ثانوية الحب ⛄الاستاذ والمزنزنة 2☃️مكتملة☃️

الجزء 173 ☃️

💛ثانوية الحب💛
🍒الجزء 173🍒
⛄ منال برنيش⛄
تبعاتهم حتى وصلات ووقفو وتلفتو تتسناو لباقيين مع وقف محمد جا عماد وراه غفلو شدو من اللور وجا آدم وولاد خوالهم وعمامهم مخلطين وهما يتحاماو عليه شدوه من يديه ورجليه هزوه وبداو كلوحو فيهم وباركين عليه هوليي هوليييي خخخ كاميليا جاية بكسوتها ورا آدم ولا لبان لها تتعطيه لقرفاادة
كاميليا:وااااع بعدو ليااا من رااجلييي
نرجس كضحك وتتصور هي فدوى ولبنات ميتين بالضحك
وكاميليا تتغوت
كاميليا تتغوت:آدم والله حتى نقولها لبابا بغيتو تقتلو ليا راجلي ه هئ واااا بعدوو منوووو عماااااد
وهو تموت بالضحك وهما هازينو كدارو لييه ولا بحال الشرويطة
زينب تتضحك:ناري اكاميليا تتباني بحال هاربة من شي فيلم تتغوتي والكسوة نااارييي
كاميليا بدأت تتندب:وهئ هئ هئ ونزلووووه راه غيطيح
جلسات تتغبن خايفة عليه واخا غير الرملة ولكن شافتهم كهزوه حتى لسما وتتعاود يهبط وكشدوه تخلعات لمشي يطيح بالجهد وهي يلاه فرحات بيه خخخخ
آدم ضار لقاها تتغبن:صافي صافي ادراري
وهنا نزلو وكلو تشروط حوايجو خسرو ولكن كضحك معلابالوش عاجبو الحال بداو شادين فيه وهو كفرنس مع قاد حوايجو مشى قصدها نيشان شدها من يديها هزات راسها شافتو وهي تنوض عنقاااتو
محمد حتى هو عنقها:صافي غير كضحكو شووو
كاميليا:وليتي بحال الدجاجة كاع شروطوك
بدا كضحك وقرب بشوية باس ليها راسها وهنا جات عندها نرجس شدات فيها
نرجس:اويلي اصاحبتي تمالك على سبة زيدي زيدي خلينا نشطو قبل متمشيو
جراتها معاها طلقو الموسيقى وقرب يصبح الحال مع البحر تتبان الشميسة يلاه طالعة واحد البريد كاين جو ومنظر واعرين كلهم تجمعو وبداو كشطحو والضحك والنشاط مرة تشطح من البنات مرة مع آدم لكشدها من يديها ويضورها مرة ضور عند راجلها وشي شطيح ديال الحماق طلاقاو غلمزعزع على خوه واخا هكاك خالقينها كضحكو وفرحانين بيهم لحظات عمرهم يتنساو وهما نيت عمدا ضارو هكا شس حاجة مختالفة مسطية باش يبقاو ديما مفكرينها ديما هكا فينما يكون شي عرس دالعائلة يتجمعو على شي بلان كاملين كبلبلوها فيه مزيااان
شدها من خصرها وهي ضورات يديها على عنقو ولصقات فيه طبعات قبلة على خدو:حبي صورني عفااك
محمد خشى يديه فجيبو جبد تيليفونو وبدا كصور فيها وهي كل مرة بوز مع لاغوب زادت كملااات وهي من النوع لكموت على التصاور وحتى فشحال هدا ديما يكونو جالسين بزوج تبدا عليه صورني صورني شوية شدو السيلفي بزوج وهي معنقااه وفرحانين بزوج فكاع تصاورهم شوية خدات من عندو طيلي وضارت لآدم
كاميليا:آدم صورنااا
كان كهضر مع فدوى ودراري وكوريهم فالتيليفون مسمعهاش
كاميليا:عدنان عفاك صورنا بالكاميرة ديالك
عدنان ولد خالها:والله ماجبتها اختي نسيتها يلاه عيطت لوليدة تهزها معاها
كاميليا:اااادم واجيييي صورناااا اداااام
مرة أخرى تاني مسمعهاش مع الصداع وكهضرو فقصهااا بغات تمشي ليه وهو يشدها محمد
محمد:غنحسب حتى لتلاتة
كاميليا بتاسمات فهماتو:يلاه سير
حسبوها بزوج وهما كضحكو مع وصلو لتلاتة هزات كسوتها وهو شد فيها وضربووهااا بجرية بزوج وكضحكو هي هازة كسوتها وهو شاد فيها عارفها اتكركب مشاو تجريو حتى خرجو على جيهة لما ووصلو لرملة الفازكة ورجليهم كطبعو فيها وهوما كجريو بداو كطلعو دوك الموجات الصغار شي لخلاهم يجريو وهما كشتفو فالما
عمااد:توما ورقو ليا هادو
زينب:ويليييي
فدوى:يلاه نتبعووهم
آدم خشى طيلي فجيبو:هاد اللعب عندنا معاه مزيااان هجوووووم
حتى هو ضربها بجرية وكلشي عطاها لدرارك تابعينهم وكضحكو كل مرة يتكركب شي حد مع الجري بالضحك والله لا وصلتي كاميليا ضارت وهي تلقا أمة تابعاهم
كاميليا:ونااااري تابعيييناااا
محمد:وغير زييديي بغيتو غالتسطية زيدو دابا
آدم كجري كجري شويى تعكل وهو يجيب الربحة وطاح مع كانت موراه فدوى نيشان تاهي طاحت وجات فوق منو ونفس الشي كاع لكان وراهم تكركب وجا شي فوق شي
كاميليا ولات تتجري بشوية وتتلهت:ناري امحمد سخفت براكة
وقف وحتى هي وتتلهت ويديها على صدرها ضارو بزوج وهنا وهما يتكرشخو بالضحك واحد المنظر شي فوق شي ودوك لبقاو واقفين كنوضو فيهم تاني شدات فيه ورجعو بالجرا لقاو آدم تقلب على ضهرو وهو مزال طايح منشور وجهو عامر رملة مع طاح على وجهو تخشا فالرملة خخخخ
فدوى:نوض هداك غير لباروك ديال عرس كاميليا وسيمو
ناض جلس وجلسو كاملين فالارض وهنا بركو على التصاور والسيلفيات وكصورو بعضياتهم وكاميليا تتعنق فمحمد وحتى هو وجالسين يصورو فيهم تصورو كاملين مجموعين مع بعضياتهم تصاور زوينين يبقاو ذكرى فهاد الليلة لدازت واعرة وزوينة وهنا آدم شد السيلفي وضار عندهم كاملين
آدم:يلاه زيد آخر وحدة فهاد الليلة
كلهم ضارو عندو وضحكو لكاميرة خداو سيلفي مجموعين
كاميليا وقفات:ولا لا صوروني مزال نوض امحمد
ناضو تاني كاملين هاد المرة كلا وفين تلهاا كاين لتتصور ولا لمشى يخشي رجليه فالما حطات راسها على صدرو وتتبتاسم هي وياه مع شافت التصويرة لصورهم إدم وهي تمرمقها معاه وهو كضحك دار ليهم واحد الفيلتر دالسناب بانو بحال المعاقين بزوج
محمد شافت تصويرة:مالك اخويا حالف علينا
كاميليا:سير بعد مني عماد اجي اخويا صورنا نت تتعرف تصور
آدم شد فدوى ومشاو للما بقات هي وياه تتصورو وكل مرة دير بوزيسيو معاه فرحانة وهو وعماد هازين ليها هبالها عارفينها مسكينة معندهاش العقل
محمد:وكاميليا يلاه راه خاصنا نمشيو
كاميليا:بلاتي بلاتي عماد اجي هنا باش تشد معانا الشمس ليلاه طالعة
عماد تاهو على وعدو وسعدو كدير داكشي لبغات كل مرة يتحول لبلاصة تقول تصاورها غيتعرضو فمجلة VOGUE خخخخ نرجس تاهيا واقفة حداهم وتتقول لها شنو دير وتقاد شوية وهو يتحنا هزها بين يديه وهي عجبها الحال ضورات يديها على عنقو وتتصور عاجبها الحال مع وقف عماد جاي يوريها كيف جاو تصاور محمد وهو يتمي غادي وهازها بين يديه
محمد:ارا اخويا عماد داك التيليفون خشيه ليا فجيب تهلاو غنتحركو
كاميليا بدات تتركل:وعفاك عفاك غير وحدة انشوفهم انشوفهم
محمد:الا تبعتك بقينا هنا حتى لعشية غنمشيو صافي
كاميليا دلات قنانفها:وعفاااااك عفااااك غير نشوفهم
بقى كشوف فيها وتنهد مكقدرش،يقول ليها لها مع تتبدا تمسكن وتلعب بعينيها تتعرف كيفاش ترطبو ضار ونزلها بشوية وجبد لها طيلي تشوفهم كيف جاو
كاميليا:نارب اعماد نت غضايع جاو واعرين شكراا
عماد:هانيا اختي
نرجس جاية رجليها فازكين هازة تكشيطها:مزيان لممشيتيش بداو تتراشو بالما كاع التكاشط فزكو كلشي تجرتل خخخخ كيف ايردو لك الكسوة
كاميليا:ناري نت كوليتي هههه
عماد:صافي نمشيو عيت؟
نرجس:اه نور اتفيق دير حالة لماما يلاه
كاميليا تتشير ليهم بيديها باش يطلعو وهو لاعبين فيها رشان بالما بغات تمشي عندهم ولكن مبغاتش تزيد تعطل على راجلها كتر وعاد عارفة لمشات اتحاماو عليها بالما ايجرتلوها هي وكسوة
آدم:يلاه ادراري نتحركو
صوفيا بنت عمو:ليلة دازت ناضية
فدوى هازة تكشيطها:وياااه ههه
آدم هز واحد الكتلة تاع الرملة فازكة:كاميليا مجاتش تفزك معانا هاهي هادي انضربها ليها على وجها
فدوى:داك الساع يشدك راجلها يخشي ليك وجهك فالحيط
آدم:لا لا سيمو عشيري
فدوى:اه عشيرك ولكن قيصها قدامو وتشوف
آدم:اجي كاميليااا هاااكي
كاميليا،شافتو شباغي يدير ومشات تتجري ورا محمد عارفاه لكانت معاه مغيقيصهاش لاخر جاو تجمعو وهنا بداو تتعانقو معاهم كاع بنات عمامها وخوالها عنقاتهم تتودعهم وهما كدعيو معاها حتى هي تتشكرهم حيت شاركوها فرحتها فهاد الليلة الزوينة ومعاهم زااادت زياانت محمد تاهو كسلم على الدراري كباركو ليه وليهااا
نرجس وفدوى عنقوها بزوجات وهما كودعوها وشادين فيها
فدوى:سيري يلاه طلعي فوق هيمالايا دابا
كاميليا بدأت تتضحك فهماتها:لاهيلا اختي غخليهى عالله
نرجس:شوف كيف كضحك مخايفاش
كاميليا:علاش انخاف اختي داكشي حلالا طيبا مع قرة عيني الله يخليه ليا بحالك نت كنت اتموتي
بداو كضحكو حيت نرجس ليلة دخلتها كانت غيير كانت ميتة بلخلعة بزاف وعاد كانت مزال صغييرة جات عندها زينب وعنقاااتها
كاميليا:بسلامة حبيبة ديالي
زينب باستها:الله،يسهل عليكم بزوج ويخليكم ديما فرحانين
كاميليا:امين ياربي وحتى نت بشي وليد ولا بنيتة
زينب:اميين حمدالله داكشي لكان باغي خويا تحقق هو نتي اكاميليا الله،يخليكم لبعضياتكم نت بنت الناس وهو من جيهتك ربي لعالم بيه منحتاجش نشكرو ليك راك عارفاه كداير ايحطك فعينيه ونت راك غالية عندو
بتاسمات كتر وزادت عنقاتها عارفاه كيف داير بلا تقول لها باستها وهما كدعيو مع،بعضياتهم بزوجات رجعات علاقتهم كيف كانت حيت نهار تفارقات معاه حتى هي سدات عليها ولكن تصفات الخواطر ونهار طلاقاو بكاو بزوجات وهما تتعانقو حيت كانو عزاز على بعضياتهم سلمات حتى على راجلها لبدا عليها بواحد المغربية مغتصبة خخخ يلاه تتعلم خلات كلشي تضحك عليه توادعو كاملين داز عرس واعر وعاد هاد البلان لدارو ناضي زاد كمل عمرهم ينساوه
آدم هز يديه:يلااه شي دعيييوة الخوت
كلشي هز يديه وبداو كدعيو معاهم بالفرحة والسعادة والبنين والبنات من بعد طلعو وصلو الطوموبيلات بداو تاني تتوادعو وكل ركب فطوموبيلتو وتفااارقوو هما شدو طريق وحدة لدار كنزة وياسين ايباتو تما مجموعين وكاميليا ومحمد ايمشيو لدارهم حيدات لافيست ولاحتها على صدرها ورجعات الكوسان اللور:انا غنعس شوية غير نوصل فيقني
حرك راسو باه وهي غمضات عينيها ونعسات
بشوية حلات عينيها فاش حسات بيه غيهزها ناضت وجلسات وهي مقلوبة:صافي وصلنا
محمد:غير نعسي انا غنهزك
كاميليا خرجات من الطوموبيل حفيانة ورجليها عامرين رملة:لا لا منقدرش نعس هكااا غندوش
محمد:واخا لبغيتي
شدات فيه وهي تتفوه وهازة كسوتها خرجو وسد الكاراج وراه ودخلو وهي تتشوف ومبتاسمة مين جاو لمغرب جات شافتها وعجباتها كانت فيلا نييت تصميم من برا كلاص وكلها بيضة من برا عاد فحي راقي عجباتها بزااف و هادي نيت دارهم اه بزوج لفوقما اينزلو لمغرب غيجيو ليها واخا مغيكونوش جالسين فيها بزاف ولكن هي لغيخطيو فيها اولى خطواتها وهما مزوجين شاف فيها مبتاسم وهو تحل لباب وحتى هي مع حلو غيدخل وهي توقفو:بلاتي ندخلو برجلينا ليمنى هي الأولى قالتها ليا ماما
محمد حرك راسو باه شد فيها ودخلو برجليهم اليمنى بزوج ونطقو بسم الله باش ربي يسهل ليهم فهاد الزواج وفحتى حياتهم سد لباب وراه وهي حاسة بواحد الاحساس فشكل هي دابا فدارها فدار راجلها حبها ولات هازة سميتو وعلى دمتو واخا طاحو لها شوية الدموع فدار باها ولكن دابا واخا فرحانة حسات بيهم غيخونوها وفعلا عينيها غرغرو وهما طالعين ضار شاف فيها وهي تهز فيه عينيها حمرين وهو يوقف:مالك
بقات تتشوف فيه وهي تحط يديها على عينيها هنا جرها بشوية عنقها وهي كدوز يديه على شعرها وكسكتها:صافي انا معاك عارف راه صعيبة ولكن هادي هي الحياة
زادت فالبكى كتر وهي على صدرو مبيناتش لواليديها ولكن جات دابا تفركعات قدامو وهاد اللحظة عند كاع البنات سنين ونت عند واليديك مغتصبريش على فراقهم نهار يجي ليديك واخا تكوني فرحانة وتتبغي راجلك ولكن دموعك ايطيحو على واليديك ضرووووري واخا تكوني ملهوفة على الزواج دموع فراق الوالدين لابد منهم ولكن سنة الحياة هادي معندنا منديرو وعاد هي كانت ضاسرة وهازين لها هبالها مخاصها تخير عندهم وخوتها لضايرين بيها مقدراتش تصبر وصافي
محمد باسها فراسها:وصافي اكاميليا انا معاك صافي يلاه نرجعو عندهم
كاميليا بعدات عليه وهي تتمسح دموعها:لااااا لاا راه غير بقات فيا ماما وصافي بقات تتبكي
محمد بتاسم شوية وشد لها وجها بين يديه:هادشي ضروري منو اكاميليا هادي هي سنة الحياة معندك مديري واليديك ككبروك وكربيوك ونص عمرك ونت معاهم ولكن ضروري من هاد النهار وانا كنواعدك غتكوني معايا ديما فرحانة عمرني نخسر ليك خاطرك ولبغيتيها هي لتكون سعادتك هي سعادتي انااا دموعك غاليين عليا
قرب بشوية طبع قبلة على راسها قبلة لتتعني الاحترام والتقدير ليها كأنثى وكزوجتو لولات دابا ديالو من بعد مكانت غصغيرة تتلعب حداه شوية تلميذتو من بعد محبوبتو ودابا مراتو بالحلال ولات ديالو واخا كاع لوقع وداز عليهم مكتابين لبعضياتهم
بعد عليها شوية وهو مبتاسمة وكدوز لها يديه على خدها شوية تحنا بغا يهزها وهي توقفو
كاميليا تكنزات:لا لا لا
هزات راسها وشافت فيه وضارت ليه حركة بصبعها باش يضور ضحك وحرك راسو بلا باقية هبيلة واخا كبرااات لشافها شكلها من برا وتصرفاتها السطحية مع لمتتعرفش يقول هادي البخ وشبعانة ساعة لكعرفها مزيان وقريب لها غيشوف روحها المرحة الطفولية لواخا كبرات متبدلاتش ضار وتحنا شوية وهي هنا نقزات عليه وركبات فوق ضهرو وهو شدها من فخادها وطلعها مزيان وهي ضورات يديها على عنقو وباستو فخدو وهو تما طالع وهي كل مرة ضور وتبوسو فحنكو
محمد:براكة من البوسان لنوليو زربانين فشي حاجة
هي فهماتو تزنكات وضحكات فنفسها وحطات راسها على ضهرو حل الباب ودخلو كان الضو طافي حطها بشوية وشعلو وهي هنا شهقااات فاش شافتو
تتشوف الحيوط والديكور لمكانش فاش جات شافت الدار كان كل حيط فيه كادر كبير على شكل قلب حمر ووسطو تصاورهم وحدة وحدة ماشي اي تصاور تصاورهم وهما فالعلاقة القديمة لكانت قبل ست سنين فاش خدات الباك وكانو محتافلين تصاورهم بزوج السيلفيات لكانو كشدو فاش كخرجو بزوج ايام المراجعة لوطني كانو كجلسو فالقهاوي اي تصاور ديالهم بزوج كاينين فداك الكادر لمقاد بطريقة زوينة وكبيرر شاد فالحيط ومكتوب بيه بلون ذهبي سمياتهم بزوج شافت فالحيط لاخر نفس الشي تصاورهم وهاد المرة فعرس نرجس اي تصويرة معاه كاينة فداك الكادر ومعلقة شافت فيه الفرحة فعينيها مزال عندو مخرجهم كاع وصايب بيهم ديكور عجبها بزاف
كاميليا:مزال عندك هههه كان كحسابلي غير فالتيلفون
محمد قرب عندها ودوز صبعو بشوية على عنقها:قلتها لك ونعاودها دابا كاع الحوايج الزوينين لدازو فحياتي مكنساهمش ومكنحيدهمش ونت أكتر حاجة زوينة عندي
ضارت كاملة عندو وطبعات قبلة على شفايفو وضارت تتشوف الديكور لعجبها عاد بيت النعاس ديالهم تمنضرات فيه مزيان واخا جات ديك النهار دغيا ضارت مخداتش راحتها
محمد كحيد لافيست:دخلي دوش باش ترتاحي
كاميليا ضارت:غير دخل نت الأول
حرك راسو باه وحل البلاكار هز حوايجو ودخل خلاها كضور حلات تاهيا البلاكار جابت حوايجها وجدات شنو غتلبس فالدوش وجلسات كضور فبيتهم عاجبها بزاف واخا ماشي لفرشاتو جات لقات كلشي موجود ولكن عجبها كلشي قالها يمشيو الاوطيل ولكن هي ختارت يجيو للدار جلسات فوق الناموسية والابتسامة مفارقاتش وجها سهات وهي تتفكر مقادراش دير شي حاجة لتعبر بيها على فرحتها مراتو دابا اه كلشي تقاد فرمشة عين وصلات للحظة لكانت باغية هي دابا تكون بلاغوب دالعروسة وعروس ليه كان حلم بالنسبة لها وهي معاه قبل كانت تتحلم انهم ايتزوجو واخا كاع فاش كان عادي معندوش شي مدخول كانت مستعدة تعيش معاه ولكن المكاتيب فرقاتهم ولكن هاهما تجمعو وهاد المرة بالزواج وهو سهل عليه الله وغتعيش معاه مرتاحة وبيخير احساسها زوين انها لتتبغيه ولا ديالها وراجلها اه حب مراهقتها حققات معاه شنو لكانت تتمنى حمدات الله فنفسها وهزات عينيها لكادر لكان فالحيط لاخؤ هداك كان خاوي صممات فنفسها انها غدير فيه تصاور عرسهم بزوج ناضت تتشوف فلاخرين التصاور لمكانتش متوقعة ايديرهم هكا حيت قدام ولكن لكبغيك ميمسحش ذكرياتو معاك حل الباب وخرج وهي هنا ضارت كان ديجا لابس حوايجو تيشرت وسروال دلكيطما مباغيش يتعرا عليها من الاول خخخ هادشي لكان فبالو هزاتو حوايجها وبتاسمات ليه وهي غادية لحمام وهي ضور ليه
كاميليا:عفاك حل حل السنسلة
شاف فيها وحط الفوطة لكان كنشف بيها شعرو قرب لها بشوية بدا كحل ليها السنسلة تبورشات وهي تتحس بانفاسو على على عنقها تلفتات شوية فاش حسات بيه حلها ولكن مدار ليها والو دخلات وسدات عليها وهي تدوش هو جلس كطرطق فعنقو تتسناها تخرج
تتشوف راسها فالمراية وتتغطي صدرها بالبينوار للبسات تتشوف فاللور وتتفلي راسها فالمراية وتتقاد العكر على القرص تاهي موجودة ولكن واخا هكاك فيها خايفة شوية تتبقى بنت وهاد اللحظة ضروري متضعقي فيها ولكن هي مع نفسها الا بغا دابا مغترضوش رجلها هداك وضروري من هادشي وهي عندها الثقافة الجنسية قارياها مزيان وكانت تتقري فختها مين كانت مراهقة وهي تتبحت فهادشي وعاد خلي الكروبات دلفايسبوك تاهما وهي من طبعها زعيمة خخخخ وعاد معاه هو متتخافش تتبغيه وعارفاه ميأديهاش خدات نفس عميق وشافت فالمراية غمزات بعينيها وبتاسمات قادات شعرها دغيا وخرجات وهي تتقلب عليه بعينيها بانلها فالبالكو واقف يديه فجيابو محساتش حتى بلعات ريقها وزادت قاصداه عنقاتو من اللور تلفت وضار عندها كامل وعبرها فهمها تاهي على القرص بتاسم لها وباسها فخدها شدات فيه:يلاه ندخلو البرد شعرك فازك
محمد هز واحد الملف كان محطوط فوق الجليسة لفبالكو ومدو ليه بقات تتشوف مستغربة شنو هداا حلاتو وبدات تتقرا داكشي وهي تصدم شوية شافت فيه معرفات متقول ليه هو كان مبتاسم
كاميليا:محمد مكاين لاش
محمد دوز يديه على شعرها:تستاهلي واخا راه والو قدامك نت
معرفات متقول حشمات وهي باغاه هو ماشي الفلوس كتب ليها هاد الفيلا فسميتها معرفات متقول ليه تنهدات وبتاسمات:مهم غير نكون معاك صافي هادشي لبغيت
حطاتو فين كان وعنقاااتو وكارزة عليييه وحتى هو خشى وجهو فعنقها كاااارز عليهاااا بالجهد باستو فعنقو وهنا هز راسو دغيا وهو ينطق:واعديني اكاميليا معمرك تخليني
هنا بقات غير تتشوف فيه وتتحقق فيه عينيه حمرين مغرغرين بالدموع شدات وجهو بين يديها:محمد لا لا انا معاااك وديماااا حتى انا منقدرش نعيش بلا بيك لا انا معاك شوو دموعك غاليين
وهنا عاود عنقها وخشا راسو فعنقها بحال شي وليد صغيرة حبسات حتى هي لبكية بقى فيها فلحظة تبدل معمرها شافتو هكا كان هو لكسكتها فاش تتبكي ويعنقها ويواسيها ولكن حاجة وحدة انه عمرو تشكى عليها كااع من غير نهار عاود لها على مرات باه وشنو كانت كدير هاديك المرة حسات بيه نيت مضرور ولكبقى ديما ساكت راه ماشي هاني ومعندو مشاكيل راه ربي لعالم بشنو هاز فقلبو ومين قالها متخلينيش وشافت عينيه مغرغرين هكا لأول مرة عمرو حسات بيه ضعيف هكا قلبها تهز حسات بيه توصل بالرجل انه يبكي عرفها راه فاتت العظم هي رغم كلشي كصبرو ماشي بحال النساء البكاء كخفف عليهم وهادشي لشافت فيه هكا يبكي قدامها والكلمة لقال رااه شي حاجة لبزاااف مكاينش ليبغيك قدو الا مشى تطيح دمعة عليك وعاد انه ترجاها متخليهش زادت كتر حسات بيه هو يتيم معندو حد من غير ختو لراه تزوجات دابا بقات ليه غير هي مراتو لعندو فيها كلشي بالنسبة ليه وهي راه معاه عمرها تخليه هي براسها متقدرش على بعادو كان معاها وعندو دور كبير فحياتها كن مكانش هو كانت غطيح فشي مشاكيل لكانو غيخرجو لها على حياتها كانت غتخرج لطريق شحال من مرة كانو غيخرجو عليها لكانو ضايرين بيها ولكن لقاتو معاها رد ليها عقلها عتقها وهي كانت مزال مراهقة طايشة كان هو براسو يقدر يستغلها وياخد شنو بغا ولكن لا هادشي عمرو كان كخاف الله قبل ميخاف عليها هي حيت لكخاف لخلقو عمرة يأذي شي بنت الناس كان كخاف عليها بحال كيف كخاف على ختو كان كواعدها انه غيديها وتكون ديالو واخا تفارقو وفى بالوعد لعمرو منساه ولا نساها وهاهي دابا مراتو ومكوفي بالوعد غير الرجال بعدات عليه شوية وهنا بتاسم شوية وعينيه مزال حمرين
كاميليا تتمسح ليه عينيه:دموعك غاليين احبيبي انا معاك وعمرني منخليك انا معاك دموعك غاليين عليا
محمد مسح على عينيه بصح محسش براسو
محمد مسح على عينيه بصح محسش براسو مقدرش يتمالك نفسو حيت بصح مقادرش على بعادها مرة أخرى هي الوحيدة لكحس براسو ضعيف قدامها وخايف ليعيش لحظة فراقها مرة اخرى باسها فراسها وعاودها فعنقها ويديها بحالا غتهرب
كاميليا شدات فيه:يلاه ندخلو البرد
حرك راسو باه وسد البالكو ودخلو وهي تتشوف فيه مبتاسمة طلعات فوق الناموسية بغات تلطف الجو بدأت تتنقز وهي كضحك:اجي اجي طلع عندي
بتاسم شوية وحيد الكلاكيطة وطلع غادي معاها فالستون شدات فيه وهي تتنقز وكضحك:ناري نت غتنقز غضرب السقف
ضحك وبدا كنقز بشوية معاها وهي جات ضورات يديها على عنقوو معياوش من التنقاز والعرس خخخ ضور يديه على خسرها وقلبها بشوية تطاحت على الناموسية وجا فوق منها مع حلات عينيها معرفاتش كاع كيفاش تطاحت كان قريب لها بزاف شافت فيه عينيه فعينيها وانفاسو كضرب فوجها محساتش حتى بلعات ريقها وقلبها بدا كضرب شداتها الرعدة فهاد اللحظة وتوترات لدرجة ان دقات قلبها بداو تتسمعو بشوية قرب لها بشوية وباسها فخدها فحنان وهمس ليها:الا مكنتيش مرتاحة دابا ماشي مشكل قولي ليا راحتك هي الأولى
هز راسو شاف فيها وهنا هي محساتش حتى حركات راسها باه وهمسات واخا الخلعة ركباتها:اه بغيت
بتاسم بشوية وهي بدات تتنزل شوية البينوار واخا كان قصير شاد حتى لنص فخادها منو هو بينات ليه حتى هي راه باغية واخا حتى هو كرجل هاد الليلة مهمة ولكن راحتها هي الأولى ولكن جوابها طمنو بشوية قرب وهي هنا غمضات عينيها مبقاتش تتحس بتصرفاتها حسات بشوية بشفايفو قربات لشفايفها محساتش حتى هزات راسها بشوية وهنا فجأة حتى لتاحمو شوية ضور يديه على خصرها هزها لعندو قربها كتر بشوية بدا كحرك شفايفو وهنا هي كانت ردة فعل من جيهتها بشوية بشوية حتى دخلو فقلبة هادئة وحنينة بيناتهم تتعبر على مشاعرهم وهي بداية لمشاعر اخرى جديدة فوق فراش الحب والعلاقة الحميمية الطاغية على القلوب وحتى الأجساد
من بعد بعد عليها شوية وهي مزال مغمضة عينيها طبع قبلة على راسها ونيشان نزل لعنقها كطبع عليه قبلات خفاف باش يزيد يرخيها ومتخافش عارفها زعيمة وكطير واخا دارت عقلها ولكن زاعمة واخا هكاك فهاد الليلة بحال اي بنت غيتقادا ليها كلشي ولكتفها وبشوية زاح عليه لبينوار حتى تعرا ونزل كبوسها بشوية وهة مضورة يديها على عنقو مجساتش براسها حتى ترفعاات حاسة بواحد السخونية طالعة معاها من رجليها خشات صباعها فشعرو فاش حسات بيه بشوية كحيد ليها البينوار حتى نزلو بشوية خرج لها يديها حتى حيدو ولاحو شاف فيها بجسم لاغوب للبسات جاتها لاصقة وقصيرة بزااف عاد نص صدرها كبان خارج وهنا بلع ريقو مقدرش يتحكم فراسو مزال حس بالعرق بدا فجبهتو دغيا طلع التيشرت وحيدو فتحات عينيها لقاتو عريان من الفوق محساتش حتى مدات يديها بزوج تتقول ليه زعما يجي عندها وداكشي غير نزل عندها عنقاتو طبعات قبلة على صدرو لعريان وهو كشوف فصدرها لكطلع وينزل بشوية نزل ليها سميطة ديال لاغوب وهي غير معنقاه مدايرة حتى ردة فيه تتحاول آهاتها حيت بصح دغيا وصلات لطوب عرف كيفاش يدير وعاد أول مرة دغيا هبطها وهنا تعرا صدرها كامل لكان واقف وجاي مع جسمها وسنها كشابة فهاد العمر كحاول يتحكم فراسو باش ميفورصيش عليها ولكن كبقى رجل رله تاهو عندو احاسيس مكقدرش يتحكم فيها وهو نيت وصل لهاد اللحظة نزل بشوية كبوسها فبزولتها وهي هنا تأوهات بصوت مرتفع عرفها صافي وصلات لها مبغاش يكتر راه اول مرة بشوية بشوية نازل بقبلات خفاف حتى لكرشها هنا نزل يديه لفخادها وقف لها رجليها شوية حلات عينيها بشوية وتتحس بشي حاجة قاصحة فوق خدها بشوية بعدات وطلات وهي تشوفو واقف هكاك بلعات ريقها شافت فيه خافت فهاد اللحظة كاع لفهامة مشات ليها كاع قلبها ناض كجري بالجهد شداتها البكية عضات على شفايفها ورجعات عنقاتو
محمد همس لها وهو كلهت:متخافيش
بشوية بشوية بدا كطلع لها ديك لاغوب وحتى من ضهرها يديه كطلعها حتى من اللور حتى بشوية خرجها لها من راسها وحيدها وهنا بقات عريانة تكمشات وتزنكات واخا راجلها ولكن حشمات كلشي تخلط عليها الزعامة مشات بشوية نزل على فخادها وطبع عليهم قبلة بزوج بشوية طلع لها تاني رجليها وطلع عندها تاني باش يلاهيها متخلعش دابا دغيا يقضي لغيقضي وينوض بدا كلعب ليها فشعرها وليد لوخرا كقاد بيها الالاعيب خخخ😂(مديوش عليا مهم نكملو خخ)كانو داخلين تاني بشوية فقبلة ملاهيها بيها حتى حسات بشي حاجة سخونة فوق ديالها لبدا كزدح كرزات عليه وهنا تاني زاد طلعها عندو وهو كداعبها بشوية باش ترخاا كتر بعدات عليه وهي تتلهت بشوية رجعات اللور وهو كشوف فيها شباغية دير نزلات عينيها تشوف وهنا وهي طلع عينيها دغيا عندو وجها تخطف وبدات تترعد كتر وتتهضر
كاميليا:مغيدخلش كامل يااك يااك هئ هئ
بدات تتغبن من بعد مكانت تتضحك علا ختها هاهي تاني تحطات فنفس الموقف وتخلعات مين شافتو هكاك قداش تخلعااات وهي لكانت تتقول مخايفاش وكدا وكلشي ايدوز اليوم هاهي كلشي مشى ليها دابا خشى لها راسها فصدرو وهي معنقاه وكارزة عليه خايفة وتتغبن فداخلها تهزات كتر فاش حسات بيه كطلع معاها بشوية بشوية وهو شاد لها فيديها كسكتها وكهمس لها فوذنيها باش تهدن حتى طلع معاها كامل وهي هنا غوتات بألم وغرسات ضفارها فكتافو حيت تقصحااات بعد عليه طلقات منو وضارت بشوية جنب وخشات وجها فلمخدة وبدات تتبكي تقصحات نزل عندو باغي يجرها عندو والو مبغاتش تشوفيه كااع غير تتبكي بقا شوية وهو يخرجو هنا شاف دم عذريتها وشاف فيها هي نيشان نزل عندها وضور يديه عليها وهو كبوس فيها ويسكتها
محمد:صافي احبيبة سمحيليا صافي
كاميليا تتبكي:هئ هئ ناري والله مقادرة نحرك رجليا هئ هئ
محمد:صافي غدا اتولي بخيير
كاميليا شافت فيه وجها عامر دموع:هئ هئ الدم فين هو؟
محمد كغطي فيها:هاهو رتاحي دابا صافي
كاميليا:غطيني غطيني
غطاها بشوية ضورها عندو وهي بحال المشلولة عنقها وخشات راسها فصدرو وغمضات عينيها نيشان
باسها فراسها وهو كحيد ليها الشعر من على وجها وكرجعو اللور غطاها مزيان وغمض عينيه ونعس عياو بزوج دوزوها هاد الليلة
بدات تتحل عينيها بشوية هزات راسها كان ناعس ويديه تحت راسها ضورات راسها شافت شحال الساعة مزال الحال ماشي بزاف باش نعسات جات تقلب ولكن مقدراتش الحريق تحتها تتحس رجليها تقال عليها غير غتحرك غتقصح وحاسة بالبولة لفيقاتها تتحرقها اطلقها فاي لحظة حابسة البولة لبدات تتنغز فيها وعاد الحريق عاضة على شنايفها مقدراتش تنوض ولا تحرك ضارت عندو وتنهدات بانليها ناعس عيان ولكن معندها مدير اتبقى تطلقها عليه تما بدات تتنغز فيه بشوية
كاميليا:محمد محمد واااسيمو نوض
بشوية تقلب عندها وراسو تقيل عليه حل عين وهو كشوف فيها ونطق بصوت مبوق بالنعاس:نعام مالك
كاميليا خسرات وجها:مقدرتش نتحرك
محمد تكعد شوية:مالك علاش
كاميليا:بغيت نمشي لطواليط فيا بيبي
حرك راسو باه وناض كان عريان من الفوق هز تيشرت لبسو ويلاه غيحيد عليه ليزار من فوق رجليه وهي ضور وجها
كاميليا:لابس الشورط ياك
محمد ضار عندها:مالني غنعس عريان
كاميليا:غير سولت
محمد ناض وضار من الناموسية لجيهتها ونطق بشوية:اصلا مبقى ميتخبا راك شفتيه
هنا وهي ضربو وهي حابسة الضحكة:الله يمسخك عطيني لبينوار
ضار وهزو مدو ليها بزربة حيدات ليزار ولبساتو وهو كعاونها وهي تتحاول تخبي صدرها واخا راه شاف كلشي الزعامة كلها مشات سدات وهنا حيدات ليزار عليها كاملة بدات بشوية تتكحز ولكن تحتها كضرها بزااف وجها كانت عليه تعابير الألم بشوية شدها من فخادها وضور ليها رجليها حتى لطرف الناموسية نزل هز البانطوفة ولبسها ليها وناض وقف
كاميليا:شكرا
بتاسم لها وهنا تحنا بشوية بغا يخشي يديه تحت فخادها باش يهزها وهي تحبسو
كاميليا:لا لا بلاتي نشوف واش انقدر نوقف
محمد:مغتقدريش اكاميليا
كاميليا:وغير عطيني يديك
شد فيها مزيان وتحنا شدها من خصرها كعاونها توقف بشوية حتى حطات رجليها للأرض غير وقفات وهي تحس بشي موس طلع معاها غوتات دغيا رجعات جلسات مع جلسات بالجهد تاني نفس الحاجة تقصحات عينيها دمعو قلبها غيخرج حطات يديها على عينيها وهي تتألم
كاميليا:اااييي هئ هئ ناري ناري
محمد تحنا عندها:غير بشوية عليك
كاميليا نترات منو:حيد عليا
محمد:تمالك شنو درت ليك
كاميليا شافت فيه:مدرتي واالووو شوف هاد الحالة وتتقولي شنو درت
محمد:وراك نت لبغيتي انا قلت حتى تكوني مرتاحة
كاميليا بداك الألم لفيها والفقصة ديال مقادراش تحرك بغات تخرجها فيه:لا نت تباركالله عليك اه انا لبغيت ولكن مقلتش ليك اخويا طلعو معايا كاامل
هنا تكرشخ بالضحك وهي تتشوف فيه مفقوصة عاد حسات شنو قالت:استغفر الله ضحك غانت
محمد شد لها فيديها وباسها:صافي الله يسمح يلاه نوضي
كاميليا ضورات يديها على عنقو وهو خشا يديه تحت فخادها وهزها يديه
كاميليا:اقسم بالله حتى تبقى تهزني حتى نبرا اويلي الشوهة وليت بحال البوطة الا محركتيني منتحرك
محمد دفع باب الطواليط برجليه:واخا الالة لبغيتي
حطها فوق الكرسي دطواليط وهنا هي شافت فيه:تسناني برا تنسالي
ضرب فيها وزاد خرج سد وراها لباب وهنا وهي ترتاح وطلقات ديك البولة لكون زاد شوية وهو هازها كانت اطلقها ليه فوق يديه خخخخ تسمعات تششش وهنا رتاحت خخخخ بزز باس غسلات ومسحات وبقات جالسة فالطواليط وتتفكر فلحظة جا فبالها داكشي لدوزو هزات يديها بشوية وحطاتها على عنقها تتلمس فين كان كبوسها وتتبورش واحد الإحساس فشكل حسات بيه دابا واخا داز داكشي دغيا حيت أول مرة مطولوش،بشوية بشوية عجبها الحال بزاف واخا خافت ولكن لحظات زوينين معاه وهي بين احضانو كزوج وزوجة داكشي بالحلال كامل تنهدات وهي مبتاسمة واخا تقصحات وهكاك ومفورصاش عليه غير حيت أول مرة عجبها الحال بقات ساهية حتى فيقها من سهوتها صوتو هو كدق عليها
كاميليا:سااليت صافي
حل الباب بشوية ودخل نفس الشي هزها بين يديه وخرجو حطها بشوية فوق الناموسية وحيد ليها البانطوفة وغطاها داير لها بحال الدرية الصغيرة وجا تخشا حداها دار يديه تحت راسها وتكمشات فيه ونعسات تاني دغيا شاف شحال الساعة 8:30دالصباح يلاه غينعسو هما جر عليه الغطا وغمض عينيه ونعس
جلسو فالطبلة تغداو من بعد ناضت لصالة تتفرج وجا جلس حداااها بقاو شحال كهضروو
كاميليا تتموت بالضحك:نااااري لهربة معقلتش على هادي اصلا ديما ماما كانت تتجي تخلطنا كاملين بالصندالة
محمد:كنتو كديرو ليا الطيارة ومكنقول لكم والو وآدم كل مرة صايب ليا فردي اجي نتيري فيك طلع معايا لبيت نوريك واحد اللعيبة وانا راه غدا عندي فرض
كاميليا:آدم راه كان كطيييير اكتر واحد كان كضربو ماما وحتى باباااا مين كان كنوض ليه واحد النهار بابا تعصب بزاف وهو مكضربناش ولكن نهار كنوض كعطي شي دقة خايبة ضرب لآدم راسو مع الحيط حتى داخ واخا هكاك بقى فيه الحال بابا وداه خرجو شرا ليه واحد الطوموبيل تتمشي بالضو كان طالبو عليها ولكن راه آدم كان باسل ديما كجيو الناس يتبراو فماما
محمد:ونت براسك كنت طيارة ديما حاكرة على ختك ودايرة ليا انا الطيارة
كاميليا حطات راسها على كتفو:كنت غير حدايا احبي بابا كان كمهد ليا الطريق خخخ هو للاقانا
محمد ضور يديه على عنقها:وياااه شكون قال سبحان الله
كاميليا:من صغري وانا لاصقة فيك
محمد شاف فيها وبتاسم وقرب طبع قبلة على راسها فعلا كانت غير حداه ومعارفش انها هي لمكتابة سبحان الله
بقاو شحال كهضرو ويضحكو وكجبدو فالذكريات لمزال عاقلين عليهم ومتنساتش
شوية ناض جاب البيسي وجلس خدام شوية وهي حداه شادة طيلي ومسرحة رجليها كل رجل فجيهة شوية وهي تشوف فيه بقات شحال ساهية بغات تسولو عليها حيت مين طلاقاو مجبدوهاش نهائيا كاع وعاد طلباتو يعرض على خوتو جاو غير زوج ختو وخوه وباركو ليهم وهي مجاتش الفرصة تجبدها ليه شجعات راسها وتكعدات
كاميليا:محمد
محمد عينيه فالبيسي:نعام
كاميليا:نسولك
محمد:سوليي
كاميليا:ومتقلقش
محمد شافيها:ياك لباس
كاميليا شافت فيه وبلعات ريقها:احم مجاتش الفرصة فين نقولها ليك ولكن بغيت نسولك عليها احم فين هي مرات باباك زعما شفت غير خوتك وهي لا
بقا كشوف فيها شحال وهي هنا توترات خافتو يتقلق حيت جبداتها ليه ضار شاف فلبيسي وهضر:ماتت قبل منطلاقاو انا وياك اتكون شي شهر دابا
كاميليا:ومتشفتيهاش كاع
شاف فيها وحرك راسو بلا وتنهد قربات عندو وعنقاتو:صافي الله يرحمها كلنا ليها
محمد طبطب ليها على ضهرها:اودي الله يسمح لنا كاملين
كاميليا:امين
بعدات عليه مبتاسمة بغات غير تعرف واخا متتبغيش تفكرو فلداز واخا مساهلش ولكن كبقى الماضي ديالو معندو ميدير تابعو تابعو وهي واخا عيات تعيط ليه وطلب فالسماحة ولكن باين غير من كلامو بلي متسامحوش مبغاتش تحكر واصلا راه لداز مساهلش على حساب مكان عاود لها مكاين تحاجة تشفع ليها تكرفسات عليه بزااف لا هو لا ختو ولكن ربي غيخلص كل واحد لفكرها فيها هي الحرقة لشافت فعنقو فاش كانو فلفرااش مزال كاينة شادة بلاصة فعنقو رغم انه راه،سنين دازت عليها مين كان طفل ودابا راه رجل ومزال كاينة تاهي شاهدة على معاناة الطفولة مزال عاقلة على النهار لقالها ليها فيه وعاود ليها كلشي وفتح ليها قلبو واخا تفارقو بقات ديما مفكراااها حيت صدمها مكانتش تخيل انها راه يقدر يكون بنادم هكاك يتعدا على الوليدات الصغار ولكن راه كاين لقاطع يدو من رحمة سيدي ربي وقلبو حجرة هاهيا شنو دات معاها دابا صحتها مشات وهو وختو كبرو ولدار شي،حاجة خلصها بقات تتشوف فيه رغم أنه كبر يتيم مخرجش شمكار ولا ولد الزنقة حيت بحالو لا اب لا أم راه،صافي يدير اي حاجة ولكن هو وختو رباو راسهم براسهم وربي كبير شوف فين وصل دابا هو وختو كل تتخلص على افعالو بتاسمات فاش شافتو سد لبيسي وشافيها تكات ولاحت عليه رجليها
كاميليا تتشم فيديها:ناري باقي فيا ريحة الحنا
محمد:زوينة
كاميليا كضحك:نرجس نهار تتنقش عماد تقولها بلا ماطيبي
بتاسم هزات طيليفونها وهو بدا كقلب فالتلفازة شوية وهي تفركع بالضحك
محمد شاف فيها:امالك
وراتو طيلي وهي كضحك:ناري جيتي،بحال شي معاق ناري
شاف فالتصويرة لصوراتو غفلاتو بواحد الفيلتر ضحك وعطاها طيلي
محمد:اتلعبي معايا غفلة والله حتى تندمي
كاميليا خدات طيلي ديالها:تسير
بقات تتخنش فيه شوية وهي تشوفيه وراها تيليفونو وهو كضحك خرجات عينيها وغوتات؛ناااااري مسح مسح
محمد جمع تيليفونو فجيبو:مسح مسح غتهناي غتبقى هادي فوقما تعكسي معايا غنوريها ليك
كاميليا بدأت تتنتر حيت بصح جات فيها ماشي غمعواقعة بحال واكلة الخرا خخخخ غفلها نيت بغات ضحك معاه دايرة فيها نيت هي كاينة ساعة كتاار منها هو ندمها طلاقاو خخخ