💛ثانوية الحب💛
🍒الجزء 138🍒
⛄ منال برنيش⛄
يلاه بغات تهضر ولكن سبقهاا كان كهضر وساهي فالبحر:كنا فرحانين حتى جات هي الوليدة غير شافتها وعرفاتو مزوج بيها من شحال مرضات مطولاتش بزااف وتوفاات كانت عندي 7سنين وزينب عام فالاول كانت معانا مزيان كانت بغات تدينا جداتي ولكن مين شافتها ضريفة معانا قالت صافي هانية خليهم مع باهم مكانوش عارفين وجها الحقيقي مكانتش تتخلينا ناكلو ولا نلبسو حوايجنا كاع حوايجي عطاتهم لولدها والا دويت داك السااع العصى هي لغتجاوبني ومكانش خاصني نقول شي حاجة للوليد لكان اصلا بحال كاين بحال مكاينش كااانت قبيييحة بزاااف كانت مكترحمش
وهي تتسمع ليه مصدومة نزل لقب وعرا شوية على عنقو باش تشوف شنو بغا يوريها غير شافت داكشي وهي تشهق وحطات يديها على فمها:شنو هادشي اويلي
قربات ليه وحطات يديها على ديك لاطارس لكانت شادة بلاصة فعنقو ومعمرها ردات ليها البال نطقات بصوت هامس وحزييين:حرقااتك
شاف فيها وحرك راسو بااه وعاود شاف فالبحر مزال عاقل على هاد اللحظة شحال بكى وطلبها كبقى طفل يخاف من العافية مزال عاقل وهو كشوف فيها تتسخن فالموس وهو كبكي ومخبي فالقنت شحال تنتر منها وطلبها وهوتترعد وكبكي ولكن شداتو من شعرو وحكماتو وحطات ليه الموس على عنقو بلا رحمة تقول معندهاش القلب مرحماتش ليتيم لتلات بيه الايام عندها اليتيم لوصى عليه لخلقنا وصى عليه الرسول (ص)ولكن معامن مسلمين غير بالسمية شحال بكى وتألم بالحرق وتحلفات عليييه وهو سخفان البكى وداك الألم لمتصورش شحال صعييب وهو طفل شداتو من ودنيه وهو كبكي:شوف فيا أقسم بالله وتقول لباك شي حاجة يتنكمل عليك سمعتيني والله حتى نكويك من يديك ورجليك الا خرجتي كلمة وحدة وراك عارفني نديرها
وجمعات معاه بتصرفيقة مزال باغية تكمل عليه وهو محروق ومزال باغية تزيد عليه غخافت توقع ليه شي حاجة وهو فيديها
تحاجة منسااها حتى حااجة غير مخبي داكشي فدمااغو فوقما تهبط شي نقطة تتفيض كاس الذكريات لمتنساوش وهو مزال كلشي فبالو وحتى ديك الحرقة باقية مطراسية رغم السنين شاهدة على مداز عليه بقات غير تتشوف فيه صدمها مكانتش متوقعة هادشي مكانتش عارفة ان هادشي كامل مخبيه عندو واقف معاها هي ومواسيها وشاد بيدها وهو براسو خاص ليواسيه
محمد:كنت بالنسبة لها غير موسخ وشمكار وغادي نكبر شمكاار الكتوبة ديالي كانت تتحيدهم ليا وتعطيهم لولادها حيت انا غير شمكار ومغاديش نقرا ومعمرني غنوصل
بتاسمات باستهزاء هنا تحركات هي حيت بانليها السيد مبقاش حتى لهيه وبالسيف داكشي لعاود ليها شوكاها بزاااف شدات وجهو بين يديها وهي تتحرك راسها بلا:لا لا لا متقولش هكا هي غير تتهضر متديهاش فهضرتها نت استاذنا نت استاذي انا نت تتعلمنا وتتعطينا لغادي ينفعنا فمستقبلنا نت خدمتي وتقاتلتي مخليتيش كلامها يحطمك نت ماشي شمكار نت استاذ نت مربي الأجيال لطالعة كن مكنتيش نت وكاع الاساتذة كنا غنكونو جاهلين ومكنعرفو نت قاري وواعي ومثقف ومزال غتوصل وغتحقق بزاف دلحوايج فحياتك انا متأكدة
ضورات يديها على عنقو وعنقاااتو كارزة عليه وهو خاشي راسو فعنقها بحال شي ولد صغير كان محتاج لمن يعااود ويخوي قلبو وهاد الشخص كان هي معنقاه وعينيها غرغرو بقى فيها بزاااف حسات بيه فشكل هاد المرة حسات بيه ضعيف وهو لمحتاجها هاد المرة باستو فحنكو وهي معنقااه كاعما مسوقين لبنادم اصلا كانت الدنيا خاوية همسات فودنو:ديما تتقولها لي دابا انا لغادي نقولها ليك انا معاااك وديمااااا
هز راسو فيها وطبع قبلة مجهدة على رااسها وشد ليها وحط يدو على خدها كانو كشوفو فبعضياتهم كل واحد كعبر لاخر على المشاعر ديالو غير بلعنين لبيناتهم دابا زاد تقوى حيت كل واحد لقى لاخر فالحزة شدات ليه فيديه تتعبر ليه على انها راااه معاااه وبصح مع بعضياتهم معمر شي حد فيهم غيخطا لاخر
محمد:تهلاي فواليديك اكاميليا محدهم مزال حداااك راه مكاينش بحالهم مكاينش ليبغيك قدهم ولا ليخاف عليك قدهم
وقف بالموطور نزلات وتقابلات معاه وهي مبتاسمة قربات وطبعات قبلة على خدو:بسلامة
محمد:ردي البال لراسك فالعشية غنجي انشاءالله
كاميليا:انشاءالله يلاه بسلامة
ودعاتو ومشات دخلات للدار طلعات للبيتها لاحت الساك ومشات تلاحت فبلاصتها وهي تتفكر دماغها محبسش كااع شافت الباب تحلات وهي تنوض:شكاين
أميرة:بغيت نهضر معاك
كاميليا:مفيا ليهضر عفاك ااميرة خليني عليك
أميرة:واخا تترتاحي
خرجات وسدات الباب ستغربات هادي مالها كانت معولة غيتناكرو ويدابزو ساعة لا
داز الوقت
كاميليا:شوية
حرك راسو باه وهو كشوف فيها وبتاسم دخلات نرجس وبداو عينيها عليه ماشي كيف ديما فشكل هاد المرة حاسة بيه معندو خاطر وماشي لكتعرف بالسيف داكشي لعاود لها راه صدمة نييت شي حاجة لبزاااف شافت كنزة دايزة وضارت شافت فيهم ووقفات وتدير لها اشارات بمعنى ديها فقرايتك نتابهي مع لقاتها ساهية نزلات راسها متبعة معاه حتى كلمو طلعات لبيتها وهي تتفكر غير فيه طبعا تتفكر شنو قالها الحرقة لشاف فيه المعاملة لكان كطلقاها من عندها زعما بنادم يقدر يوصل لهاد الوحشية وهاد القسوة ومع أطفال صغاار تتفكر ماماها معمرها شافتها تعاملات خاايب مع أميرة بلعكس متتفرقش بينها وبينهم ولكن صح من قال ان الناس طوب وحجر تضورها فدماغها كن كانو معاه واليديه ومجموعين كعما يعيش هكاك كانت تتقول عندها المشاكيل مع واليديها ساعة شافت المشاكيل دالصح لبداتها واليديها معاها واخا متتفاهمش معاهم وديما منوضينها راهم معاها حامينها لبغاتها تياخدوها ليها ماماها حداها وحاسة بالحنان ديالها وحتى باباها موفر ليها كلشي بدات حتى هي تتفكر كن مكانوش معاها واليديها كن كانو معندهاش حسات باحساس غريب معاه لبكية قلبها ضرها فاش بدات تتقول كن مشات عليا ماما ولا بابا شغيوقع عينيها غرغرو وهي تتفكر هكا سمعات الدقان وتحل الباب كانت كنزة مع داخلة مع تتهضر:اجي هاديك الجيفة الاستاذ تشرح ونت حالة فيه فمك
مع هي قاصداها تلاحت عليها عنقاتها وبدات تتبكي تعنقها وتكرز عليها بحالا غتهرب كنزة معرفات باش تبلاات:اويلي كاميليا ماااالك تشوااقع
كاميليا مخشية فيها:عنقيني اماما هئ هئ عنقيني
كنزة تتعنق فيها:ومالك بسم الله عليك شواقع
كاميليا:والو بقاي معايا هئ هئ هئ
كنزة تنهدات:هانا معاك اماما مالك
كاميليا تتعنق فيها:انا كنبغييك بزااف اماما بزاااف
وتتعنقها وتكرز عليها وحتى كنزة بدات تتبوسها وهي ضاماها لعندها:حتى انا احبيبة ديالي ومتصويش شحاال متبكيش سكتي
بدات تتسكت بشوية وهي تتمسح دموعها وكنزة معنقاها وكدوز لها يديها على شعرها:شوو متبكيش شووو مالك قوليلي
كاميليا تتنخصص واخا سكتات:غير تفكرت واحد صاحبتي معندهاش ماماها مسكينة وبقى في الحال
كنزة:شوووو انااا معاااك معندي فين نمشي واي حاجة راه من عند الله وصاحبتك مسكيينة الله يصبرها معندها مدير ماماها بغاها الله
كاميليا:تعذبات بزاف مسكينة
كنزة تنهدات:الام هي كلشي الا مشات مبقى عندنا والو كاين لعندو الزهر كلقى الرحمة فباباه كهزو ويعوضو بحال با انا مسكين تعذب علينا بزااف الله يخليه ويحفضو ليا وكاين لمسكين كضيع يكلوحوه دارهم لزنقة من بعد ممشات ميمتو لكانت حامياه ولا باااه كدخل عليه المرة الثانية تكرفس علييه قليل لتلقاها بنت الناس تهلى فداك اليتيم ولا اليتيمة
عضات على شنايفها قلبها زاد تقطع عليه شافا فماماها وبتاسمات شوية:بحالك اماما اميرة دايراها بحال بنتك وعمرك تعاملتي معاها خايب
كنزة تنهدات:متربيناش على هادشي عارفة علاقتي بابا كيف كانت داكشي علاش ياسين عمرو سمع من عندي هز عليا بنتك معمرني جبد بنتو أبدا
كاميليا زادت ضمات ماماها عندها وكنزة كملات هضرتها:الا ماماها هي سمحات فيها حنا مربيينش على قصوحية القلب
كاميليا:مكاينش بحاالك اماما والله
كنزة تنهدات:فسبيل الله الله يسمح لينا ويغفر لينا
كاميليا باسها وكنزة بتاسمات:حمدالله مني ضحكتي لينا ديك الأيام خلعتيني عليك
كاميليا:حمدالله دابا مكاين والو انمشي عند بابا
أنت تقرأ
ثانوية الحب ⛄الاستاذ والمزنزنة 2☃️مكتملة☃️
Romantizm💎مكتملة💎 ❌حصرية على الواتباد❌ 🕊الـجـــيل الـــثــــانـــي🕊 🍒الاستاذ والمزنزنة 2🍒 كبيداااااتيييي وحشتونييييييي❤ كنتمنى تكونو بخير ياربي وعلى خير وبالصحة مزيانة هانا رجعت ثاني بالجديد باش كنت مواعداكم عدت اليكم من جديد خخخخ توحشتوني ي...
