...''
CZYTASZ
မင်းရဲ့အံ့ဖွယ်လေး ဖြစ်ချင်မိတယ်/မင္းရဲ႕အံ့ဖြယ္ေလး ျဖစ္ခ်င္မိတယ္ (Complete)
RomansBoth Unicode And Zawgyi. လူတစ်ယောက်က လူတစ်ယောက်အတွက် အံ့ဖွယ်လေး ဖြစ်လာတယ်။ လူတစ္ေယာက္က လူတစ္ေယာက္အတြက္ အံ့ဖြယ္ေလး ျဖစ္လာတယ္။ Start date ; Aug 7. 2022 End date ; Dec 12 .2022
