ذبحوك قدام عيوني ورب الكون لاخذ بثارك

البارت 8

.
عنوان الرواية:
ذبحوك قدام عيوني ورب الكون لأخذ بثأرك
.
البارت الثامن
.
للكاتبة المبتدئة:
«في وطني غريبة»
.
عند ليان "خلصت مكالمتها معا ريان وحست بضيقه ووحده وغربة لانها أول مره تتم بروحها بدون أهلها صح كان ريان يبعد عنها لشهور بس كان يعوض غيابه وجود ابوها وامها بس الحين لا أب ولا أم  وبدأت دموعها تنهمر على خدها الوردي الناعم
تنهدت تنهيدة طويلة وقالت بصوت مسموع: خلاص الحين انا بروحي لازم أكون قوية لازم. البكي مايعيد اللي ضمه التراب ولو يعيده كان بكى اللي قبلنا لسنين
.
قامت أخذت شاور بارد وصلت ورجعت قرأت قرآن لين حست انها ارتاحت نزلت وكانت الخدامه  مجهزه العشاء
.
جلست على الطاوله وحدها حاولت تأكل بس عيى الأكل يمر من حلقها.
تحس بغصه بحلقها تمنع اي لقمه تمر
نادت بصوت عالي: كلارا كلارااا
كلارا وهي طالعه من المطبخ: نعم ماما
ليان ناظرتها شوي وبعدين قالت: تعالي تعيشن معي والله عيى الأكل ينزل وانا بروحي أكل
كلارا رحمتها وشافت كيف تحس بالوحده: حادر ماما
. جلست على الطاولة وبداوا يأكلون بهدوء
.
.
 
«أول يوم دوام»
صحوا ابطالنا وكلهم نشاط وحيوية
.
عند ليان صحت على صوت المنبة والساعه تشير إلى السادسه والنصف صباحا
قامت أخذت شاور ورجعت صلت الفجر وجهزت نفسها ولبست عبايتها واخذت ملازمها ونزلت فطرت
وخرجت الحديقه تنتظر هديل  تمرها عشان تروح معاها
.
.
.
عند ريان صحى على صوت راكان قام أخذ شاور وصلى وراح معا الشباب عشان يفطروا بكفتيريا الجامعه.
.
وصلوا الجامعه وكملوا يفطروا وراح ريان واسامه وعزوز لمحاظرتهم وراح سلطان لمحاظرته وراح راكان وجراح لمحاظرتهم.
.
عند ريان خلص محاضرته وراح الكفتيريا يقعد يتنظر راكان فجأة تذكر آخر موقف صار بينه وبين هديل سرح وهو يتذكر ملامحها وعيونها اللي تشبة أوراق الشجر تذكر لما نطقت اسمه أبتسم لا شعوريا
قطع عليه حبل افكاره عزوز اللي ناداه بصوت عااالي: ريااااانووو اللي ماخذ عقلك يتهنى
ريان بخوف اللتفت له: بسم الله الرحمن الرحيم سلامات وش فيك
عزوز: الله يسلمك انا مافيني شي انت اللي باين عليك عاشق من وراي
ريان أبتسم ومارد عليه
عزوز بقق عيونه بصدمه: رياان لا لا لا انت مو من صدقك
ريان: وش فيك
عزوز: تخبي علي وانا صاير لك كتاب مفتوح
ريان: ي أبن الحلال وش فيك ووش خبيت عليك
عزوز ويسوي نفسه زعلان : خبيت علي قصتك معا الحب
ريان: اي حب واللي يعافيك انا وين والحب وين
عزوز: والابتسامه اللي تبتسمها كل ماسرحت وش سببها
ريان بقله صبر: عزوووز يعني إذا احد ابتسم صار عاشق
عزوز: اي
ريان: هاذا بقوانينك
قطع سوالفهم وصول راكان
راكان: السلام عليكم
الاثنين: وعليكم السلام
راكان: هاه ريان كيف كان يومك
ريان: الحمدلله عدا على خير
.
.
.
"نخليهم يسولفوا ونروح لمكان ثاني وتحديدا"
.
«لندن»
بيده الملفات ومنهمك بشغله قطع جوه طق الباب
راشد بدون لا يناظر:تفضل
دخل سكرتيرة عصام: السلام عليكم
راشد: وعليكم السلام
عصام وهو يمد له أوراق: تفضل طال عمرك
راشد وعيونه على الأوراق: وش هذول
عصام: المعلومات اللي تخص عيال اخوك طال عمرك
راشد اخذ الاوراق ب اهتمام وتم يقراهم
.
يرفع نضرة لعصام: اللي افهمه أن ريان تارك اخته بالدمام ويقيم بسكن خارج الدمام
عصام: اي طال عمرك
راشد: متى بيخلص شغلي هنا
عصام: على الأقل اسبوعين
راشد: خير انشاء الله.. تقدر تتفضل
خرج عصام
وراشد تشوش بتفكيرة وماعرف يشتغل فقرر يرجع الفندق
.
.
.
عند ليان
كانت بكفتيريا الجامعه ونفسيتها عال العال
جاءت هديل ومعها كوبين قهوة مدت واحد ل ليان
ليان: وأخيراً رجع الدوام والله طفشت من الإجازة
هديل: اقول لا يكثر والله أن الاجازة خلصت بسرعة
ليان: لان معك من يونسك وتضيعين وقتك معاه
هديل وقلبها مكسور على حال صديقت عمرها: آسفه ليان ماكان قصدي
ليان: ليش اسفه ياقلب ليان والله ما اخذت بخاطري
المهم مو ناوية تروحين تشتري لنا اي شي ناكله
هديل: لا والله مو خدامه عندك وبعدين انا جبت القهوة والباقي عليك
ليان قامت: خلاص خلاص لاتزنين فوق راسي بروح
ايش تبي تاكلين
هديل: اي شي
.
راحت ليان ووقفت عند الي يبيع بالكفتيريا سمعت احد وراها يقول: ليون هلا والله نورتي الجامعه
اللتفتت وشافت اكثر شخص غثيث بهالجامعه مغزلجي درجه اولى ويحب يدخل نفسه بكل شي بختصار فضولي ويفكر نفسه الكل بكله.. ليان طنشته وما ردت عليه
تابع كلامه وقال: كيفك ليان
ليان بطفش وتسليك: الحمدلله
..: أقول ليان
وصل طلب ليان وتتحمد الله في نفسها لانه انقذها من اسأله إبراهيم إللي ماتنتهي
ليان: اسفه ي ابراهيم بس لازم امشي رفيقتي تنتضرني 
ابراهيم: لا عادي تفضلي..ويبعد من طريقها.
.
رجعت ليان لهديل ومده الاكل ل هديل: تفضل والله لو كنت ادري أن مزاجي راح يتعكر ما كنت أروح لو اموت جوع
هديل وكأنها عرفت وش تقصد ليان: لاتقولين شفتي إبراهيم
ليان: اي شفته
هديل: هههههههه وانا اقول ليش شكلك انعفس
.
.
.
التعريف ب إبراهيم
معزلجي درجه اولى يحشر نفسه ب أشياء ماتعنيه مافي بنت بالجامعه الا وينشب لها بكل مكان غثيث ومستواه التعليمي صفر وما يبي يدرس اساسا الا عشان يشوف بنات الجامعه عمره 26 ملامحه عاديه طويل ونحييييل وبشرتة سمراء.
.
.
.
.
بعد مرور اسبوع من دوام الجامعات
خلاصه احداث الاسبوع
ريان رجع البيت وشاف ليان مهمله لدراستها ووعيها ونصحها وهي وعدته انها تهتم وتصير من اوائل الدفعه والحين ليان عازمه على نفسها تدرس وتجتهد  وتجيب الأولى.
.
رجع ريان السكن
وصل والتعب مبين عليه انسدح على سريرة وراااح بنومه.
والشباب كل واحد فيهم مشغول بشي
.
عند ليان
قاعده تتقهوى معا ام سعود وتركي اللي يلعب قدامهم
قطع سوالفهم صوت الجرس الباب
راحت الخدامه تفتح ورجعت لعند ليان
ليان: كلارا مين عند الباب
كلارا: مامه هاد في شخص يبقا انتي
ليان ب استغراب: انا
كلارا: اي انتي
ليان: وماعرفتي من يكون ولا قال اسمه
كلارا تهز راسها يعني لا
ليان اخذت جلالها وراحت للباب عشان تشوف مين عنده
ليان من خلف الباب: تفضل أخوي وش تبي
..: السلام عليكم
ليان: وعليكمالسلام
..: انتي ليان خالد ال جبران
ليان: اي خير وش تبي
..: ابي احذرك
ليان ب استغراب ممزوج بتوتر: من شنو تحذرني
..: في شخص يبي ياذيكم يقول في ثأر بينه وبينكم بسبب ابوك
ليان: منو انت وايش مصلحتك تجي تحذرني أقول روح لا يكثر الحق علينا عطيناك وجه
..: أنا سويت اللي علي والباقي عليك انسه ليان
ليان بعصبيه: أقول توكل توكل قبل لا اطلب الشرطه تجي تتصرف معك
راح وهي دخلت متوترة وخايفه من كلام الغريب وتحس بشي غريب بداخلها..قالت بنفسها يارب استر علينا
ام سعود:  وش فيك يبنيتي ومنو طق الباب
ليان  :  هاذا الحارس يبي مفاتيح احتياطية 
ام  سعود: خير انشاء الله خير 
.
.
.
((.. "حين يخسر الإنسان توقعاته في الشخص الذي أراده حقا، لا أحد يستطيع أن يعيد إليه طمأنينته نحو أي شيء"..))