ذبحوك قدام عيوني ورب الكون لاخذ بثارك

البارت 33

عنوان الرواية:
ذبحوك قدام عيوني ورب الكون لأخذ بثأرك
.
البارت الثالث والثلاثون
.
للكاتبة المبتدئة:
«في وطني غريبة»
.
.
جناح حوراء
صحت ليان تصلي فجر وتدعي أن أبو راكان يقبض على الوليد ورجاله
شوي وتصحى حوراء
وتشوف ليان تصلي وتبكي
حوراء بنفسها: ياريت أعرف وش إلي مخبيته علي يا ليان
ليان كملت تصلي وتوجهت على فراشها
حوراء: مافي صباح الخير
ليان إبتسمت: ماكنت أدري إنك صحيتي
حوراء بلقافه: صحيت عشان أصلي أو مفكرة مافي غيرك على مله محمد
ليان تسوي نفسها مصدومه: امبييه ليش انتي مسلمه
حوراء بهبال: لا يهودية
ليان: أجل ليش تصلي
حوراء: أصلي الصلاه إلي تخصنا هههههه
ليان ضحكت على روقان حوراء من بدري وتذكرت هديل
ليان في نفسها: ابي أسمع صوتها بس هالمرة مو لازم أكذب عليها لازم أحكي لها كل شيء صار
خلاص الظهر راح أدق عليها من رقمي الأول ويااارب جيب العواقب سليمه
.
..
جناح راكان
صحى صلى فجر
وطلع على الحديقه يشم هواء الصبح النقي
قعد على مقاعد بقرب ورود النرجس
وتذكر ليان وبنفسه: ماشفت أجمل من هالورد إلا ليان
تذكر نظرات عيونها له عندما راح يمنعها من إلي كانت راح تسوية بالوليد
نظرات غامضة ماقدر يفسرها وكأنها اسد منعوه من اكل فريسته
وتذكر عندما ضربها لأنه سألها وين رايحه وقالتله على جهنم الحمراء
تذكر كل الموقف إلي جرحها فيها
وبصوت ينسمع: بس خلي قضية أهلك تنحل والله ياليان راح اعوضك عن كل شيء فات
صوت من وراه: ياحظها والله
راكان التفت مفزوع وشاف امه تبتسم له
راكان بأحراج: هلا يمه
أم راكان: هلا فيك ياضناي
راكان يبي يضيع السالفه: شربتي دواك ولا أروح اجيبة لك
أم راكان: لا تطمن مافي معي دواء الصبح
راكان: أجل أروح اجيب لنا قهوة
أم راكان بضحكه: وش فيك لاتخاف ماراح اسألك وش بينك وبين ليان
راكان بغباء: والله مابيننا شيء
أم راكان وهي ميته ضحك: خلاص خلاص صدقتك
راكان: وليش تضحكي
أم راكان بجدية: إذا تبيها روح اخطبها من عمها
راكان بكذب: من تقصدي يايمه أنا مابي احد
أم راكان: اي واضح ماتبي حد
راكان يقوم يبي يهرب من تحقيق امه: يلا أنا استأذن الشباب ناطريني
أم راكان: روح الله معك وترى للحين ماسالتك عن شيء
راكان راح بدون لايقول كلمه
.
..
...
بعد الظهر بجناح حوراء
ليان جالسه وحوراء جنبها وماسكه جوالها ومتردده ترن على هديل ولا لا
وأخيراً قررت ترن
.
عند هديل ماراحت الجامعه لأن اليوم أجازة توها مخلصه تصلي الظهر
سمعت صوت جوالها واخذته
بس تفاجأت لما شافت شاشه جوالها تنور ب اسم
"♡ليونتي♡"
ماصدقت عيونها وردت بسرعه
هديل بصوت ميت شوق:الوووو
ليان من سمعت صوتها جاها حنين للأيام الماضية
ليان: هديل
هديل بنبرة صوت فرحان ممزوج بالبكاء: ياهلا والله ياهلا بنصف روحي
ليان ماقدرت تقاوم رغبتها بالبكاء: هلا فيك ياعمري هلا فيك يا أغلا من روحي هلا
هديل: وينك يالقاطعه وعدتيني تتصلين وما اتصلتي
ليان: الضروف يا هديل الضروف
هديل: وش هي ضروفك ياغلاي كلميني
ليان ماقدرت ترد غير بشهقه
هديل قبضها قلبها وماتدري ليش جاء على بالها ريان: ليان حبيبتي وش صار عسا ماشر
ليان للحين تبكي وهنا هديل تأكدت أنه صاير شيء خطير
هديل بصوت يرجف: لـ ـ ـلـ ــيـ ا ن وش صار تكلمي
ليان بصوت باكي: ريان ياهديل ريان
هديل وبصوت بالكاد ينسمع: ووش فيه
ليان سكتت
هديل تكرر سؤالها: وش فيه ياليان تكلمي
ليان: عطاك عمره ياهديل
هديل تحرك راسها: كييييف عطاني عمره لا لا لا لا مستحيييل انتي وش قاعده تخربطين أنتي اكيد شاربه شيء
ليان ماقدرت تنطق بكلمه بس تبكي
هديل بصوت عالي: تكلمي شاربه شي
_ليان وش فيه ريان قولي الحقيقة ريان وينه
_قولي له ليش يكذب علي ويقول أنه يبي يتزوجني
_ كلميه أن عمري ماراح اسامحه لانه كذب علي وأنا للحين انتظرة
ليان وأخيراً قالت شيء: خلاص ياهديل ريان يبي منك دعوه صادقه
هديل جن جنونها: لالا لا وش قاعده تخربطين أنتي لا ريان ما مات ريااااان مامات أنتي تكذبين علي ريان راح يوفي بوعده ويتزوجني
أنتي وش فيك ليش هالفال السيئ
ليان منهارة: والله ياهديل والله مو فال إلا حقيقة ريان عطاك عمره بنفس اليوم إلي المفروض يجي يخطبك من أهلك وبنفس اليوم إلي قلت لك انوا إحنا مسافرين ريان ياهديل ريان عطاك عمره من ثلاثه شهور
هديل ماقدرت ترد بكلمه
حوراء تحاول تهدي ليان وليان منهارة
هديل قفلت الخط وهي للحين تحت تأثير الصدمه
طلعت من جناحها وتوجهت على جناح امها ودخلت بدون لاتدق الباب
أمها شافت شكلها وعرفت أن في شيء صار
أم آدم: هديل وش فيك عسا ماشر
هديل وهي مو عارفه بالي تقولة: وعدني أنه يجي يخطبني منكم
أم آدم: ومنو هاذا
هديل تكمل كلامها: ولما قرر يجي يوفي بوعده ويتزوجني مادري
أم آدم تقرب من بنتها: وش هو إلي ماتدرين عنه
هديل: مادري ليان تقول عطاني عمره ههههههه
أم آدم بخوف: مين إلي عطاك عمره
هديل بضحكه هستيريه: هنهههه يمه لا تصدقي أصلا كلها بروفة عشان لا يوفي بوعده
أم آدم تعطيها كم يرجع وعيها
هديل من قوه الكف طاحت على الأرض
أم آدم بخوف: هديل وش فيك من إلي عطاك عمره
هديل وإلي بدأت تستوعب حقيقه موت ريان
هديل: لا يمه لا لاتقولي أنها حقيقه
أم آدم: وش هي الحقيقه
هديل تمسك على فمها وتهز رأسها: لا يمه ريان مامات ريان وعدني مايتركني وراح يوفي بوعده
أم آدم بصدمه:كييييف مين قايل لك هالكلام مييين
هديل انهارت من بكاء وتمسك برجلين أمها: دخلك يايمه قولي أنه حلم مزعج وراح ينتهي دخيلك يمه
الله يخليك يمه صحيني من هالحلم ما ابي اكمله الله يخليك
أم آدم ترفع بنتها من الأرض وتحضنها وتدخل معاها بنوبة بكاء
.
..
....
عند ليان
أم راكان وحوراء وحور يواسوها
وليان منهارة وللحين ماقدرت تتخطا موت أخوها ريان
أم راكان: ارحمي نفسك يابنتي وبسك بكي
ليان ماتسمعهم وكل تفكيرها بحاله صديقت عمرها
حوراء وهي تبكي: خلاص ليونه والله كذا راح تعذبينه
حور بنبرة حزينه: ليان أخوك الحين يبي منك دعوه مايبي دمعه
ليان بصوت متقطع من البكي: الله يرحمك ياخوي الله يرحمك
.
..
...
عند مقر الوليد
الوليد: رمزي كم باقي لين يوصل المشتري
رمزي: باقي بس نصف ساعه
الوليد: مرررة تأخر
رمزي: أي يمكن من زحمه الطريق
الوليد: مادري ليش قلبي ناغزني
رمزي يبتسم: يمكن لانه أول مرة تبيع الكمية ذي
الوليد: يمكن
..
.
عند رجال الشرطه
محاوطين المكان بس متخفيين
أبو راكان وراشد وعصام بمكان واحد
أبو راكان يكلم باللاسلكي: لوين متوجهه
غسان: متوجه للموقع
ابو راكان:طيب كتبت رقمها
غسان:أي
ابو راكان: حلو
راشد: خير وش في
أبو راكان: يقول في سيارة متوجهه للموقع
راشد: أن شاءلله تجتمع العصابه كلها
ابو راكان: إنشاءلله
.
..
...
((.. جونـي يعزوني على موته وكل الناس يواسـوني
وأنا لاجـيت أرد عـلى عـزاهـم لي تخـنقني العبرة
.
راح بدون رجعه وأنا من يوم فرقاه تبكي عيوني
يبـوني أصـبر عـلى فـرقـاه وأنا مـا أمـلك الخبـرة
.
وعـدني يبـقاء مـعي بس للأسـف خـيب ضـنوني
وشـلون اخـلية يـرجـع وهـو الحـين نايـم بـقـبرة..))
.
كلماتي 👆🏻