ثانوية الحب ⛄الاستاذ والمزنزنة 2☃️مكتملة☃️

الجزء 86 ☃️

💛ثانوية الحب💛
🍒الجزء 86🍒
⛄ منال برنيش⛄
جراتو وهو بقا ضاير كخنزر فيه خلاوه شاد فكرشو تتلوا نتر منها وخدا شكارتو وهي غير تتشوف فيه مرعوودة تتقول فدماغها غادي يجمع معاها بشي تصرفيقة ولات تتوقع منو اي حاجة طلع فموطورو وديمارا:طلعي
كاميليا تتشوف فجنابها قفزها بأنه امرها تاني ولكن بالجهد باش طلع طلعات وهي شادة فيه من اللور وزادو كان غادي بالجهد وتتطلب يشد طريق لدارهم مبغاتش يوقع بحال داك النهار يولي عاطيها شي قتلة ولحمها ممولفش لعصى قلبها كضرب وصفاارت ولات غتتمتم كاع ديك الضسارة والطيران والبسالة لكانت تتدير ليه تضربات دابا ولا تتخاف منو ومرعودة من جيهتو
تتشوف فالطريق وتتبلع ريقها صفااارت ماشي طريق ديال دارهم بالها بدا تتخايل مقدراتش حتى تهضر دخل مع واحد الدريبة وخرج لواحد الوسعة كبييرة خااااوية مكاين حد تعيا متغوت ميسمعها حد وقف قالها تنزل نزلات ورجليها تترعدو عليها وقفات متكية على لحييط غير نزل بلاصة لموطور وضار عندها وهي تبدا تهرنن:هانت غير سمع راه
محمد قاطعها:غير سكتينا
كاميليا:راه هو لجا عندي
محمد:كن مكنتيش عاطياه فرصة راه مغيجيش وعلام الله شحال من واااحد
كاميليا فيها لبكية:ودابا علاش غادي نبداو تاني
محمد زاد فصوتو:اااه نبداو ومنساليوش حيت نت متتقاداايش دوينا شحاااال من مرة ولكن لفيه شي حاجة عمرو يتبدل فين غادية بهاد البسالة والتبرهيييش ديالك فين راك عيقتي اكااميليا
كاميليا:وغير سمعني
محمد:من ايمتا وهو كجي لعندك
تتشوفو كيفاش كهضر ويتحرك تبين لها انه راه معصب واصل للطوب هادشي لمخوفها بدات تتهضر وفيها البكية وبصح عينيها دمعو:هانا غادي نقوليك كلشي غير مضربنيش عفاااك
محمد قالب وجهو:هضري
كاميليا:مغضبرنيش ياااك
غوت فيها وضرب فالحيط حتى قفزااات:وهضري مغنقييسكش غير دوي
بلعات ريقها وغمضات عينيها وقلبها كضرب الخوف راكبها دموعها نازلين على خدودها تتهضر ووتتهز:دابا هو كان كقرى معايا وكنت تنعرفو ومين جيت لمدرسة هنا مبقيتش تنهضر معاه
محمد:كنتي معاااه؟
مقدراتش تجاوب وتتشوف فيه كيفاش تتنفس بالجهد ومخنزر نااادرا مكتشوفو هكاااا من طبعو هادئ وسكوووتي وتقيل فتصرفاااتو هادي المرة التانية وهي تتشوفو هكا اولهم نهار الليلة المشؤومة فالقهوة والدار عندو بدات تتبكي قداامو وهو بعد منها وبقا غادي جاي وهاز راسو للسما ومسح على شعرو وعاود ضار ليها:مغاديش يجي غير هكاك ونت تتقولي شحال مهضرت معااه
فهماتو كقصد انها زعما راااه مزال معااه وكدا يعني راه مغيجيش ويزعم غير هكاك:أقسم بالله مبقيت هضرت معاااه والله
محمد:وعلاش جااا هاا فنظرك نت هاا راني ماشي حمار ماشي دمدومة غتكدبي عليا بهاد زوج كلمات وشوية ديال الدموع
غير تتبكي تتشوف فيه غادي جاااي عليها وكهضر:هادشي غير لكنشوف علام الله لمخبي شنو كايين وشحال من واحد
بقا غادي متسرطاتش ليه تفقص ولا غير كسرسر بلا فرااانات ضار وشاف فيها:اصلا شنو غنتوقع من وحدة نلقاها فالنص الليل كدور وبلا خباار واليديها مبقا ميتصلح لخرج راه خرج صافي