ذبحوك قدام عيوني ورب الكون لاخذ بثارك

البارت 12

عنوان الرواية:
ذبحوك قدام عيوني ورب الكون لأخذ بثأرك
.
البارت الثاني عشر 
.
للكاتبة المبتدئة:
«في وطني غريبة»
.
أخذ  المشاط وبدأت تسرح شعرها وشافت كيف طويييل: ليان انتي مو ليان انتي ريان موو ليان
أخذت  المقص من درج التسريحه وبدأت تقصقص شعرها كله وتساقطع خصلات شعرها وليان تبكي بصمت وتقصقصه  لين كملت.
نزلت على الارض وتمسك ب خصلات شعرها المتناثرة: ريان كنت دايم تقول لاتقصين شعرك شعرك غااالي لاتقصينه بس يا ريااان الغالي لعيوونك يرخص الغالي لعيونك يهوون يهوون يا ريان يهون.
قامت وقفت قدام المرايه وتطالع شعرها اللي لين رقبتها مثل ماكان شعر ريان كيف تغييير شكلها صايرة كانها ولد بصفوف اعداديه
.
اليوم الثاني بالصباح
.
خرجت وراحت على جناحها غيرت عبايتها ونزلت لكلارا.
ليان: كلارا كلارا
كلارا خرجت من المطبخ: نعم ماما
ليان تناظرها شوي وبعدين تتكلم: من سال عني بغيابي
كلارا: ماما هديل وانا خليت تشوف رساله حق انتي وبعدين جابت كتاب وقالت خلي ماما ليان تذاكره
ليان: وشو الرسالة اللي رسلتها انا.
كلارا: رساله من انتي قولي انا وبابة ريان نتغدي برى لا تسوي غدا
ليان: وريني الرساله
راحت كلارا توري ليان الرساله
ليان شافت الرساله وعرفت انها من تدبيرهم ورجعت الجوال لكلارا: كم حسابك يا كلارا
كلارا بخوف: ليش ماما انا في سوي حاجه غلط
ليان: لا ماسويتي شي بس انا مسافره وبتاخر بسفري اذا رجعت برجعك تشتغلين وماراح اقطع راتبك انتي الحين ب اجازة 
كلارا بفرح : حادر ماما.
وراحت ترسل لها الحساب وتجهز اغراضها عشان تمشي
.
ليان خرجت ودخلت سياره ريان وطالعت كل شيء فيها يخصه دخلت بنوبه بكاء وتشيل الجاكيت اللي يخصه وتحضنه وتضمه على صدرها وتستنشقه بقوووة
رفعت راسها وقررت ماتشيل شي من السيارة وتخليها مثل ماكان يحبها ريان وعشان محد ينتبه انها مو ريان
راحت للمول شرت اغراض وشرت بافوندايشن أسمر عشان تقارب بين بشرتها وبشره ريان  واهم شي شرت تركيبة صناعية شارب ولحيه خفيفه .
.
رجعت صادفت الحارس جمال.
ليان: صباح الخير عمي
جمال: هلا والله ببنيتي هلا
ليان: هلا فيك اقول عمو جمال كم حسابك
جمال: بس يبنيتي الشهر ماكمل
ليان: ادري ياعمي بس لازم أسلم لك حساب ثلاثه شهور لان معانا سفرة ضروريه لخارج المملكه
جمال: عسا ماشر و الله يسهل طريقكم  طيب برسله لك وانتي ضيفيه لحسابي بالبنك
ليان: حاضر عمي بس ما ابي حتى ذبابه تدخل البيت وانا مو موجوده
جمال: من عيوني
ليان: انا بسافر الاسبوع الجاي بس ابي الكل يضن اني سافرت من الحين اي احد يسأل علي قله مسافرة
جمال: طيب من عيوني يابنيتي اللي تبي راح يصير
ليان دخلت وماشافت الخدامه عرفت على طول أنها راحت فجأة سمعت صوت جوالها يرن شافت مكالمات كثيييرة  أولها من ريان وشافت الرسالة اللي كتبها الخاطف له ومن هديل ومن ام سعود سوت رساله لهديل ولام سعود محتواها "انا وريان مسافرين سفرة ضروريه خارج المملكة بنجلس ثلاثه او اربعه شهور ونرجع بعد نص ساعة طيارتنا باي " وخرجت الشريحه وكسرتها.
شوي وتسمع صوت جوال ريان من شنطته راحت
طلعته وشافت ملايين المكالمات شوي ويرجع يرن ب اسم راكان قررت ترد
وبصوت خشن ردت:الوو
راكان: وأخيراً طمنتنا عليك ياريانوو شوف كم في مكالمات بالله شوف من امس نتصل
ليان ساكته والعبرة خانقتها وفجأة فلتت شهقه منها
راكان والكل جنبه يحاولون يتطمنون على ريان
راكان بخوف : ريان فيك شي
ليان تحاول تعدل صوتها: لا مافي شي
راكان: ريان صاير معاك شي
ليان خلاص ماعاد تقدر تقاوم وبكت:ماتت ياراكان ماتت الوحيدة اللي بقت لي ماتت ماااتتتت مااااتت.
وسكرت الخط بوجهه
.
الكل والخوف مسيطر عليهم
عزوز لاول مرة يخاف ويتكلم بجديه: شباب في شي صاير مين اللي ماتت اخته او حبيبته
راكان وهو خااايف: شباب اهدوءا بتصل مرة ثانية عشان نفهم السالفه.
رن مره ومرتين وثلاث لين فصل
ورجع رن مره ثانية وردت عليهم ليان بصوت جهوري خشن: الوو
راكان: حبيبي ريان وش فيك ومن اللي ماتت فيك شي تبي نجيك
ليان بنفسها آه آه لو تدرون ان ريان امس انذبح  وش رده فعلكم
راكان: بخوف ريان فيك شي وينك الحين وبجيك
ليان: راكان..مافيني شي بس...
راكان: بس ايش
ليان ونبرة صوتها تضعف: اختي عطتكم عمرها يا راكان.وبدأت تبكي
كل الشباب تاثروا وبكوا حتى راكان اللي هو اقوى واحد فيهم تجمعوا الدموع بطرفه
راكان: وحد الله ياريان وشلون ماتت
ليان هه اقول الصدق انا مو ريان وريان ذبحوه وبنبرة باكيه : بحادث سير شالت السيارة بدون علمي وراحت فيها وهي ماتعرف تسوق وما دريت الا وهم يتصلوا لي من المستشفى.ووقفت لان شهقاتها بدأت تعلوا
راكان والدمع بعيونه: وحد الله ياريان وحد الله البقاء لله وحنا كلنا راحلين. ارسل لي عنوانك شوي وبنجيك
ليان سكرت بوجهه ودخلت بنوبة بكاء
.
.
عند راكان بعد ما تسكر الخط بوجهه.
شاف الشباب ساكتين ومبين عليهم يبكون
فجأة سمعوا صوت طيحه وراحهم اللتفتوا شافوا جراح طايح على الارض وجسمه يهتز بقوة وعاض لسانه والدم يطلع من اطراف شفايفه
ركضوا له الشباب وصل راكان فتح فمه بالقوة ودخل بين اسنانه قطعه من القماش يعض عليها وسلطان راح يجب عطر لمنديل عشان يخلوا جراح يستنشقه  وعزوز يحاول يسيطر على هزه جسم جراح واسامه يناظرهم من بعيد ويبكي اي يبكي صديقه اللي ما بقاء له بهالدنيا احد.
.
.
.
عند هديل
.
قلبها مثل النار على صديقتها وش صار وش اللي خلاهم يسافروا بهالسرعه والله الفكرة ماقدرت تدخل عقلي معقولة صار شي معاها.
تنهدت بحزن وهي تطالع صورة ريان بجوالها: آه آه ياريان وش اللي خلاك تخلف بوعدك.
ليش ياليان ماقلتي لي عن سفرتكم ليييش الله يهديك بس
.
.
.
عند راشد وصل من شوي أرض المملكه وتوجه للبيت  يريح شوي ويروح للدمام عشان يرجع عيال اخوة ويفرح فيهم امه اللي كل يوم تسأله وينهم
.يفكر كيف يقول لامه أن ابنها وزوجته ماتوا قرر يروح لامه قبل يروح لهم

"مايدري ان حتى ابنهم راح وراهم o(╥﹏╥) "
.
.
.
((..خليته يروح دام اقدارنا عيـت و انـا
اكثر انسان بالدنيا تمنيته..))