ذبحوك قدام عيوني ورب الكون لاخذ بثارك

البارت 5

عنوان الرواية:
ذبحوك قدام عيوني ورب الكون لأخذ بثأرك
.
البارت الخامس 
.
للكاتبة المبتدئة:

«في وطني غريبة»
.
عند ريان رجع لربعه وابتسامته ما فارقت وجهه
ريان بفرحه: ياهلا والله بالشباب نورتوا الدمام
راكان: الدمام منورة ب أهلها ي ريان كيفك وكيف أخبارك
ريان بنبرة حزينه: الحمدلله على كل حال.
عزوز بلقافه: ريانووة ماقلت لي من اللي كانت معاك.. ليكون تسوي مواعيد غرامية من وراي
ريان بصدمه: عزوز وش قاعد تخربط تدري أن هالحركات ماتعجبني والي كانت هنا قبل قليل هاي ليان اختي
راكان: لا تأخذ بخاطرك منه يريان يفكر كل الناس مثله
عزوز: ليش وش فيني
راكان: اكبر مغزلجي بالسعودية كلها وتقول وش فيك ماتروح مكان الا وترقم فيه وبعدين طوال الليل اتصالات
عزوز: نونونو مو انا اللي اتبعهم هم اللي يجوني ركض عزوزي فديتك جيب رقمك وانا من باب الشفقه عليهم وعلى الحاله اللي صايرين فيها اجيبة لهم
ريان يغير الموضوع:إلاشباب ماقلتوا لي شو أخبار الجامعه
راكان:والله الجامعه بدأت من أسبوع بس ليش للحين ماحضرت يا ريان عسا ماشر
ريان اخذ نفس طويل ومايبي يبين لهم انه كان ناوي يترك الجامعه : بما أن الجامعه بدأت من أسبوع ليش جايين
عزوز:جايين عشان نودع أخوي بيرجع ألمانيا بس انت ليش للحين ماحضرت
ريان: ولا شيء بس ماكنت متجهز واليوم خلاص شريت الأشياء اللي احتاجهم وان شاءالله ببدأ من الأسبوع الجاي
عزوز شاف مزة ويبي يرقمها مادرى ايش يقول عشان يروح لها:اممم شباب اقول ماتبون تشربون شي.
راكان:على حسابك
عزوز بنص عين:ليش منو قايل لك عزوز بخيل
ريان:هههه عزوز وش فيك اليوم
راكان:حاتم الطائي على غفله
عزوز بعصبيه:الحق علي انا اللي ابيكم تبلون ريقكم.
قام ومسوي نفسه معصب
.
راكان لف ل ريان ومسك ذراعه وشد عليها
ريان ناظرة بنظرة مكسورة وبنبرة حزينه:راكان واللي يعافيك لا تسألني عن شيء
راكان:مادام تدري إني راح اسألك يمكن تدري وش السؤال كمان جاوب بدون لا اسأل
ريان وهو ساكت
راكان:ريان قول وش فيك يمكن أقدر اساعدك
ريان: والله مافيني شي بس...
راكان:بس ايش
ريان:بس كنت ناوي أترك الجامعه
راكان بصدمه:وش قاعد تخربط انت لا لا شكلك شارب شيء
ريان وهو منزل راسة:راكان خلي نفسك مكاني والله ما يطاوعني قلبي اتركها بروحها هنا
راكان:لا تتركها خليها تجي معك واستأجر شقه ولا إشتري بيت بس لا تترك الجامعه لا تتركهاا.
ريان: لا لا صعب جدا اخذها معي وجامعتها هنا ورفيقاتها وكل شي وفوق هاذا مستحيل توافق تترك البيت اللي من ريحه الغوالي
.
راكان:انت الحين وش مقرر
ريان:ولا شيء كنت ناوي وبس
راكان:مين مانعك
ريان:ليان مانعتني رحت افاتحها بالموضوع انهارت وقالت ابوي وصاك بدراستك عشان كل إنسان مظلوم لاتكون اناني..وقالت لو ما رجعت عن قراري مستحيل تكلمني
راكان:وهي الصادقة ريان هاذا مستقبلك فكر فيه عدل
.
.
.
عند ليان
في نفسها اوووف وش فيه ريان تأخر قطع حبل افكارها صوت جوالها:هلا هلا وغلا هدوش
هديل:هلا بالمهلي كيفك ليون
ليان:بخير جعلك بخير
هديل: وينك ليون
ليان:والله خرجت معا اخوي والحين قاطني بالسيارة انتظر حضرة جنابه يجي يرجعني البيت
هديل:ليش وين راح
ليان:كنت معاه بعد ماخلصنا نتسوق بالكافي وفجأة شاف ربعه وقال لي إرجع السيارة لين يجي يرجعني البيت وللحين ماتكرم وجاء
هديل: اوه خير أن شاءالله كنت ناوية ازورك اليوم بس باين عليك مشغوله
ليان تقاطعها: لا لا الله يخليك تعالي والله مو مشغوله ولا شي وشوي وبكون بالبيت
هديل: طيب شوي وأكون عندك وياويلك أن ماكنتي بالبيت
ليان: ولا يهمك الحين بخليه يرجعني
هديل: يلا باي
ليان: بايات
.
.
عند الشباب رجع عزوز وشرا لهم عصير طبعاً بعد مارقم نص البنات اللي بالمول
كانوا مندمجين بالسوالف وقطع سوالفهم جوال ريان ريان شاف الرقم وشهق وعزوز وراكان ناضروه بخوف
ريان: هلا هلا حبيبتي ليون. والله نسيت. مادري كيف رحتي عن باللي.خلاص خلاص شوي واكون عندك.ولايهمك بجيك الحين.يلا بايي
.
عزوز بلقافه:ريانوو وش صاير عسى ماشر
ريان: لا مافي شي بس نسيت اختي تنتظرني بالسيارة أروح ارجعها البيت عشان رفيقتها بتزورها
راكان: خلاص روح الله معك نشوفك بالجامعه أنشاءالله وودعوا بعض وكل واحد راح في سبيله
.
.
عند التؤم بالسيارة
ليان بنص عين: اللي لقاء اصحابه نسى احبابه
ريان:مانسيتك يالغالية بس والله اخذتنا السوالف
ليان بلقافه : المهم من هذول قصدي وش اساميهم
ريان: وانتي وش دخلك من اساميهم
ليان: بس من باب تشبيع الفضول
ريان: هذاك الطويل اسمه راكان وهو اخوي الكبير يهتم بنا كلنا بالسكن وكأنه أبونا والقصير هذاك عزوز رجه وحق بنات بس والله احبه موت
ليان كأنها  تتذكر: ريانوو حاول تسرع هدوش بطريقها لعندي ويمكن وصلت.
ريان في قلبه يااااريت أشوفها ولو نظره وحده وحده تكفي استغفرالله العظيم انا وش قاعد اخربط البنت مو حلالي بتروح لشخص غيري وانا ابي اشوفها الله يوفقك ي هديل وب آه مسموعه
ليان بلقافه: وش سبب هالآه حب ولا شغلات ثانية
ريان: اقول ليانووه اقصري الشر يابنت وخليني أشوف الطريق
ليان: يعني حب صح حب منو هاي تعيست الحظ قصدي سعيدة الحظ
ريان وبنبرة حاده: ليااااان
ليان خافت: خلاص خلاص امزح معك آسفه.وحطت يدها على فمها
.
.
.
بالبيت بعد ماوصلوا ووصلت هديل
ليان ضيفتها وصعدوا لجناح ليان.
ليان جاءتها فكرة شيطانية تأكدت ان ريان يجهز نفسه عشان يسافر بجناحه
ليان: أقول هدوش وش رايك نرقص
هديل: اممم طيب نرقص وش ورانا
ليان: هدوش انزلي انتي ل كلارا خليها تجيب المسجل تبعها لان المسجل تبعي خربان مادري وش فيه
هديل: لا والله وليش ماتنزلي انتي وبعدين هاذا بيتك مو بيتي
ليان: حرام عليك هدوش رجولي تعورني من الفرفرة بالمول وبعدين هاذا بيتك مافي فرق وبعدين تطمني مافي احد غيرنا واذا على ريان ريان بغرفته ومستحيل يطلع اذا في احد بالبيت.
هديل بطفش: اوف طيب طيب اقول لا يكثر
.
عند ريان سوت له ليان رسالة "حبيبي ريون روح للمطبخ سويت حلا من اللي تحبه وخليت لك شوي روح خذه وبالعافيه عليك" ريان قرأها وعلى طول نزل للمطبخ.
.
.
.
((..- بات كل ما أتمنى من اللّه، أن تمُر تلك الأيام مَرّ الكرام على قلبي، فلم يعد هناك مكان أخر يتسّع لكل هذا الخراب بداخلي..))