💛ثانوية الحب💛
🍒الجزء 174🍒
⛄ منال برنيش⛄
كاميليا هزات طيليفونها وبعدات عليه شدات فواحد القنت وكبقات على التصاور تتصور تصور فيه وتشوف شكون جا فيها عوج عيات بالتصاور والو مجاوش بحال هاديك لشدها فيها هو ندمها حطات طيلي وربعات يديها وهي مدلية قنانفها بقات فيها الشمتة خخخ تفقصات لاح يديه على المخدة وهو تتفرج ضار شافيها عاقدة حجبانها بحال شي بنية صغيرة
محمد:تمالك؟
كاميليا:مدويش معايااا
محمد:ونت لبديتييي
كاميليا:ومسحهاااا
محمد شاف فالتلفازة:دابا نمسحها
كاميليا:ولااا داباااا
محمد كضحك باغي يعصبها:تنفكر
كاميليا بدات تترطا وتنتر:وماسوقيش مسحهااا
محمد شاف فيها:وصااافي
هنا هزات مخدة نيشات عليه بيها هنا شاف فيها وخنزر تكمشات فبلاصتنا وهو ينوض ليها شداتها لقفقافة تخاف متحشم مقادة حتى تنوض غوصل عندها وهي تبدا طاكي بيديها
كاميليا:صافي صافي عفاك والله حتى غكنضحك معاك
محمد كدير براسو غيضربها وهي تطرطا شدها من يديها وبغا يلويها ليها غبشوية ولكن هي بوحاطية دغيا حماتها الغوت
كاميليا:واااااااع هرس ليا يدييييي هئ هئ هئ وااااااع
محمد طلق منها:مونتيف نت بالرب
كاميليا:والله حتى نقولها لبابا
محمد:يلاه عيطي ليه نشوف
كاميليا فقصها:دابا نت علاش تتقلب باغي تفقصني ياااك باغي طرطق ليا مرارتي
ودارت يديها على وجها وبدات تتبغن بلعاني باش يحزرها وعارفاع حرك راسو بلا معندها عقل هبيلة وبزاااف جلس حداها وضور يدو على عنقها
كاميليا:بعدي مني هئ هئ
محمد قرب لها بشوية وباسها فعنقها وهنا بردات وشافت فيه وضورات وجها مقلقة
محمد:وصافي
كاميليا شافت فيه:ومسح التصويرة
محمد خشا يديه فجيبو:هادشي علاش تتقلبي
جبد طيلي ومسحها قدامها وهو كضحك جيت بصح جات فيها بحال مجربين فيها السحور عاد بتاسمات واخا معندو ميدير ليها بيها غشاد فيها ولكن هي مع جات فيها هكاك حلفات لبقات عندو يبدا يضحك عليها بيها
محمد:تهنيتي دابا
كاميليا:لا عطيني طيلي نشوف متنتيقش فالايفون
لاحو ليها مخليها دير لبغات وغادي لها مع عقلها تتقلب وتتفلي لتكون مخبية شي بلاصة ولكن مسحها واخا هكاك شوية دخلات لواتس وهي تشوف فيه كان تتفرج فلاتو كامل كانو مسيفطين ليه بنات شافتهم فالبروفيل ولكن مين دخلات لكونفيراسيو تتلقاهم غمسيفطين ليه الكتبة وداط التخراج بنات ديال تما يعني خدمتو مقالت والو حطات وحطات راسها على صدرو وهو بشوية
راسها على صدرو وهو بشوية كدوز لها على شعرها بقاو شحال تتفرجو وهي تنوض
كاميليا:محمد يلاه نخرجو
محمد شاف فيها:ياك مريضة
كاميليا:اه ولكن غير يلاه عفاك
محمد:واخا طلعي لبسي
كاميليا:يلاه
وقفات وشد فيها غادين بشوية وطالعين فالدروج وكهضرو على فين بغات تمشي وفين ايخرجو
نهار جديد
الدار ديالهم عامرة شي غادي شي جاي كلشي جا يشوفهم ليوم الضحك والهضرة من الصالة تتسمع
كنزة تتعمر اتاي:قوليلي شنو قالك على الخدمة
كاميليا:قاليا جلسي هاديك لمتبقايش فيها بغيتي تجلسي فالدار مغيخصك حتى خير بغيتي تخدمي انا ندير لك مشروع فلبغيتي تما
فدوى:مقال حتى عيب من حقو
كنزة:اه مدام قادر يهزك معندك متقولي ليه
كاميليا:تانا مقلت والو
نرجس داخلة:ماما الما سخن
كنزة:اه هاكي
عمرات بيه الرضاعة ودارت فيها الحليب وخرجات خلاتهم حتى ترضع بنتها حتى تجي تجمع معاهم
فدوى وقفات:انا جاية
خرجات بقات غير هي وماماها كهضرو شوية وهي تقرب عندها عنقاتها
كنزة:حتى نت اتخوي عليااا اشيطانة
كاميليا عنقات ماماها تتبوسها مخلين داك الجرح دالفراق راكد ماجلينو ولكن دموعهم فارشاهم كاميليا بدأت تتبكي وهي معنقاها
كنزة حابسة دموعها:لا لا،شوووو ابنتي سكتي سيري الله يسهل عليك نشوفك غير فرحانة مع راجلك هاديك هي الدنيا
بدأت تتمسح لها دموعها وتسكتها حتى هي قلبها ربي،لعالم بيه مع كانت تطير وشيطانة غتخلي بلاصتها ديك الضسارة ديالها كانت معمرة الدار نهار اتمشي اتخلي غالصقيل ولكن هادي هي الحياة كل بنت آخرتها فدار راجلها
كنزة:الله يرضي عليك الله يسهل عليك احبيبة ديالي
باست ليها راسها ويديها وهي تتدعي معاها فرحانة بيها وهي تتشوفها عروسة واخا هكاك قلب الام فيه الفرح والقرح الفرحة وهي تتشوف بنتها عروسة والحزن على فراقها جات خديجة تاهي،شافتهم هكاك قلبوها تاني دموع واخا هكاك كنزة شادة راسها مبغاتش تبكي وتبكيها وهي عاد عروسة ممزيانش
كنزة:الله يرضي عليك
كاميليا:امين الله يخليكم ليا
خديجة:الله،يسهل،عليك احبيبتي
بتاسمات لها وهزات كنزة الصينية وكاميليا وخديجة الطباسل جات نرجس وفدوى عاونوهم فالطبلة وجلسو مجموعين
كانو كاملين مجموعين فرحانين كهضرو ويضحكو كل مرة يشدو فواحد
كنزة:ماالك
ياسين شد فراسو:شداتني واحد الدوخة
كاميليا:طلع ابابا تكا شوية
ياسين:لا لا
محمد:لا غير طلع رتاح لك راه قبيلة بنتي ليا عيان
كنزة:نوض غمض غشوية تفوتك
حرك راسو باااه وناض وهما بقاو مجمعين كهضرو شوية فدوى وهي ضحك بالجهد هي ونرجس وحتى كاميليا دايرة يديها على وجها وكضحك
خديجة:امااالكم
كنزة:ضحكونا معاااكم
نرجس تتشوف فكاميليا وكضحك:واحد النهار فالمدرسة طاحت سخفااات حسابلهم غير كضحك
كنزة:ناري عقلت طيرتوها مني خلعة فاش عيطو ليا
فدوى تتضحك:وكلشي بقى كشوف فيهاا حسابلنا غير كضحك ولكن الخبطة لتخبطات مع الارض عاد نضنا كاملين
نرجس:عيطات ليا وحدة قاتلي ختك مااتت
كنزة:اهيا ناري برا ولباس عليها
فدوى:عرفتي كلشي تجمع عليها جيب الريحة جيب الحلاوة جيب المااا وهي والو مبغاتش تفيق
خديجة:مكانتش كتاكل كاميليا عاقلة عليها حتى الفطور مكانتش تتفطر
شافو فبعضياتهم لبنات حيت كانو عارفينها علاش سخفات كانت مخاصمة مع محمد وبقات تتبكي بزااااف وهو مكانش داك النهار شافت فيه طلعات فيه حاجب زعما راه بسبابك
فدوى:عمي ياسين مكانش وعيطنا لحارس العام جاي بشوية تعرفها كاميليا عاد جا يجريييي بدا يتفتف
نرجس:ناري علاااام
فدوى:ناري وحنا لقيناها سبة باش منقراوش والجوقة وهزها مول الكونطا هو لكنا عندو فاش سخفتن وتابعينها شي هاز لها الساك شي هاز الريحة زعما كنت محبوبة الجماهير
كلشي بدا كضحك وحتى هي وهو نغزها ضارت عندو
محمد مطلع حاجب:مول الكونطااا وكضحكي عاجبك الحال
كاميليا:راه كان يلاه تزوج غتهنا وبعدا لقيتو هو هزني بحالك نت راه بسبابك سخفت
محمد:تنبقاو الراس فالراس وغنتفاهمو راه مكنتش ناعس على وذني كنت كنشوفو كبقى جاري معاك
كاميليا ضارت عندو تاني:ولكن كاين غير تهنا
غمزاتو وضارت خلاتو يبرد دابا عارفة كيفاش طفيه كلمة منها كذوبو مخلاتش ليه العقل
آدم:ايوا ازين امتى تانت غنقصرو فعرسك
أميرة تزنكات:انشاءالله هههه
كنزة:مبقى والو انشاءالله
خديجة:ايوا الله يدومها فرحة
دريس:اميين نبقى حتى نشوف وليداتكم
كاميليا:الله يطول فعمرك ابا سيدي
كنزة:نت هو البركة دالدار اباااا
محمد باس ليه راسو حيت كان حداه وهو كرضى عليه بقاو مجموعين فجو عائلي فرحانين العائلة مين تتجمع جو رائع بزاف رجع نضم ليها ياسين وجلس حدا كنزة مضور يديه على خصرها ومرة مرة تشوفو فبعضياتهم مبتاسمين وهما فرحانين كهضرو بيناتهم غير بلعينين والفرحة واضحة عليهم وهما كشوفو وليداتهم سهل عليهم الله ودارو ديورهم بنياتهم بزوجات حن عليهم الله وولدهم حتى هو وشافو بنت بنتهم ومتشوقين يشوفو وليدات ولادهم لوخرين عاد اميرة تاهي مبقى لها والو ودير العقد كان جو من الفرحة طاغي عليهم وتتمناو ربي يدومها عليهم تنهدان وحطات راسها على صدرو ونطقات:خوات علينا الدار اياسين
ياسين:بقيت غير انا وياك دابا نرجعو لايام الشباب
بتاسمات وشافت فيه علاقتهم غير بوحدهااا السنين دالعشرة هي لتتوصف شنو بيناتهم بزوج صبرو مع بعضياتهم وولدو وليداتهم وشافوهم حتى كل واحد دار دارو وبنياتهم مشاو لديورهم كانو حتى هما استاذ وتلميذة ولاو زوج وزوجة من بعد اول مولود ولاو عائلة ولدو وليداتهم وكبروهم وقصتهم نفسها تعاودات مع بناتهم الايام كضور والأقدار والمكاتيب تتصرف والحمدلله على كل حال❤
خديجة:ماالك؟
كنزة شافت فيها وتنهدات:دار لبنات خاوية اخديجة
خديجة قربات عندها وضورات يديها عليها وعنقاتها تتواسيها وبلي راه هادي هي الحياة والبنات اخرتهم دار رجالاتهم ولكن قلب الام غير حتى خديجة مقصحة بناتها تزوجو بزوجات وتاهي خوات عليها الدار ولكن هادي الحياة
معنقااها مباغياش تفرق عليها وكبكيو ياسين وراها حتى هو الحزن باين على عينيه وكطبطب لكنزة لكتنخصص على كتفهاااا كلشي كشوف فيهم والحزن بان عليهم تاثرو وعلاش هدا هو قلب الام والفراق صعيب ماشي غير مسات لدار راجلها اتخوي حتى لبلاد معااه كان وراها وحاط يديه على كتفها كسكتها وهي معنقة ماماها تتبكي على فراقها بقات فيه مكبغيهاش تبكي ولكن الوالدين وتر حساس واخا نعياو نتناكرو معاهم كلشي على مصلاحتنا واخا كجيونا كزيدو فيه بعد المرات ولكن كلشي من خوفهم علينا ولمصلحتنا ومكاينش ليبغينا ويخاف علينا قدووو لحظة فراقهم خايبة بزاااااف
كنزة بعدات عليها تتبكي وتمسح ليها دموعها:سيري الله يرضي عليك الله يسهل عليك
كاميليا باست ليها يديها وهي تتبكي:امين ردي لبال لراسك اماما الحبيبة
وعاودو تعانقو وهما كواسيهم ولكن الفراق صعيب بزاف ياسين حتى هو عينيه غرغرو بنتو وكبدتو واخا كانت قبيحة وطيارة وديما معاه فشد ليا نقطع لك ولكن كانت مراهقة دارت عقلها دابا هاهي قدامو دابا شابة بعقلها وغادية فخطوة جديدة مع راجلها داك القباحة ديالها كانت دايرى بلاصة فالدار ودابا مين غتزيد غتخلي بلاصتها قداش ولكن هادي الحياة غيجي واحد الوقت البنت اتروح عند راجلها هادشي ضروري فالحياة فتح يديه ليها وهنا طلاحت عندو عنقاتو تتبكي وتوصيه على صحتو وهو كدعي معاها حتى هي قلبها مجروح وجرح لفراق مصبراتش عليه قدما لبنت تكون باغية وتتموت على الزواج نهار تحط فهاد الموقف مغتصبرش على واليديها لكبروها ورباوها حتى ولات مرأة وجا ليديها لدارو وحتى هي واخا كانت ديما بابا كزيد فيه بابا كدخل فأي حاجة فحياتي ولكن كبقى باباها وهداكشي من خوفو عليها مكتن مخصصهم من تحاجة مهليي فيهم لبغاوها تحضر وهاهي مصابراش على فراقو
كنزة:تهلا فيهااا اولدي الله يسهل عليك
محمد باس لها راسها وعنقها:كوني هانيا الالة كنزة راه فعينيا
كنزة عنقاتو:عارفة لكاين الله يحن عليك راك ولد الناس
نرجس عنقاتها:تهلاي فراسك اختي الحبيبة غنتوحشك بزاف
كاميليا عنقاتها تتبكي:حتى انا والله ردي لبال لراسك وتهلاي فنور
حتى هو مصابراتش على بعضياتهم وهادو هما الخواتات كانو مع بعضياتهم فكلشي يطيح وينوضو على بعضهم مفاوتين غبعام كانو بحال التويميات ولكن دابا الحياة دابا غتلوح كل وحدة لجيهة واخا هكاك الخاوة دالصح عمرها تبدل واخا معرت شنو يوقع
آدم باس ليها راسها:تهلاي فراسك احبيبة
كاميليا عنقاتو وباستو خوها وسندها علاقتها بيه كانت الزوينة الضحك والنشاط ومفاهمين ماشي بحال اكترية الخوت شد ليا نقطع ليك هما بلعكس مشبتين وتموتو على بعضهم
فدوى طلاحت عليها:غنتوحشك احبقلبييي غتخلي عليا بلاصتك معامن غنضحك معامن غنتنمر معامن
كاميليا بغات تطلف الجو:ديماااا معااااكم غير تهناااو وراكم وراكم والزمن طويل
أميرة عنقاتها:تهلاي فراسك احبيبتييي
كاميليا باستها:وحتى نت احبيبة دياليي
تعانقو بزوجات بالجهد كارزين على بعضهم واخا لوقع نساو لفااات الدم بيناتهم عنقات خديجة لتتدعي معاها تاهي وتبكي كانو بحال بناتها خالها منير تاهو جدها دريس لبكات عليه بزاف عزيز عليها ومولفاه مين هي صغيرة يخرجهم هي ونرجس وآدم ويشري لهم ويمشيو عندو المراكش نعم الجد الحنون
كاميليا:تهلا ليا فختي ابوقال
عماد عنقها:كوني هااانيااا تهلاي فراسك اختي
كاميليا كطبطب ليه على ضهرو:وحتى نت
ياسين عنقو:عارفك ولد الناس مهني من جيهتها وهي معاااك الله يسهل عليكم
محمد معنقوو حتى هو معزتو عندو كبيييرة بزاااف وقف معاه بزااف وهاهو دابا تناسب معاه زادت علاقتهم تقوات ابار انه كبغي بنتو من واجبو يتهلا فيها وهي مراتو اول حاجة هي انه عمرو ينسى خيرو باغي يرد ليه غير شوية وبنتو راه فقلبو وعارفين هما هادشي
كنزة:الله يسهل عليكم الله يديكم على خير
كاميليا مدات نور من بعد مشبعات فيها بوسان تتودعها تاهي:اميين تهلاو فراسكم
ياسين:متشنطيش بالك معانا الله يديكم على خير
محمد وكاميليا:أمين
كنزة:كولي مزيان لبسي مزيان راه البرد تما
كاميليا:واخا الحبيبة ديالي
مسخاتش بيهم مسخاتش بدفئ العائلة ولكن معندها مدير خاص تبني حياتها دابا مع راجلها حياة جديدة سيسطيم جدييد هدا هو المكتاب جرات باليزتها وحتى هو وشادها من خصرها دخلو وهما كودعوهم وكسيفطو لهم بوسات فالهوا وكنزة تتشير بيديها ودموعها نازلين ونفس الشي حتى كاميليا بقاو كودعوهم حتى دخلو وغبرو من قدامهم الطيارة من هنا خمسة دقايق غتزيد غير زادو كنزة عطاتها البكى مقدراتش تصبر كاااع على بنتها والو قلب الأم مكاينش بحالو وحتى ياسين ربي لعالم بيه وهو كصبر فيها الله يسمح لينا من الواليدين
جايين خارجين المطار جارين باليزاتهم وصلو دابااا ضور يديه على خصرها وهما غادين ضار عندها شاف فيها عويناتها منفوخين شوية بقات تتبكي فطيارة حتى نعسات عاذرها عارفها صعيبة عليها بزاف غتاخد وقت طويل باش تولف
محمد:شوية احبيبة؟
كاميليا شافت فيه بتاسمات واخا معندها خاطر حركات راسها باه وعينيها تنفخو بالبكى قرب بشوية باسها فخدها باستمات كتر تنهدات وشدات فيه خرجو من المطار وهي تتشوف دابا هي فالولايات المتحدة الأمريكية حياة جديدة غتبنيها هي وراجلها مبقاتش بوحدهاا مرحلة جديدة فحيااتها بعيدة على دارهم وعلى أرض الوطن ولكن معندها مدير خاصها تولف دابا حياتها مع راجلهاا
محمد:مشينا
كاميليا شاف فيه:يلااه
نزلات من الطوموبيل غير شافت الدار من برا محساتش حتى بتاسمات عجبها التصميم من برا لكان راقي وهادئ من ناحية اللون متشوقة تشوفها من لداخل وقف حداها وشد فيها وزادو دخلو حل لباب الصغيرة ودخلو مع الجردة واقفة تتسناه يحل لباب باش يدخلو وتتشوف فجنابها على برا شارع راقي كلو منازل مزدوجة وعامر بالشجر وقليل لخارج فتح لباب وخلاها دوز هي الأولى والابتسامة على وجهوو وحتى هي واخا مقلقة مبتاسمة باش ميبقاش فيه الحال تححسو بحال مبغاهاش دخلات للدار وهي تزاد ابتسامتها وهي كضور عينيها عليها عجباتها بزااااف كانت دار مزدوجة Duples بهندسة وتصميم عصريين كانت كلها بيضة فالحيوط وحتى فالدروج والاثاث وطاغي اللون الاسود فشي حاجات منهم النوافذ وشوية من الاثاث والضو خافت ضو النهار طاغي عليها ومهوية مكتقنطش ومفوجة ضارت عندو مبتاسمة فرحانة:زوينة بزااااف
محمد جاها من اللور وعنقها وحط راسو على كتفها:نت لزوييينة الا بغيتي تبدلي شي حاجة خودي راحتك دارك هادي
كاميليا حركات راسها لا وهي تتشوف:لا عجباتني بزاف ذوقك زوين
طبع قبلة على عنقها وجرها يوريها ليها كاملة وهي فرحانة عجباتها بزاف وعاد خلي الكوزينة واخا ديال تمارة عجباتها كبيرة واسعة غتاخد فيها راحتها ضارت مزيان لتحت وشوية هما يطلعو لفوق فين كاين لبيوتة كانو ربعة دلبيوت دالنعاس لفوق والكولوار طويل دخلو لبيت او بيتهم بزوج جلسات فوق الناموسية وهي مبتاسمة وتتشوف مبغات تبدل والو كلشي هو هداك ذوقو عجبهاااا بزاف ناضت لبالكو وطلات والبرد كضرب ليها فوجها
محمد:يلاه تشوفي لبيوت لوخرين
حركات راسها باه ومشات معاه مع اول واحد
حركات راسها باه ومشات معاه مع اول واحد دخلات ليه وهي تنطق ومبتاسمة:هدا غيكون بيت ولدنا انشاءالله
شاف فيها نيشان محسش بديك كلمة كيف تحطات على قلبو عينيها كبريو وهو كشوف فيها تتخايلها أم أم لولادو ولد ولا بنت معاها هاديك هي الدنيا عندوو ميكرهش يعمرو ولاد تكون غير هي معاه وهي ماماهم غيكونو أسعد عائلة وهي براسها معاه اتكون فرحانة وعمرو يقلقها ديك كلمة بابا باغي غفوقاش يسمعها باغي يحس بإحساس الأبوة ويهز ولدو ولا بنتو فاول مايخرج لدنيا يكون مع مرتو فالولادة باغي يعيش أدق التفاصيل دحياتهم قرب عندها عنقها من اللور وحتى شدات فيديه وباسها فعنقها
محمد:هاد البيوت كاملة انعمروهم بالولاد بولادنا اكاميليا
كاميليا بتاسمات:انشاءالله ههه اه اويلي كيفاش الولاد على نت شحال بغيتي
محمد:شحال مكان مهم نت ماماهم❤
وختمها تاني بقبلة فعنقها خلات قلبها يفرفر حتى هي باغية تكون أم باغية تسمع كلمة ماما وتهز وليداتها بين يديها واهم حاجة منو هو هو يكون باباه حبيبها وحبها حب مراهقتها استاذها واي حاجة زوينة هو وعاد تزيد هو يكون اي ولادها احساس ولا اروع ضارت وشدات فيه ونطقات وهي مبتاسمة:مدرتش الفانيد امحمد
سكتات شوية وهي تتشوف فيه حيت مقالتهاش ليه فاش تافقو قالها ليبغيتي هي وراحتها بغات الولاد دابا ولا من بعد ومعاودش سولها لكن هي اختيارها غير كملات كلامها وهي مبتاسمة وكضحك:يعني راه تقدر الكريشة تعمر عاجلا ام آجلا هههههه
وبدات تتضحك شي لخلاه يجرها عندو يعنقها ويبوسها فخدها فرح اه واخا خلاها على راحتها حيت جسمها هداك هي لغتهزو تسع،شهور هي لغتقل بغاها حتى تبغي هي ولكن فنفس الوقت هو فنفسو باغي الولاد مقادرش يصبر ساعة ربي كبير حبهم مخليهم كفهمو بعضهم❤
خرجو من اخر بيت وهي شادة فيه من بعد وراها الجيهة لوخرا عرفات الدار كاملة كيف دايرة باش لكانت بوحدها تعرف فين تزيد وفين تمشي خخخ مع كبيرة وهما غير زوج من بعد نزلو ومشات جلسات فاول فوطوي بان لها
كاميليا:واش اتخرج؟
محمد:واحد الساعة نمشي غلافاك نعلمهم بلي راه جيت ونرجع
كاميليا حركات راسها باه قرب عندها وباسها فخدها:طلعي رتاحي واخا؟
كاميليا بتاسمات وحركات راسها باه:واخا الله يعاونك
ودعها وخرج وهي بقات ناضت ضارت شوية فالدار حاسة بواحد الفرحة وهي فدار راجلها اه دارها لغتبني معاه فيها حياة جديدة يديرو فيها وليداتهم ويكونو عائلة وحبهم يبقى خااالد بحال ماماها وباباها لبالنسبة لها شي حاجة بزاف وهي تتشوفهم كيفاش مفاهمين مع بعضهم واخا كبرو كانت ديما تتمنى تعيش شي قصة حب بحالهم وداكشي لكانو كعاودو لهم كانت تتمنى شي راجل بحال باباها حيت كانت تتشوفو كيفاش كان تتعامل مع ماماها وكيفاش كخاف عليها ولبغاتها هي لتكون وهاهي ربي كبير نفس شي تعاود معاها خدات استاذها مكاينش بحالو بالنسبة لها ربحاتو حيت مكاينش بحالو داك السيد شنو دوزات معاه قليل لبحالو او نادر معقول وولد الناس ومضحكش عليها وبزاف دالحوايج ميتوصفوش بالكلام وهاهي رغم كاع المشاكل لدازو ربي مكتبهم لبعض من فراق طويل هاهما دابا مزوجين ديال بعضهم مكاين ليفرقهم تنهدات براحة وطلعات حلات لباب ودخلات حيدات سباطها وتكات فوق الناموسية ترتاح من السفر عيات واخا نعسات فالطيارة عظامها تقال عليها قبل متغمض هزات طيلي مع دخلات لواتس وهي طلقاه مسيفط لها شحال مهضرو تدهات فعرسها وسير واجي كانت تتجمع وراقها وتتوجد تدهات على بزاف دالحوايج جاوباتو داك الساع شافها عيط لها جاوباتو وهي كضحك
كاميليا:حوووبييي
أمين:عروووسة ديااالي
كاميليا:توحشتك المسخوووط كداير لباس
امين:حتى انااا حمدالله وغصوتك طاح عليه السر جا معاك الزواج
كاميليا:ياااك هههههه،سير سير مخاصمة معااك مجيتيش بقاا بلاصتك
امين:تانا بقات فيا قداش محضرتش ولكن حاولت اختي ومقدرتش نزل لمغرب وزيد خفت من العريس هههه
كاميليا:وتا غير جي والله ما يقيسك هههه تخاف متحشم ياخويا
أمين:انشاءالله فالسبوع انجي
كاميليا:انشاءالله،ياربي ايوااا صافاااا
امين:انا بخير،قولي غير نت كيف دايرة مع الوقت والسيسطيم الجديد ناري اكاميليا نت آخر وحدة نشوفها تزوجات اتخرجيها منوووو
كاميليا كضحك:يااك اسييييديييي واخا تحاميتو
امين:لا لا اختي سعداتو دا الزييين وحتى هو تباركالله متحيديش من حدااه خخخ
كاميليا:ويااااه واخا هو عارفاه كيف داير ولكن اللصقات عطاهم الله
بقاو كضحكو بزوج شحال وهما كهضرو هو وشي وحدين قلال لباقية عندها بيهم صلة وكهضرو وهادو هما العشران دالصح واكترية هو كان عشيرها ورجولة نيييت وكل واحد دابا بنا حياتو هو مشى دار داكشي دلميكاب فكندا وبقى تماا وباقي بيناتهم طيلي ودعاتو وقطعات معاه سيفطات اوديو لمها وباها طمناتهم بلي راه وصلو بخير حطات طيلي وتقلبات على جنبها ونعسات نيشان
داز شوية دالوقت رجع ملقاهاش لتحت عرف اتكون لفوق طلع بشوية حل لباب لقاها ناعسة حيد تجاكيطة لاحها وقرب بشوية غطاهاا مشى من جيهة لوخرا جلس حيد سباطو وضار قرب عندها باسها فخدها وتكا حداها عنقها حسات بيه بلا ماتحل عينيها تخشات فيه حتى هي ونعسو بزوج
🌸 بعد أشهر🌸
حلات الباب وهي مخنزرة وتتسوط نيشان داخلة بحال الصاروخ حيدات الطالون وطلعات فالدروج وهي تتنكر وتخبط دخلات لبيت وزدحات الباب جلسات فوق الناموسية وهي شادة فراااسهااا وتتسوط تعصبات بزاف شوية هزات المخدة وبدات تضرب فيها وتعض وهي تتفكرها معاه بقا لها غشوية وتعنقوو حل لباب ودخل مخنزر تاهو بحال الرعد مشى ليها شدها من ذرااعها بالجهد:مين نكون نهضر معاك تبقاي حتى نسااالييي هضرتيب سمعتي
نترات منو وقفات:طلق منييي نت هادشي فاش فالح غير فيا انااا
محمد تنفس بالجهد تحاول يهدئ نفسو وميتسرعش:كااميلياا بالرب حتى هاد الليلة غنوليو فشي حاجة ماشي حتى لهيه متبقايش طرطاي عليا
كاميليا عاد مزايدة فيه حيت تاهي تفقصات:شنووو غدييير اضربني يلاااه اضربنيييي على قبل هاديك حتى هي داير ليها الشان وعااجبك الحال من لفوووق سير عندها يلاه سير
محمد غوت:واش منيتك ورااااه قرات عندي واش السيدة جات سلمات عليا نضتي نتي كبيتي عليها الما واش نت حمقة
كاميليا طلعات فوق الناموسية تتغوت فنفس الوقت تتبعد عليه باش ميفوتش فيها شي دقة تتبرد هوايشها وفنفس الوقت فيها غالفم:اااه ونكب عليها حتى المقاطع واش داير فيها متتحسش مشفتيش كيفاش كانت تتملس فيك باينة بقا لها غشوية وتعنقك راه مين مدرتش فيها يدي عندها الزهر باينة لحاسباك استاذها وباينة لفدماغها الخرااا
هنا قرب لها بزربة جرها من يديها نزلها وضورها طاكاها مع الباب دارت يديها على وجها لتجيها فيه شي دقة فيها غير الفم
محمد ضرب الباب بكروشي:هاااااد القلا**وي كامل مداخلش ليا للراس نت راك عارفة بلاما نبقى داوي شي وحدة منعرف دينمها كيف بغات تكون راه مغتجيش بلاصتك بداي توزنييي اكااااميلياااا رااه هادشي ممسلكش راااك وليتي على سبة
كاميليا حيدات يديها:حيت كنغير عليك حيت كنبغييك داكشي باش انا ممزياناش يااااك
وهنا دموعها خرجو وبدات تتبكي عطاتو بالضهر وحطات وجها على الباب وبدات تتبكي وتنخصص بقا فيها الحال متقدرش تشوفو مع شي وحدة تموووت ولا تحمااق محساتش براسها مين شافت هاديك تتسلم عليه واخا هو مفنيتو والو ولكن شافتها هي كيفاش كانت كدير هزات كأس دالما كباتو عليها دارو الشوهة فديك الريسطو لكانو فيها طريق كاملة فالطوموبيل جايين منوضينها كانت مخططة لحاجة خرجات لها حاجة أخرى
هو بقا غير كشوف فيها تنهد مسح على شعرو كشوف دموعها كبرد مكبغيهاش تبكي واخا هكاك ولكن هو مكان ناوي والو ورجعاتو خايب ولات على سبة هاد الايام لاحظها كلمة زوج تتبدا تبكي ولات عصبية ومتحسسة من بزاف دلحوايج حط يدو على كتفها بغا يضورها عندو وهي تنتر منو وضارت دخلات فيه ومشات جلسات وهي تتمسح دموعها والريسيل سااح جا بشوية قرب عندها:نت لتتسرعي اكاميليا مكتخليناش نهضرو ونتفاهمو
كاميليا:اه صافي انا هماجية وجعواقة وفيا لغواات ولكن قلبي لداير ليا هاد الحالة معندي مندير
ضارت وتكات عطاتو بالضهر وهو بقا كشوف فيها ملقا ميدير يخرج يبدل بساعة اخرى غيبقا منك مني تتشعل تاني يخرج يبرد وعلا ما تبرد تاهي ويهضرو خرج سد لباب وراه وهي هنا عطاتها البكى بقا فيها الحال بزاف ناضت وهي تتبكي ودموعها سايحين على وجها حلات،ساكها وجبدات منو الظرف حلاتو وتتشوف داكشي وتتبكي كانت باغية هاد الليلة دوز زوينة بغات تفاجئو بهاد الخبر وتفرحو كيفما فرحات هي ولكن مكتابش نوضوها فاخر لحظة حطات يديها على كرشها وهي تتبكي وتتشوف فليكوغرافي دارتها غير صباح فاش دوزات عندها شهر اه ويلاه سيمانة هادي باش تبدلات حالتها ولات غير الدوخة وتتقيا فرحات بزاف ولكن كلشي تقلب ليهااا بقات شحال هازاها تتشوف فيها شوية وهي تحط يديها على فمها قلبها تروع عليها حطات وناضت تتجري للحمام
حل لباب داخل مضور وجهو حسابلو كاينة ملقاهاش مشى نيشان حيد لافيست وجلس يحيد سباطو مع تحنا يحل السيور وهو يبان ليه ساكها وداك الضرف وليكوغرافي مقلوبة عقد حجبانو وهزها قلبها وهو يشوف داكشي مصور تما كحل بقا كشوف فيها شحال بحال تصرفق وترفع فلحظة وهو يشد فراسو
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Lãng mạn💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
