စွဲလမ်းမှုနဲ့ အချစ်ဆိုတာ အဓိပ္ပါယ်ချင်းမတူသလို သက်ရောက်မှုချင်းလည်း တကယ် မတူပါဘူး။
ကုတင်ပေါ်မှာဘဲ တစ်ချိန်လုံး ထိုင်နေခဲ့ရာကထလာခဲ့တယ်။ဧည့်စားပွဲရဲ့ ညာဘက်ခုံမှာ ထိုင်နေခဲ့တဲ့ သူ့နံဘေးမှာ ဝင်ထိုင်လာခဲ့လျှက် ကြင်နာပါတယ်ဆိုတဲ့ မျက်ဝန်းတွေနဲ့ဘဲ ထွေးပွေ့ခံလိုက်ရတယ်။
''တောင်းပန်ပါတယ်...ဘာဘဲဖြစ်ဖြစ် ငါတို့က လှပ ကောင်းမွန်တဲ့ အတိတ်ရှိခဲ့တဲ့ သူငယ်ချင်းတွေဘဲ။သူငယ်ချင်းတွေ အဖြစ်တော့ ဆက်ရှိနေကြဦးမှာမလို့ ငါတို့က တစ်ယောက်ကို တစ်ယောက် ဆုံးရှုံးလိုက်ကြရတာလည်း မဟုတ်ဘူး။ဒါပေမဲ့ မင်းကသာ ဒါကို ဆုံးရှုံးမှုတစ်ခုအဖြစ် သက်မှတ်လိုက်တယ်ဆိုရင်တော့ Simon...ဆုံးရှုံးမှုတိုင်းက မကောင်းတာချည်းဘဲလည်း မဟုတ်ဘူး။ဒီဆုံးရှုံးမှုကနေ မင်းကိုမင်း ပြန်ရလိုက်မှာပါ။ငါပြောရဲတယ်...”
ရက်စက်လိုက်တဲ့ စကားလုံးတွေရယ်...
သူတို့က သူငယ်ချင်းဆိုတဲ့ စည်းထဲမှာဘဲ ရှိခဲ့ကြတာ မှန်တယ်။အဲ့လိုဆိုတိုင်း သူငယ်ချင်းလိုဘဲ သဘောထားခဲတာလို့တော့ ပြောလို့ ဘယ်ရပါ့မလဲ။သူ့အတွက်လည်း အဲ့ဒါကသာ Gunes Lucindaကို တွယ်ကပ်နိုင်ဖို့ တစ်ခုတည်းသော နည်းလမ်း ဖြစ်ခဲ့တာမို့လို့။
သူငယ်ချင်းလိုတော့ ဆက်ရှိနေကြဦးမယ်ဆိုတယ်။Gunes Lucinda တစ်ဦးထဲရဲ့ စိတ်ထဲမှာဘဲ အဲ့ဒါက ဖြစ်နိုင်ပါတယ်။သူကတော့ သူ့ချစ်ရသူ Gunes Lucindaကို လက်လွှတ် ဆုံးရှုံးလိုက်ရတာဘဲ။
သူ့နှလုံးသားက အခုသေတော့မလိုဘဲ။လက်မခံနိုင်လို့ တုန်ယင်နေတာများ နာကျင်လိုက်တာ။
ဘယ်လောက် ပျော့ညံ့လွန်းတယ် ပြောပါစေ...ဤသူ့ကို ချစ်တဲ့ အချစ်တွေကြောင့်သာ ဘဝကြီးကို အားတင်ပြီး ကျော်ဖြတ်နိုင်ခဲ့တာ ဒါအမှန်တရားပါ။အခုတော့မှ လာပြီး ဒီအချစ်တွေကို မဖြစ်မနေ ရပ်တန့်ပေးလိုက်ရတော့မယ်ဆိုတော့ သူ့ကိုယ်သူ ဖြတ်စီးပစ်ဖို့ လုပ်ရတာနဲ့တောင် အတူတူဘဲ။
YOU ARE READING
မင်းရဲ့အံ့ဖွယ်လေး ဖြစ်ချင်မိတယ်/မင္းရဲ႕အံ့ဖြယ္ေလး ျဖစ္ခ်င္မိတယ္ (Complete)
RomanceBoth Unicode And Zawgyi. လူတစ်ယောက်က လူတစ်ယောက်အတွက် အံ့ဖွယ်လေး ဖြစ်လာတယ်။ လူတစ္ေယာက္က လူတစ္ေယာက္အတြက္ အံ့ဖြယ္ေလး ျဖစ္လာတယ္။ Start date ; Aug 7. 2022 End date ; Dec 12 .2022
