💛ثانوية الحب💛
🍒الجزء 5🍒
⛄ منال برنيش⛄
سمعات لباب تحل ناضت قافزة هزات الساك وتمات غادية تتجري لجهة الدروج حتى تلفتات لقات غكنزة وهي تهدن:خلعتيني
كنزة حطات ساكها:نص الساعة باش داخلة ومزال بحوايجك
كاميليا وهي طالعة وجارة الساك مع الأرض:صاف صاف
حسابلها ياسين داكشي باش طارت اما كنزة هانيا لاعبة عليها العشرة واخا تاهي تتعطيها علاش ضور ولكن المهم ماشي بحال باها
دخلات بدلات عليها لبسات بيجامة حتال لركابيها هادشي باش تتبقى ضور فالدار طلقات الموسيقى كانت شرقية وجلسات تشطح وتلوز لشافها يقول محترفة وهادشي لمقابلة فاش تتسد عليها باش تهز كتاب ينفعها مقابلة غالشطيح والغنى ولكان شي خوا خاوي راه حادكة فيه
كنزة سلمات عليه بلابيز:كداز نهارك
ياسين وهو كحيد لافيست:حمدالله ونت
كنزة:شوية مزيان عيط ليك آدم؟
ياسين وهو داخل:اه لبنات جاو؟
كنزة:اه جلس انا غنحط القهوة
جلس فالطبلة جات نرجس باستو وجلسات حتى هي تتعاود ليه النهار الاول دلمدرسة كيف داز وشنو قرات
ياسين:حتى نساليو وجيبي ليا لكتاب دلماط نشوف باش بدا معاكم
نرجس:واخاا
كنزة:كاااااميلياااااا كااااميييليييااااا
كااميليا الموسيقى مجهدة:نعااااااااام
كنزة:نزلي تاكلي ينعل والديك
ضارت حطات لبلاطو وزادت للكوزينة وهي تتنكر نزلات لوخرا شافتو كحلات بالعمى مشات سلمات عليه وجلسات
ياسين:شنو دار لكم مول لماط ليوم؟
كاميليا:ها لا مكانش عندي لماط ليوم كان عندي compta وl'économie générale
ياسين:تتقراو عند نفس الاستاذ؟
نرجس:لا صحاب éco عندهم الاستاذ لقريت عندو داك العام
ياسين شاف فكاميليا:لكان عندكم داك لعام مكاينش؟
كاميليا:لا
حركات راسها بلا وسكتات وتتطلب ميسولهاش على شي درس حيت ولا كلمة سمعاتها مين دخلات وهي عاطياها لهضرة مع صاحبها مشدات والو
يلاه جلسو سمعو الجرس دلباب ناضت حلات غير شافتهم بتاسمات:اهلا اهلا
نرجس نقزات:حبيبو منيير
منير:السلام عليكم
ياسين:عليكم السلام
منير كسلم عليه:كداير اسي ياسين
ياسين:الحمد الله ونت
كنزة:غبرنا على بعضياتنا على توحشناكم
زويتينة:وياااه اختي
نرجس سلمات عليه:طاتي خديجة توحشتك
زويتينة:حتى انا احبيبتي
سلمات حتى على كاميليا وجلسو مجموعين ياسين ومنير بداو على الاخبار والكورة زويتينة وكنزة الجديد تاني دجلالب ولوصفات خخخخ شحال متشااوفو
فدوى:توحشتكم بديتو لمدرسة
كاميليا:اه نتوما مزال؟
فدوى:مزال لبريفي ديما تتبداو قبل منا
نرجس:انا خايفة بزاف من الباك
فدوى:غسكتي انا لخرجت ولا دخلت ماما تبدا عليا بداي تحفضي عندك الباك انا تالدروس مزال معرفاهم باش نبدا
كاميليا:اصلا اتبقاو تحفضو فاللخر اتسقطوا بحالي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Romance💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
