ثانوية الحب ⛄الاستاذ والمزنزنة 2☃️مكتملة☃️

الجزء 140 ☃️

💛ثانوية الحب💛
🍒الجزء 140🍒
⛄ منال برنيش⛄
كاميليا:الدورة الاولى دغيا دازت
محمد:تالعام دغيا غيدوز
كاميليا:غيكون احسن عام داز فحياتي زوين بزااف
بتاسم وضور يديه على عنقها بقاو شحال جالسين حتى جات زينب وحطات الغدا
كاميليا:زوين بزاف تباركالله
زينب:بصحتك اختي
كاميليا:مرة مرة نجي عندك وريني كيفاش كطيبي مكنعرف ندير والو
زينب:والوو كاااع
كاميليا وهي كضحك قالتها عادي منوات فيها والو:تتقولي ماما نت اخرتك تبقاي حدايا مكاينش ليقبل علييك راك غير كارثة متنقلة ههههه
زينب بدات تتضحك شافت فخوها دغيا لعينيه عليهااا ورجعات شافت فيها:دابا تعلمي تانت
محمد:ماشي مهم تكوني متتعرفيش ليبغيك راه يبغيك كيفما نت داير وشوية دالصبر الواحد بشوية بشوية يتعلم
كاميليا عقلها تقول فيه خر**ية مدات مجابت خخخخ:اه بصح
زينب فهمات راه كدق عليها حيت ديجا داويين عليها وعلى موضوع دالزواج ودارت براسها تتبتاسم وهي راه فيها الضحكة:احم مهم اختي كاميليا مسخيتش بيك خاصني نمشي لافاك ندي ليهم واحد العرض
كاميليا:نهار السبت
زينب:ااه راه ضروري مهم بقاي حتى نرجع منتعطلش بزاف
كاميليا:صافي واخا الله يعاونك
مشات زينب تلبس حوايجها سمعو الدقان ناض هو يحل
زينب جاية داخلة تتقاد الزيف وفيديها كلاسور فيه داكشي دقرايتها نيت:يلاه بسلامة اختي
كاميليا سلمات عليها:الله يعاونك
سلمات عليها وخرجات لقاتو نيت جاي داخل:شكون
محمد:ها ابراهيم مول الضو جاب الورقة
زينب خفضات صوتها:ودوي معاها ابنادم
محمد:صافي تنشوف
زينب:خاصها تعرف شنو كاين جيها للصراحة والا تتبغيك غتصبر معاااك
محمد:المرض والله صافي سيري نت باش متعطليش
ودعاتو وخرجات ورجع للصالون جلس حداها وهو كفكر باغي يقولها شي لعيبات ولكن متردد كأجلها حتى لوقت لمناسب
كاميليا:اجي واش عندك الغيتار؟
محمد:ااه تسناي
ناض لبيتو جابو وجا جلس حداهاا عطاه ليها كبير معرفات كيف تشدو(صفيو نيتكم راه غير لغيتار😈😂):اويلي كغندير ليه
محمد:عطيني نوريك
كاميليا:غني ليااا
محمد:شنو بغيتي نغني ليك
كاميليا:معرفتش غير لبغيتي
سكت شوية كفكر وهو يقاد لغيتار وبدا كعزف بشوية وخفييييف بشوية بشوية بدا كجهد كثر وهي تتشوف فيه وتتسمع بدا صوتو ميمكنش كريحها بزااف حيت حنين وتتحس بيه كغني ماشي غير بصوتو بكل احاسيسو هادشي لكضيف جمالة على الصوت كتأثر كل من سمعو
محمد:راني خليتها لك امانة
تهلى فيها ومتغبنهاش
هاديك حبيبتي انا
ربي ليا مكتبهاااش
كبرات حدايا وحنا صغااار
كن متمنيها انااا ليااا
قلب حنين مغتبنهاش
حاول تبغيها اكثر مني
كان ساهية فيه كيفاش موازن بين العزف والغناء كل واحد عاطيه حقو هو كامل سلب عقلها وقلبها تتفكر شنو لدرات زوين فحياتها حتى طلاقاتو فيه كلشي زوين اهم حاجة انه ضريف بزااااف ورجوولة سكت شاف فيها زادت بتاسم وبدات تتصفق:تباركالله عليك برااافو
محمد:تحمست ههههه
كاميليا:علاش لمتشاركش فthe voice ولا arab idol صوتك خاصو يتسمع
محمد:اتخربيق داكشي سمعيه غانت براكة
ضحكات رجعات خدات من عندو الغيتار قادااتها كيف كان داير كعجبها بزاف بغات غير تشد الباك وتدخل لشي مدرسة الموسيقى ساعة هاهو جابو ليها الله بدات تتعزف وداك العزف ديالها يتقب الودنين وهو كوريها فين تحط صباعها وكيفاش تحركهم وهي كطريطا عليه حتى ناضت هازاها متقلة عليها وجلسات فوق فخدو ضهرها على كرشو:دابا وريني مزيااان راه مفهمتش
بقا غير كشوف فيها مفهم والو واش جاتها عاادي غمض عينيه عرف ناقصة عقل شد ليها فيديها وحتى فليد لوخرا وكوريها وهي كضحك كان وجهو على عنقها كتنشق ريحتها وعينيه عليها كضحك وعاجبها الحال شوية شد راسو وبعد وهو كبلع ريقو وهي كضحك:هههههه ناري كتهر هههههه
كضحك مدات مجابت كعما مسوقة محسش براسو حتى بلع ريقو تاني وعينيه عليها وبدا كلهت صدرو كطلع وينزل
وبدا كعرق من عنقو ومن جبهتو واش لهاد الدرجة محاسااش معمرو قرب لها ولا قاسها عمرو يفكر يديرها ولكن دابااا راااه بزاااف جالسة قريب لواحد البلاصة لمستحيل واخا معرت شنو يكون كبقى راجل وبما ان عندو احاسيس عندو حتى شهوات عمرو شاف فيها بشهوة ولا فكر يدير لها شي حاجة ولكن راه دابا هي لهبشات عليه واخا يكون ثلاجة وهي وتقول وااش عاقت قرب لها حتى لحدا وذنيها وهمس:كاميليا
ضارت بالشوية وهي تجي عينيها فعينو كان قريب لها بزاف تتشوف ليه فعينيه لكقولو بزاف ليها انفاسهم كانت كضرب فكل واحد بشوية خدا من عندها لغيتار وحطو حداه هي معرفاتش شنو وقع لها قلبها بدا كضرب بالجهد وهي قريبة ليه بزااااف بدات تترمش بالشوية غمضات عينيها فاش دوز يديه على وجها ورجع لها خصلة من شعرها ورا وذنيها تهزات فاش طبع قبلة على خدها عاود حلات عينيها وهي تتشوف فيه بلعات ريقها وهو مضور يديه على خصرها وهي يديها على كتافو شاد راسو بزز تزير ومقادش يصبر ولكن ميمكنش توقع شي حاجة مستحيل شفايفها كانو كرجفو وعاضة عليهم شي لخلاها تزيد فالنيفو قرب لها بشوية وحتى قلبها لمسيرها محساتش حتى غمضات عينيها ونزلات راسها مقربة ليه وقلبها زاد كجري شفايفها على شفايفو بالشوية بالشوية حتى لتاحمو وفجأة دخلو فقبلة خفيفة كانو بزوجهم متفاعلين فيها قبلة جامعة الحب والحنين لبعضياتهم احاسيس مختلفة تتجمع فصندوق العاشق مغلق مكتحل غير بمفتاح الحبيبة خاشية صباعها فشعرو ومتفاعلة معاه عاجبها الحال وهي فحضنو قبلة من عندو خلات حبها ليه يشتاعل واحاسيسها ينفاجرو غرقات فبحر الحب اما هو احاسيسو ميمكنش يعبر عليهم شي حاجة كثر من الحب عشقها بلا متعرف كانت كعاونها تحت اسم المسؤولية المغطية على حبو ليها بزوجهم طلاقاو وقلوبهم التاحمات بحال شفايفهم بعد عليها شوية مبغاش يكمل حيت مغيقدرش يحبس راسو من بعد نيشان شاف ليها فعينيها وجرها كتر عنقها خاشيها فيه مباغيش يخسرها خاايف بزاف حيت لضاعت منو مغيقدرش يصبر لزاد كمل عليه هو همسها ليه كطلبو انه يكون معاها ويبقى حداها ديما طبع قبلة على راسها كطمنها بلي راه هو معاها وفعلا مستاعد يفدي اي حاجة مقابل انها تكون حداااه
اما هي راه بالنسبة لها الأمان والحنان فوقما عنقاتو تتحس بيه جدار حاميها ومغطيها وفعلااا قلبها شهد على مواقف رجولية لكن مكانش معرفات فين كانت غتوصل
بعدات عليه شوية وهي مبتاسمة شافت فيه وعاود حطات راسها على صدرو ومضورة يديها على عنقو: تنهدات ونطقات:مبقيتش قادرة نتخيل حيااتي بلا بيك
نزل عينيه ليها ضور يدو على ضهرها وضمها ليه:متخافيش ديما كنقولها لك معاك وديما
بالشوية حطات يديها على حنكو وكدوزها بالشوية شداتو من ذقنو وقرباتو عندها وباستو وعاود تكات على صدرو بقاو شحال ساكتين يكفي أنهم مع بعضياتهم كان ساهي وكفكر حاار بزااف