💛ثانوية الحب💛
🍒الجزء 91🍒
⛄ منال برنيش⛄
نهار جديد
ياسين:مموالفش كنقولك انرجس ولكن حتى نت ديري عقلك
حركات راسها باه وتنهدات وخرجو بزوج كانت شادة فيها:ركزي مزيااان انرجس ومتخاافيش بيني لهم بلي راهم غالطين
بتاسمات شوية وعنقاتها وحتى كاميليا لباستها وضماتها عندها:انا تايقة فيك احبيبة
بعدو على بعضياتهم وعاود شدات فيها:زيدي نمشي معاك حتى لقسم
مشاو وهما مشادين وكل وحدة واقفة مع لوخرا فبحال هاد الاوقات وعلاش لا وهما خواتات يوقفو مع بعضياتهم فالشدة
نرجس:صافي انا غادي نكمل بوحدي غير سيري اكاميليا
كاميليا تنهدات وبتاسمات وهي تتقاد ليها شعرها:واخا احبيبة سيري الله يعاونك
بتاسمات لها نرجس وضارت مشات فهماتها انا مبغاتش توصل معاها للقسم باش مطلاقاش معااه حتى غبرات من قدامها وهي تمشي حتى هي بحالها تقراا غادية منزلة راسها حتى وصلات مع داخلة مع هو خارج حتى طلاقاو هزات راسها شافت فيه
عماد بتاسم:صباح لخير
نرجس دخلات:سلام
عماد ضار وتبعها:راه كنت تنعيط لك لبارح ومجاوبتيش
جلسات تتجبد ادواتها ومهزاتش فيه الراس:مشفتوش
نزل شوية وحط يديه على الطاولة وتقابل معاها:ولميساج لشفتيه ومجاوبتيش شغنقولو عليه
نرجس هزات راسها:كنت كنحفض
بقا كشوف فيها ومدواش حتى نزلات عينيها هي وناض خشا يديه فجيابو:كنت بغيت نقوليك بلاما تجي راه صافي صحيت لك ورقتك
نرجس هزات راسها ودوات عادي:ومن بعد اصلا راه مكاملاش
عماد:ماشي مشكل مقبولة
نرجس حطات ستيلوات:ماشي مهم بالنسبة ليا انا مشاات غير عطيني فرض اخر نبدا دابا يلاه نسالي
عماد:واش مسمعتينيش شنو قلت
نرجس:سمعتك ولكن انا مبغيتش ديك لورقة غير حط زيرو الا كانت غتبقى غير هي
ضحك وبدا كمسح على دقنو وزاد قرب لها تاني:علاش راسك قاسح هادشي لمكنحملش فيك
نرجس طاح عليها واحد البرود يا سلام:ومن بعد ااستاذ انا هنا غير تلميذة ونت استاذي المشاعر ديالك ولا ديالي ماشي مهمة معندهاش بلاصة حنا هنا غير كنقراو
صمكاتو بهضرتها ولكن مبينش بقا مطلع حاجب شكون هادي بعيدة كل البعد على نرجس لكان كعرف ماشي هي هادي نرجس لكانت تتهضر معاه وهي كضحك وعينيها كبريو نرجس لغير كسيفط لها ميساج غير على لقراية متتعطلوش نرجس لغير تتهضر معاها تتسكت وتحدر راسها بعييدة على هادي لكلمة منو كلمة منها
عماد:شفتك داخلة سخوونة ياك لبااس راه دويت معاك صافي مغاديش تعاوديه
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Lãng mạn💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
