ذبحوك قدام عيوني ورب الكون لاخذ بثارك

البارت 4

عنوان الرواية:
ذبحوك قدام عيوني ورب الكون لأخذ بثأرك
.
البارت الرابع
.
للكاتبة المبتدئة:

«في وطني غريبة»
.
أم  سعود: الله يوفقك
وتموا سوالف لين آذن الظهر
.
أم سعود تقوم وهي تستند بعصاتها: يله يعيالي انتبهوا لبعض انا بروح عشان اصلي واشوف تركي وينه
ليان: اجلسي صلي هنا ونتغدا سوى انا بروح انادي تركي لاتحاتي
أم سعود: لا يبنيتي لازم إرجع البيت اشوف سعود يمكن يتصل بعد شوي
.
ليان: براحتك خالتي اللي تشوفين
قامت أم سعود ورافقتها ليان لين ماوصلتها لباب البيت الرئيسي
.
رجعت ليان وصعدت جناحها وتوضت وصلت الظهر ورجعت انسدحت بسريرها وراحت بنووومه
.
جناح ريان كمل يصلي وقعد على سريره يفكر كيف يترك ليان بروحها لين غلبه النعاس وراح بنووومه
.
.
ب آذن العصر صحوا اثنينهم
ورحوا توضوا ورجعوا صلوا كل واحد بجناحه
نزلوا الاثنين عشان الغداء
كملوا يتغدون والهدوء سيد المكان
قاطع هدوئهم ريان وهو يقول: مدام إنك مصره تخليني اكمل ادرس روحي تجهزي عشان نخرج نشتري لي المستلزمات الضرورية للجامعه
.
ليان وهي تشرب بقيه العصير: ليش وش ناقصك مو انت قايل امس انك ماتحتاج شي.؟!
ريان: أنا قلت كذا لأني كنت مفكر اني راح اتركها بس ب اصرارك يا ست ليان رجعنا عن فكرتنا
ليان: فديت خيي اللي ياخذ بخاطري وقامت تبوسة.
ريان يبعدها: روحي عني الله يقرفك
ليان ماده بوزها: اي لو كانت حبيبت القلب كنت رضيت
ريان: تطمني لا انتي ولا حبيبه القلب بسمح لكم تنقصون من رجولتي
ليان بصدمه: ريانووه من متى صارت البوسه تنقص الرجولة ترى هالفكرة خطأ
ريان: بقاموسي البوسه تنقصها بالذات لو كانت من بنت لرجل يعني لو كانت من رجل لبنت عادي اما العكس لاااا
ليان وكأنها تذكرت شي وبفكرة شيطانيه: ريانوه تدري وش صار لما كنا في حداد امي وابوي الله يرحمهم
ريان: الله يرحمهم. وش صار
ليان: رفيقتي انخطبت هالخاينه وماقالت لي
ريان بنص عين: بصفتك منو تقول لك لايكون امها ولا ابوها وماندري
ليان بثقه: بصفتي صديقت عمرها وماتسوي شي قبل تأخذ رايي فيه بس مبين انها ماكانت تبي تكلمني بشي مثل هاذا وانا حزينه
ريان وبدأ عليه علامات التوتر: ومنو هاي اللي بايعه عمرها عشان تاخذ برايك بكل شي
ليان وبدأت شكوكها تكون في محلها: مين غيرها هدوشتي
ريان ويتمنى ماهي اللي في باله: ومين ذي هدوشتك
ليان بنذاله: انت تتكلم جد ماعرفتها وتوك امس موديني لبيتها
ريان هنا خلاص حس بخيبه أمل كبيرة وكأنه خسر شي ثمييين. وبنبرة حزن تكسر الخاطر: اهاا الله يوفقها. قام وشال جواله ومفتاح السيارة وطلع جناحه وهو طالع: تجهزي شوي ونطلع

ليان بنفسها هيييين يا هديل تحبين اخوي واخوي يحبك وأنا آخر من يعلم هيييين ياريانووه بوريكم شغلكم والله إني لالعب ب اعصابكم
بس بالاخير راح اجمعكم ب اذن الله.
.
عند ريان حس وكان الكون مافيه اكسجين
قاعد على السرير ويلوم نفسه
انا اللي ضيعتها من يدي وش كان رح يصير لو اعترفت لها بحبي وش كان رح يصير لو كلمت امي او ليان يروحوا يقدموا خبر على الاقل خطبه لين اكمل الجامعه الخطأ خطأي لاني حبيتها بالسر وماكلمت أحد  وتنهد بصوت مسموع: آه آه آه مونصيبك ياريان مو نصيبك لاتلوم نفسك الله يوفقك ويسعدك ياهديل الله يوفقك.
بخلف الباب كانت ليان تسمعه
وحز بخاطرها كلامه وقالت في نفسها لا تخاف ياروح أختك أن شاءالله نصيبك بس بعلمكم كيف تخفون عني ههههه
.
طقت الباب ودخلت ليان: حبيبي ريانو خلاص انا جاهزة
ريان ناظرها وهز راسه وقام
تبعته ليان وهي تكلمه: ريانو وش فيك اللي يشوفك مايقول انه انت اللي قبل شوي.
ناظرها ريان وهو داخل السيارة: وش فيني مافيني إلا العافية
ليان بنفسها حزنك باااين ياعيون اختك أن شاءالله تكونوا حق بعض
.
وصلوا المول وشروا كل الأشياء اللي يحتاجهم ريان للجامعه كملوا راحوا للكوفي الموجود طلبوا لهم قهوة ويسولفون ومندمجين معا بعض
.
.
.
شوي ويجيهم شابين واحد طويل ومعضل ووسييييم لا أبعد حد وكل بنات المول يتفرجوا عليه والثاني موطويل ولا قصير تقريباً بطول ريان و شكله مملوح وباين عليه رجه وحق بنات وقفوا بعيد عن الطاولة اللي فيها ريان بشوي احتراما للي معا ريان ناده القصير: ريااان.
التفت ريان ومفاجئ وبابتسامه شوق: عزوز.
وقام حضنه بقوة وعيونه امتلت دموع
.
وابتعد شوي عن عزوز والتفت للي وراه وراح له: هلا والله راكان هلا نورتوا الدمام  والله
عزوز وراكان بصوت واحد: الديرة منورة ب أهلها
.
عند ليان منصدمه من اللقاء اللي صار بينهم وبنفسها هذول اكيد ربع ريان وشكلهم مرت عليهم مدت ملتقوا آه آه الله يجمع بين كل متفارقين يحبون بعض قطع افكارها ريان اللي وقف قدامها ويمد لها مفتاح السيارة: روحي السيارة شوي واجيك
ليان بفضول: حاظر بس من هذول يريان
ريان: هذول ربعي من الجامعه ومعي بنفس السكن يله روحي
قامت ليان واخذت المفتاح وراحت تنتظر ريان بالسيارة لين يجي
.
.
.
((..‏"أحسست أن شيئًا في حنجرتي، كما لو أنني بلعت العالم كلّه، لا أعرف حتى الآن ما إذا كنتُ حزينة، غيورة أم غاضبة، لكن الشعور الذي أحسست به في المقام الأول هو اليأس الشديد"..))