عنوان الرواية:
ذبحوك قدام عيوني ورب الكون لأخذ بثأرك
.
البارت الثلاثون
.
للكاتبة المبتدئة:
«في وطني غريبة»
.
في السكن عند الشباب
وصل راكان
والشباب قاموا يستقبلوه
أسامه مستغرب أن ريان مو معا راكان
أسامه: راكان ريان وينه
راكان ناظر أسامه بدون لا يرد
عزوز كرر سؤال أسامه: راكان أسامه يسألك ريان وينه
راكان بتنهيده: راح
جراح: وين راح
راكان: راح على بيته
سلطان: مو معقولة يروح قبل لايودعنا
راكان يبي يعلمهم بالسالفه بس الحين صعبوا عليه
سلطان: راكان وش في
راكان: مافي شيء
سلطان: أجل وش فيك ماترد
أسامه: أنا راح اتصل على ريان واسأله وينه
راكان: لا تتصل ماراح يرد عليك
عزوز ب انفعال: وش سويت له هاوشته صح
راكان: لا والله ماهاوشته
جراح: أجل ليش ماراح يرد
راكان نزل راسه ودموعه خانوه: لأنه راح بدون رجعه
الشباب ما استوعبوا كلام راكان
جراح: كيف راح بدون رجعه
راكان ماقدر يتكلم لأن العبرة خانته
عزوز قام مسك بياقة راكان ورفعه من الاريكه: راكان وش سووويت ل ريان تكلم
راكان ماقدر يقاوم رغبته بالبكاء وإنهار على الأرض يبكي
الكل انصدم من بكاء راكان
أسامه يتقدم من راكان ويجلس على ركبه: رراكاان وش وش فيه ريان تت تكلم قول شيء
راكان ماهو معاهم أبد
سلطان وإلي نفذ صبرة مسك كتوف راكان ويهزه وبصوت عالي: راااكان تكلم وش فيه ريان
راكان بصوت مهزوز من البكي: ريان عطاكم عمره ريان مات ريان انقتل
الكل ما استوعب
أسامه: هههه راكان بدون استهبال قول وين راح ريان
راكان يبكي بضعف : والله العظيم إلي مات هو ريان اخته ماماتت ريان إلي مات
صوت طيحه من وراهم
الكل التفت شافوا جراح ملقي على الأرض وجسمه يهتز
الكل راحوا ناحيته يساعدوه
راكان يبكي: لا ياجراح باقي أنت لاتموت الله يخليك يكفي ريان
عزوز يدفعه على ورى: هي أنت وش قاعد تخربط ترى سمحنا لك تطقطق علينا قبل شوي بس الحين مو وقتك
.
..
...
عند ليان
بغرفه حوراء
حوراء: اي حلو ماشاء الله والحين وش تدرسين
ليان: علم نفس
حوراء: واااو تدري كان خاطري أدخل هالمجال بس خفت يجيني إكتئاب من المرضى
ليان: لا وليش تكتئبي أنتي تعالجيهم ماتزيديها عليهم
حوراء: هههه تدري أنا أم دميعه لو يجيني مريض قصته حزينه راح يرجع هو إلي يواسيني
ليان: هههه مو لهالدرجة
.
قطع سوالفهم دخول حور للجناح
حور بهدوء: مساء الخير
ليان: مساء الورد
جت حور سلمت عليها وهي خجلانه
حور: نورتي البيت
ليان: البيت منور بوجودكم ياقلبي
حور سكتت وبعدين قالت: سمعت من أمي أن أهلك انقتلوا
ليان نزلت راسها: أي
حور: البقاء لله وكلنا راح نموت
ليان وهي منزله راسها: ونعم بالله
حوراء بلقافه: ليونه وش رأيك تحكي لنا قصتك من بدايتها
ليان: وش أحكي ترى مو رواية
حوراء: والله فكرة وش رايك تحكيها وأنا أكتب وانشرها
ليان: هي وش فيك وش تنشري ناقصين فضايح
حور: ماعليك منها هي دايم كذا فيها رجه
ليان ابتسمت على طبع حور الهادي: ماشاءالله الحين مين الكبيرة
حور: إذا قصدك بالعقل فأنا الكبيرة اما بالعمر حوراء الكبيرة
حوراء: هي أنتي ترى زودتيها
وتموا يسولفوا لين تعب الكل ونام
.
..
...
في السكن عند الشباب
صحى جراح من النوبة إلي جته
والشباب للان مكذبين راكان
جراح بصوت بالكاد ينسمع: راكان وش السالفه ممكن تفهمنا
راكان: ريان انقتل قبل ثلاثه شهور واليـ.... قطع عليه كلامه عزوز
عزوز: وهاذي أول علامه للكذب ياراكان كيف مات قبل ثلاثه شهور وهو بالصباح كان معانا
أسامه يأيد رأي عزوز: أي ولو كان مات قبل ثلاثه شهور مين إلي طوال وقته معانا
سلطان بنبرة حاده: خلوة يكمل كلامه احسن من مايجيكم شيء ما يعجبكم
راكان: اسمعوني للآخر وبعدين تفلسفوا
جراح: ماعليك منهم تكلم
راكان: إلي كلنا نعرفه أن أبو ريان معا الشرطه
سلطان: أي
راكان: بس كان له أعداء وفي مرة كان رايح لمهمه خارج الدمام وبنص الطريق تفجرت سيارتة
جراح: أي ندري بهالسالفه نبي سالفه ريان
راكان: طيب انتظر شوي. وبعدين أم راكان دخلت بغيبوبة لانها تعاني من القلب وبعد فترة ماتت
هاذا إلي نعرفة ومو الحقيقة ذي
سلطان: أجل وش الحقيقه
راكان: الحقيقة أن أم ريان انقتلت
جراح: كيف انقتلت
راكان: واحد من أعداء أبو ريان غير لها جرعه علاج وكمان هو إلي فخخ سيارة أبو ريان وقبل ثلاثه شهور وبنفس اليوم إلي راح ريان يقضي اجازة الأسبوع معا اخته ويخطب البنت إلي يحبها
راكان خنقته العبرة وماقدر يكمل
أسامه بدأ يستوعب أن موت ريان حقيقه
أسامه بصوت مهزوز: يعني ريان
جراح يقاطع أسامه: أسكت خله يكمل
راكان وبصوت متقطع من البكي: في هذاك اليوم انخطفت أخت ريان وبعدين انخطف ريان
إلي خطفهم هو نفسه إلي قتل أبوهم وأمهم...
سلطان والدموع بعيونه: كمل
راكان: عذبهم شوي وبعدين صوب سلاحه على راس ريان واطلق عليه خمس رصاصات
عزوز وهو يبكي: لا لا مستحيل مستحيل ريان وعدنا نتخرج سوى ونعيش سوى مستحيل يخلف بوعده مستحيل
سلطان قام ناحيه عزوز يواسيه
عزوز: أقول مستحيل يموت ماتفهمون ريان قوي
جراح وهو يقاوم البكي ويوجه كلامه لراكان: وبعدين.
راكان وإلي يحكي لهم وهو منهار: بعدين اخت ريان قررت تنتحل شخصيه أخوها عشان تأخذ بثأرة
اسامه يبكي: وأنا أقول ليش ريان صار يكرهنا ليش
وفي الاخير تكون أخته
جراح وهو يبكي: وانت وش عرفك
راكان: شفت مقطع فيديو فيه الحادثه كامله
سلطان: من وين جاء المقطع
راكان: صديق أبو ريان جابه.
جرح يبكي: الله يرحمك ياريان الله يرحمك
دخل الكل بنوبة بكاء وإنهيار على وموت صديقهم الوفي ومرت الليلة سوداء حزينه على كل الشباب
.
..
...
عند راشد
صحى بالفجر صلى وتجهز وتوجه لباب الجناح عشان يطلع
سلمى من وراه: لوين
راشد: رايح الدمام
سلمى: خير انشاء الله في خبر من عيال أخوك
راشد: يمكن
سلمى: كيف يمكن
راشد: أبو راكان ماقال لقاهم بس قال في خبر مهم وماينقال بالجوال
سلمى: أن شاءالله لقاهم
راشد: أن شاءالله يلا أنا رايح تبي شيء
سلمى: سلامتك الله معك
.
"تعريف
سلمى زوجه راشد إنسانه صبورة وماشيه على الطريق الصح ماتحب تتكلم على أحد ولا تحب أحد يتكلم عليها تحب زوجها راشد وتحترمه وصار لهم متزوجين سبع سنوات وللحين مارزقهم الله بطفل جمالها خرافي طويلة وجسمها مفصل شعرها أسود و طويل حيل وبشرتها حنطيه وعيونها واسعه ورموشها كثيفه عمرها 29سنه تشتغل مساعده طبيب "
.
"راشد أخو خالد وآخر العنقود بس إنسان عملي وعقلة تجاري يحب زوجته ومطلع فكرة الزواج عليها من راسة واديم يقول الله للحين ماراد شكله ملامحه شرقاوية حاده وبشرته سمرا شعرة أسود يوصل لين رقبتة يشتغل في شركت عقارات خاصه فيه عمره 37سنه " طبعاً راشد ماعرفنا عليه من قبل
.
..
...
في السكن
عند الشباب
صحوا الكل وتوجهوا على المسجد عشان صلاة الفجر
رجعوا يفطروا وكل واحد تفكيرة بمكان
قطع تفكيرهم سؤال أسامه: للحين ريان بالثلاجه
راكان سكت شوي وبعدين رد: أي
أسامه: يعني أمس لما كانت أخته تقول توه بالثلاجه تقصد ريان مو صديق أبوها
راكان: أي
عزوز: والله حرام ثلاثه شهور وللحين ما ادفنوه
راكان: كيف يدفنوه وهو للحين جثه مجهوله
سلطان: ماكان المفروض اخته تسوي كذا المفروض كانت تروح تبلغ وتأخذ الجثه وتسوي مراسيم عزاء وتدفنه
راكان: مافكرت زين تسرعت وأخذت قرارها وهي تحت تأثير الصدمه
جراح ماقال كلمه عيونه على أكله ودموعه تنزل بهدوء
سلطان: جراح وحد الله كلنا راح نموت
جراح قام من الكرسي وطلع بسرعه
قام عزوز يلحقه بس وقفه راكان: خليه بروحه احسن
جلس عزوز وقلبه يقطر دم على ربعه إلي كل واحد حالته أسوى من الثاني.
.
..
...
((..ﺍﺣﺒﺒﺘﻚ ﺣﺘﻰ ﺇﺳﺘﺤﻠﻔﻨﻲ ﻗﻠﺒﻲ . . ﺃﻥ ﺃﻟﻘﻲ ﻋﻠﻴﻚ ﺑﺘﻌﻮﻳﺬﺓ عشق . .ﺗﺨﻔﻴﻚ ﻋﻦ ﻋﻴﻮﻧﻬﻢ ﺟﻤﻴﻌﺂ ﻭ ﺃﻇﻞ ﺃحبك ﻭﺣﺪي..♡..))
أنت تقرأ
ذبحوك قدام عيوني ورب الكون لاخذ بثارك
Mystery / Thrillerانتقام، فقدان، تنكر، حب، حزن، وفي الاخير..... .
