✨ثانوية الحب✨
🍦الجزء 7🍦
🌻 منال برنيش🌻
زادت وخلاتهم كنزة شافت فخديجة بمعنى شفتي لفعايل خديجة طبطبات لها على كتفها زعما صافي خليها
دخلات سدات عليها طلاحت فوق ناموسيتها وتنهدات ملات من كلشي تتقول فبالها ملات حتى من واليديها حيت ديما فاش تطلاقاو نفس الحاجة النكير وعلاش ومديريش ومتفعليش سمعات كلشي غير مكانتش تتهضر مكرهاتش حتى هي شي حد ليفهمها يحس بيها ماشي يسيرها كيف بغااا حيت غتزيد تشد معاااه الضدد كيف دايرة مع واليديها هي بغات واحد تبغيه تبغيه من قلبها وحتى هو يبادلها نفس الاحساس وتحس بلي راه كاين شي حد تتبان فعينو زوينة شي حد لمغيدمرش من تصرفاتها ميقولش لها علاش نت هكا واخا هي مع حمزة راه والو غير تصاحيبة ديال تدواز لوقت وصافي وواخا هي عاطية العين وديما جاينها العروض ولكن غتبرهيش هي بغات ليكون معاها تحس بيه تبغيها وزوينة فقلبو وفنظرو بسبب الجدالات ديالها مع واليديها تتقول حتى الناس مكيبغيوهاش معمرها غتلقى ليبغيها حيت هي قبيحة وكطير وتتشد الضدد المراهقة غالبة عليها مخلياها تفكر ان عمرها يكون عندها شريك انها خايبة وفعايلها متتستحملوش معارفاش ان ليبغيك راه واخا معرت كيف تكوني يبغيك و لمكتب لها ربي غادي تبان فعينيه كيف الوردة وغادي تبدل ودير عقلها على يديه غير تتفكر دابا وتتهضر غير هكاك معارفاش ان لجاي وشنو مخبي لها غادي يغير حياتها وغتعيش لمكانتش تتخايلو ومكانش على البال
دازو ايام طايرين
كان جالس فالمكتب ديالو كقاد شي وراق هدا اول نهار دلمدرسة مخربق ومرون التقياد وشي اساتدة مزال مجاوش مسؤولية كبيرة هادي خدا بكونو مدير المدرسة 12عام باش خدا هاد المهنة لعتارف انها صعب من التعليم ولكن واخا الصعوبات قدر انه يخدم فيها ويمشي فيها مزيان والمدرسة لفيها هو تولي من المدارس العمومية لعندها سمعة زوينة وتتقري مزيان ومنظمة سمع الدقان عطى الاذن باش يدخل رفع راسو غير شافو ناض عندو عنقو:مرحبا مرحبا بولدي غبرة هادي كيف داير لباس عليك
محمد باش ليه راسو:الحمدلله ااستاذ ونتوما كدايرين ونت الصحيحة مزيان
ياسين وهو كضحك:الحمد لله كلشي بخير غبرة هادي جلس جلس
محمد:هاحنا ااستاذ غادي يكتاب لينا نتجمعو عوتاني
ياسين:غير قلتيها ليا فالتيليفون فرحت بزااف وحتى فاش شفت سميتك زدت كتر الحمدلله ربي كبير
محمد:ونعم بالله
ياسين:ولكن امحمد كنعرفك مزيان معمرك مدويتي ليا على التعليم كيفاش حتى جا فجأة
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Lãng mạn💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
