ثانوية الحب ⛄الاستاذ والمزنزنة 2☃️مكتملة☃️

الجزء 112 ☃️

💛ثانوية الحب💛
🍒الجزء 112🍒
⛄ منال برنيش⛄
هز الورقة ومدها ليها:ديااالك
بتاسمات وخداتها من عندو وهي تتضحك وتقلب فيها وهو كشووف فيهاا راسم ابتساامة على شفايفو شافت فيه وهي تشد ليه فيديه:شكراا بزااف نت لعاونتيني شكراا
تتشوف فيه وكضور تشوف فالورقة نزل عينيه ليديها لشادة فيه دغيا حيداتها وضارت عندو:واخا نمشي نوريها لبابا ياك باقي مشافهاش
محمد:اه
كاميليا مبتاسمة:شكراااا انا غنمشي
مشاات نزلات وهو بقى جالس وساهي كيفاش فرحاااات خلاه يبتاسم تاني دوز يديه على ذقنو كفكر وااخا داكشي لدار مخاصوش يداار ولكن بغاها تجيب مزياان واصلا هو فاش عطاه ليها خرجاتو نيت يعني عرفها شادة شي حاجة بغا يعاونها من واحد الجهة باش واليديها ميتقلقوش عليها مفكرش فالعواقب وهي عارفها مغتخرجهاش غتبقى بيناتهم واخا هكاك مفكرش فشنو يقدر يوقع تتبان ليه غير هي
غادية فرحاانة لورقة فيديها تتخايل كيفاش غتكون ردة فعلو مين يعرف يلاه داخلة غضور ودخل لبيرو ديال باها وهي تسمع لهضرة بقات واقفة طلات شوية وهي تبان ليها مالها اشجابها لهنا بقات واقفة وداكشي لتتقول جا فودنيها كيف الضو ضربها:دابزات ليوم مع الاستاذ ديال الفلسفة وبقات تتغوت وهو تعصب انا ااستاذ تنجي نقولك هكا غير حيت عزيزة عليا مبغيتهاش ضييع راسها والاساتذة يشدو فقلبهم من جيهتها ويديرو ليها شي حاجة فالنقط
تتسمع تهاوشاات بغات تدخل تنتفها ولكن باااها مسمعاتش كاع شكقول هو خرجات ووقفات حدا الإدارة تتنفس بالجهد تتسناها غير فوقاش تخرج مطاحش لها على البال تكون هي شافتها خرجات غادية وهي تبعها شداتها من قرفاادتها شنقااات عليهااا ردخاات مع الحيط:نت ابنت الموووسخة نت توصلي حتى لبابااااا هااا
أحلام:اااه فين غادية بهاد الضساارة دياالك
كاميليا:كن مكانتش المدرسة بالرب حتى ندير فيك شي جريمة
أحلام:شفيدك مديري كاع اكيليميني
كاميليا هنا شداتها من فكها وهي كدفع فيها:ندير كتر مكتخااايلي غنقولها لك للمرة الاخيرة بعدي من طريقي ولا غادي تندمي بعدييييي منييييييي
غوتات حتى بنادم ضااار دفعاااتها وطلعات ونزلات فيها:منوسخش فيك يدي تفووو
تماااات غادية وهي توقف مين سمعات كلااامها:أنور شااد عليك التصااور
وقفات وضارت ورجعاات عندها:شتتروني شمن تصاور
أحلام:معرفتش وراهم ليا الا مشى حتى بارطاجاهم غادي تشوهي ديري شي حل لراسك
كاميليا:هاد التخربيق خليه عندك مغنتيقكش كيف الاول غير تهناي
أحلام:صبريي
جبدات تيليفونها ووراتها لكونفيرساسيو:هانت مبغاش يسيفطهم لي قالي خاصك تمشي لعندو نت نييت
خدات ليها طيلي وبدات تتقرا سمعات الاوديو ديالو لقات بلي كدوي على شي تصاور نهار الليلة لخرجو فيها شافت فيها:اقسم بالله ولقاكم تتكدبو تنسيفطكم الحبس
أحلام:شوفي معاه هو انا مالني وصلتها لك وصافي
كاميليا:من اللخر شنو بغا
أحلام:بغا يهضر معاك الا بغيتي نمشي معاك كنعرفو فين ككون والا بغيتي ديكلاري بيه انا نعاونك شادة عليه شي بلانات
كاميليا:لعشية يلااه ونساليو هاد الزفت
زادت وخلاتها بتاسمات بخبت وبقات متبعاها وزااادت