မိုးရွာလို့ဆိုပြီး စိတ်ပျက် ညည်းညူနေမယ့်အစား မိုးရေထဲမှာဘဲ ကခုန်တက်အောင် သင်ယူသင့်တယ်။
ဘယ်လိုဖြစ်လို့ မျက်နှာချင်းဆိုင်မိတာနဲ့ ငါ့ခေါင်းကို တန်းပြီး ပွတ်သပ်ဖို့ လုပ်ရတာလဲ?'ကလေးကုလား ခေါင်းကိုင်ပြီး အမြှူခံရတာမျိုး တကယ် မကြိုက်ဘူးဆိုတာကို တစ်ဖတ်လူက သူ့အလိုလိုဘဲ ခံစားမိသွားအောင် ခေါင်းကို ရှောင်လိုက်တယ်။မျက်နှာကိုလည်း ချက်ချင်းဆိုသလို အလိုမကျဟန် သုန်မှုန်ထားလိုက်သေးတယ်။
''ဒီမှာ Mr Lucinda...''
''အမိန့်ရှိပါဦး...''
''ခင်ဗျားပုံစံက တစ်ချက်ကြည့်ရုံနဲ့တင် ချမ်းချမ်းသာသာ မိသားစုကဆိုတာ ဒီလောက် သိသာနေတာ...ဒီလိုစုတ်ချာနေတဲ့ နေရာမှာ ခင်ဗျားကို စွဲဆောင်နိုင်တဲ့ ဘယ်လို မက်မောစရာတွေများ ရှိနေလို့လဲ...ကျွန်တော်ဖြင့် တကယ်ဘဲ အံ့အားသင့်မိပါရဲ့...''
မထင်မှတ်ထားဘဲ ကောင်လေးက ဒီစကားမျိုး ပြောလာခဲ့တော့ သူ့မှာ ခနတာမျှပင် ငြိမ်သက်သွားမိပါတယ်။
အကယ်၍ သူကသာ ''ကိုယ် မက်မောနေမိတာက မင်းလေးပါ”ဆိုပြီး ဖွင့်ဟလိုက်မိရင်ရော?သူသည်ကား ကောင်လေးရဲ့ တာဝန်ယူပေးမှုကို ပိုင်ဆိုင်ရတဲ့အထိ ကံကောင်းတဲ့ လူသားတစ်ယောက်များ ဖြစ်နိုင်ပါမတဲ့လား။အနည်းငယ်ပင် ပြုံးရေးလိုက်မိတယ်။သူ သိပ်ကို မျှော်လင့်လွန်းနေတာဘဲဆိုပြီး တွေးမိလိုက်တာမို့သာ ဖြစ်ပါတယ်။
မျက်နှာပေါ်က အသားကျနေတဲ့ အပြုံးနဲ့ဘဲ တုန့်ပြန်ပေးလိုက်ပါရဲ့။
''မင်းတို့မြေးအဘွားနဲ့ လမ်းခွဲခဲ့ပြီး နောက်တစ်ရက်မှာဘဲ Aတက္ကသိုလ်မှာ မင်းကို နှုတ်ဆက်ချင်တာနဲ့ ကျောင်း Web siteထဲမှာ မင်းနာမည်ကို ရိုက်ထည့်ပြီး မင်းက ဘယ်အတန်းမှာလဲ၊ မင်းရဲ့စာသင်ချိန်တွေက ဘယ်လိုလဲဆိုတာကိုလည်း စုံစမ်းဖြစ်ခဲ့သေးတယ်...''
''အိုး တကယ်ဘဲလား...ဒါဆိုရင်တော့ တောင်းပန်ပါတယ်။ဒီရက်တွေမှာ ကျွန်တော် ကျောင်းသွားမတက်ဖြစ်ခဲ့ဘူး...''
ВЫ ЧИТАЕТЕ
မင်းရဲ့အံ့ဖွယ်လေး ဖြစ်ချင်မိတယ်/မင္းရဲ႕အံ့ဖြယ္ေလး ျဖစ္ခ်င္မိတယ္ (Complete)
Любовные романыBoth Unicode And Zawgyi. လူတစ်ယောက်က လူတစ်ယောက်အတွက် အံ့ဖွယ်လေး ဖြစ်လာတယ်။ လူတစ္ေယာက္က လူတစ္ေယာက္အတြက္ အံ့ဖြယ္ေလး ျဖစ္လာတယ္။ Start date ; Aug 7. 2022 End date ; Dec 12 .2022
