ذبحوك قدام عيوني ورب الكون لاخذ بثارك

البارت 29

.
عنوان الرواية:
ذبحوك قدام عيوني ورب الكون لأخذ بثأرك
.
البارت التاسع والعشرون
.
للكاتبة المبتدئة:
«في وطني غريبة»
.
عند أبو راكان
حاول يتصل ل راشد بس راشد مارد عليه لانه إذا معه اجتماع يخلي جواله ع الصامت
فتذكر الفلاشة إلي جابتها ليان وقام شغل اللاب توب وتم يشاهده
.
..
...
عند يبت أبو راكان
أم راكان: هلا والله هلا بالقاطع هلا
راكان يبتسم ويقوم يسلم عليها بحرارة
راكان وهو يبوس يدها: وشلونك يالغالية
أم راكان: بخير ياعساك بخير
التفتت وشافت ليان واقفه بعيد عنهم شوي
أم راكان بصدمه ناظرت لها وقالت بصوت عالي:راكااان
راكان أبتسم: ياعيون راكان
أم راكان وهي تحت تأثير الصدمه: تزوجت
ليان منزله راسها وما أقدر اوصف كمية الحياء إلي اجتاحت احاسيسها الحين
راكان شاف ليان كيف مرتبكه: لا يمه وش تزوجت معقول أتزوج بدون شورك
أم راكان وتأشر على ليان: أجل منو ذي
راكان: ذي بتجلس عندنا لين مايجي عمها ياخذها
أم راكان والكلام ماعجبها: ليش منو قايل لها فاتحين بيتنا ملجأ
راكان انصدم من كلام أمه: وش فيك يمه
ليان بتبرير: أي وهي الصادقه أنتو مو ملزومين تخلوني عندكم
راكان بنبرة صوت حاده: راح تضلين هني لين يجي عمك ياخذك تفهمين
أم راكان: راكان منو هالبنت تكلم بسرعه
راكان: هالبنت يمه جت تقدم بلاغ عند أبوي بسبب قتل جميع أفراد اسرتها
أم راكان بصوت عالي: وليش مالقت غير أبوك 
راكان: أنا إلي جبرتها تقدم البلاغ عند أبوي
ليان تقاطع كلامهم: خلاص ياخالتي ماراح أضل
أصلا أنا كنت ناوية اروح بيتي بس عمي أبو راكان حلف إلا أضل عندكم لين يجي عمي يأخذني بس بماء أنه الوضع كذا خلاص والله مافي مشكله برجع الحين من المكان إلي جيت منه وانتهى
راكان: والله ماتروحين مكان وإلا ناسية حلف أبوي
أم راكان: والله إذا ما طلعتها الحين ما أجلس بهالبيت حتى دقيقة
راكان: والله العظيم لو طلعت ليان من البيت إني أطلع منه وما إرجع له أبداً
ليان جت تتكلم بس قطع عليها صوت جوال راكان
راكان رد بسرعه: هلا يبه
أبو راكان: وصلتم
راكان وهو يخرج من الصالون: أي يبه تونا وصلنا
أبو راكان: مافي شيء
راكان: أصلا تعرف أمي كيف طبعها
أبو راكان: اعطيها الجوال
.
..
عند أم راكان
طلع راكان وهي التفتت لعند ليان
أم راكان: وش مسوية من مصيبة وجايه تلصقيها فينا هاه
ليان ساكته ودموعها خانوها
أم راكان: تكلمي يلا من وين تعرفي راكان
ليان للحين ماتكلمت بحرف
أم راكان: قسم بالله لو ماطلعتي من بيتي راح تندمي طوال عمرك تفهمين
ليان وأخيراً تكلمت بصوت بالكاد ينسمع: والله ياخالتي ما أبي اجلس حتى دقيقه وحاظر راح اطلع بس اقنعي راكان يردني بيتي
قطع سوالفهم دخول راكان وهو يمد الجوال ل أمه
.
شاف ليان تبكي بصمت وهي منزلة رأسها
راكان: ليان وش فيك
ليان: راكان الله يخليك ردني للسكن
راكان: رجعه للسكن مافي وراح تضلين هني لين يجي عمك
ليان: حرام عليك ياراكان مابي يصير شيء بسببي
راكان: لا تخافي ماراح يصير شيء وأمي والله طيبه وحنونه وراح تشوفين بعينك هي الحين بس مصدومه وخايفه
.
عند أم راكان
أخذت الجوال
أبو راكان وبدون مقدمات: والله العظيم لو تجرحني البنت بكلمه واحده ما تنامين اليوم إلا بيت أهلك وما اردك أبداً  تفهمييين
أم راكان: طيب لا تضايق نفسك وماراح يصير غير إلي تبيه
أبو راكان: ماتجون إلا بالعين الحمراء. وقفل بدون لا يودعها
.
رجعت أم راكان مدت الجوال ل راكان وصعدت جناحها بهدوء
وكل تفكيرها لا تكون هالبنت ضريرتها
.
عند راكان وليان
قاعدين والصمت سيد المكان وكل واحد فيهم يسبح بتفكيره
قطع جوهم
دخول حوراء وهي منهكه من الدوام
ناظرتهم شوي وبعدين استوعبت
حوراء وهي تنط تحضن راكان: راكانوو حبيبي
راكان يضحك ويبادلها الحضن: هلا والله بعيون راكان هلا
حوراء: هلا فيك ياروح أختك
ليان تناظرهم وتتذكر ريان نزلوا دموعها بدون ماتحس
حوراء تبعد عن راكان وتناظر ليان
قامت توجهت ل ليان وسلمت عليها وحضنتها بحب
حوراء: نورتي البيت ياقلبي
ليان خجلت من حضنها: منور ب أهله
حوراء تلتفت ل راكان وتغمز له: والله وعرفت تختار 
راكان يستهبل: أي شفتي ويقولون ماعندي ذوق
حوراء: لا والله اليوم أثبتت إنك رمز للذوق
ليان وإلي علامه الاستفهام براسها ومو فاهمه وش يقصدون
حوراء تلتفت ل ليان: ونقول ليش راكان غايب علينا كل هالفترة واثاري الحب ماخذه
ليان: وش من حب وش تقصدين. التفتت ل راكان وهو فاطس ضحك
حوراء: ياقلبي ع إلي يستحون
ليان ووجهها قالب أحمر: ممكن توضحين كلامك
حوراء: اممم راكان  كم صار لكم متزوجين
ليان مصدومه من كلام حوراء:  هي أنتي  وش قاعده تخربطين وش من زواج
حوراء انصدمت: يعني أنتي مو زوجته
التفتت ل راكان  إلي للحين بنوبة الضحك إلي جاته
ليان تقوم: لا مو زوجته ومرة ثانية لا تدخلين بمواضيع كذا بدفاشه
راكان يرد وهو يضحك: هههه والله يا أختي أنا الحين ناوي بس أنتي شكلك خربتي علي
حوراء وهي مو فاهمه شي
.
((التعريف بالشخصيات الجديده))
"أبو راكان إسمه محمد عنده ولد وبنتين يشتغل عميد بشرطه المباحث الجنائية ومعروف بهيبته ونجاح قضاياه حنون على عياله بس صارم في تربيتهم يحب راكان ويعامله مثل رفيقه يعني مافي بينهم حواجز يتمنى متى يشوف راكان محامي ناجح عمره 53سنه"
.
"أم راكان إسمها سمر بيضاء قصيرة دبدوبة وجمالها خرافي طيوبة وتحب عيالها لحد الجنون في وتحب محمد زوجها وتغاااار عليه حتى من إلي بعمر بناتها
تتصرف أحياناً بهمجيه معا الغرباء بس أول ماتتعرف عليهم ترجع تعاملهم بطيبة وحب عمرها 47سنه"
.
"حوراء بنت طيوووووبة وكل من تعرف عليها حبها بيضها وشعرها أسود لين رقبتها عيونها واسعه ونعسانه شفايفها مليانه شوي طولها وسط يعني مافي فرق بينها وبين ليان ومليانه شوي بس معطيها شكل يخبل طبعها متسرعه أحياناً بالكلام عمرها 22سنه تدرس طب أسنان سنه ثالثه "
.
"حور بنت هادية وشوي منعزله تحب الرسم معاها مرسم بالبيت خاص فيها. جمالها تشبه ل أختها حوراء بالملامح بس طويله وجسمها أنحل من حوراء وشعرها يوصل لنهايه ظهرها تدرس سنه أولى جرافيك عمرها 20سنه "
.
..
...
نرجع للرواية

عند راشد طلع من الاجتماع وكانت الساعه
٨:٥٣م
فتح جواله وتفاجأ بكميه الإتصالات الهائلة من أبو راكان
أتصل عليه ومن أول رنه جاه الرد
أبو راكان: هلا والله
راشد: هلا بالمهلي
أبو راكان: وينك تعبت أتصل فيك
راشد بقلق: والله كنت في الاجتماع والجوال سايلانت وش في عسى ماشر
أبو راكان: خير أن شاءالله خير
راشد ونبرة أبو راكان ماتطمن: محمد وش في كلمني
أبو راكان: ما أقدر أكلمك بالجوال لازم تجي
راشد: خلاص أنا الحين جاي
أبو راكان: لا مو الحين أنا تعبان حيل من الشغل وأبي أنام بكرة جيني
راشد: محمد إذا الموضوع خطير لا تاجله لبكرة
أبو راكان تذكر المقطع وبنفسه أي والله خطير ومو لازم يتأجل: راشد افهمني أنا ما أقدر اركز وانا تعبان
راشد: طيب ولا يهمك بكرة الصباح أكون عندك
أبو راكان: طيب الله معاك.
...
..
.
((.. وإن كنتِ شوكاً في سبيلي لعبرتُ إلى طريقكِ  حافياً «⇡ٴ⁽♡₎⇣»..))