💛ثانوية الحب💛
🍒الجزء 54🍒
⛄ منال برنيش⛄
غير هزات راسها قلباتها ضحكة وابتساامة:فنين اه قولي لي كيف جيت
كاميليا وقفات:جيتي فنة تباركالله
هزات فيرور كحل لبساتو وهزات سااك صغير كحل فيه لماكياج ودارت فيه طيليفونها
كاميليا:يلاه نمشيو
سبقاتها مشاات عند نرجس تتوصيها الا عيط شي حد من واليديهم شنو تقول لهم بلي هي واميرة نااعسين
كانت تتضور فعينيها فلبيت كيفاش عامر بلحوايج وبلميكاب السبرديلات داكشي لباغيااه وملاقياهش تتخرج للزنقة على قبلو باش تجيب فلوسو تمشي مع هدا ومع لاخر وهادي موفرينو ليها ماماها وباباها شعلات فيها العافية حسات بالنقص والغيرة محملاتهاش ومحملاتش حتى راسها تضور عينيها فالدار كيف دااايرة فين عايشين وموفر ليهم كلشيي هادشي بغاتو هي بغات تكون فيه بغااتو ليها سمعات عيطات ليها قلبات وجها لابتسامة وضارت
كاميليا:مشينا؟
أحلام:يلااه
خرجو كانت شادة فيها كاميليا على قبل الطالون غادين وتهضرو وهي تتشوف فالجردة وضور فعينيها كيف اللفعة وعاطياها وجه مبتاسم وهي فداخلها راها حااقدة خرجو من الدار بقاو غادين طول هي قالتها لها بلي لغيجيبها يوقف بعيد شوية على الدار اصلا الدنيا خاوية مكاين لشاافهم وصلو وطلعو
كاميليا:سلاام
الولد:وعليكم السلام
أحلام:كاميليا هدا أنور أنور هادي كاميليا صاحبتي
أنور ضار مبتاسم:متشرفين ازوينة
كاميليا بتاسمات:ميرسي الشرف ليا
الطريق كاملة وهما طالقين الموسيقى أحلام تتزيد فلميكاب كاميليا تتصور وتبارطاجي فالسطوريات ديال انستاغرام الحيحة مرة مرة كضرب عليها فالمراية وهو صايك حتى وصلو
كاميليا:شكراا بزاااف
أنور:فأي وقت ماشي خسارة فيك ازين
كاميليا بتاسمات:شكرا
نزلات وهو متبعها حتى نغزاتو أحلام:شفتك تحليتي عجبااتك
أنور مزال كشوف فيها:بزاااف
أحلام:شحااال تعطي وجاااتك
أنور شاف فيها:لبغيتي وراك عارفة شتنعطي انا
أحلام:مشااات
أنور:بغيتها ليوم
أحلام:فاش نساليو لانيف نطلاقاو فشي قهوة
أنور:واخا مين تساليو عيطي ليا
أحلام نزلات:تهلا
خرجات لقاتها تتسناها مشاو دخلو لقاو زوج واقفين حدا لباب وقفهم واحد:لكاارط
كاميليا عطاتهم لانفيطاسيو:حنا جينا لانيف
هداك خينة خدا لانفي وشافها:اه صحاب لانيف دخلو دخلو
احلام وكاميليا شافو فبعضياتهم وبتاسمو ودخلو كانت الدنيا مقلوووبة تما بناادم كتير والضلام ضو قليل والموسيقى مجهدة بنادم محيح
كاميليا:ااامييييين
أمين ضار شافها تما جااي عندها وحال يديه:حوبييييي
عنقها وحتى هي بعدها شوية وشد ليها فيديها وضورها:واااو وااااو جيتي فنة ميمكنش تزعطت انا غنسخف ههههه
كاميليا باستو:هههههه طانكيو بايبي حتى نت طوووب
امين ضار بوحدو مضورو حد خخخ:بصح نت لزويينة
كانت لابس كسوة تاهووو لاصقة عليه بيضة ومماكي وجهو حتى قال برااكة مهم مسكسف على لحالة كن ما الشعر لمعندوش فارش القضية تقول عليه بنت
كاميليا:هادي صاحبتي أحلام
أحلام:السلام عيد ميلاد سعيد
امين باسها:ميرسي كبيدة
كاميليا عطاتو لكاادو:هدا ديالي انا واحلام
امين خدااه:مكانش تعدبو راسكم شكرا اكبيدات اجي اجي الجماعة كاينة
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Lãng mạn💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
