ثانوية الحب ⛄الاستاذ والمزنزنة 2☃️مكتملة☃️

الجزء 144 ☃️

💛ثانوية الحب💛
🍒الجزء 144🍒
⛄ منال برنيش⛄
كنزة:ماشي مشكل حتى نساليو
خديجة:اه مهم راه جينااا
كانت تتشوف فيه وتبتاسم وحتى هو كان جالس مع الاساتذة وعينيه عليها ومبتاسم حتى نغزو عماد لكان جالس حدااه
محمد:نعام
عماد:غنخطب اصاحبي
محمد:واايلي ايوااا مبرووك
عماد:الله يبارك فيك ولكن مزال مجاوبني باها تعطل عليا صراحة
محمد:وايكون خير انشاءالله ميلقاوش بحالك
عماد:الله يحفضك نتمناو تيسر
محمد:انشاءالله مقلتيش ليا شكون هي شي استاذة
عماد بدا كضحك:وغير تلميذة وتتعرفها مزيان
محمد تقاد فالجلسة وبتاسم:وايلي وشكوون هادي
عماد وهو مبتاسم:بنت الاستاذ ياسين
هنا محمد غجات فوذنيه تصمك وخرج عينيه:شكووون اينا وحدة؟
عماد حول عينيه ليها كانت جالسة حدا كاميليا وكضحك:نرجس
تنفس ورجعات فيه الروح مشى بالو بعيييد شاف فيه طبطب ليه على كتفو:الله يكمل كلشي بيخير نرجس ضريفة
عماد عينيه عليها:بزاااف هي كعما عارفة داكشي باش خايف متبغيش ودارهم يعكسو
محمد:لا لا متخافش نت مزيان انشاءالله ميكون غير الخير
عماد:امين
كلشي سكت فاش شافو ياسين ناض يلقي الكلمة بصفتو مدير دالمدرسة هو لغيفتاتح والابتسامة على وجهو:السلام عليكم اولا مرحبا بيكم كاملين فهاد الامسية الزوينة لتدار كل سنة على قبل باش نفرحو بالتلاميذ والتلميذات الزوينين انا فرحان بزاف بصفتي مدير وحتى أب وانا كنشوف هاد النقط المتفوقة والرائعة دهاد الوليدات لكنقولهم مبروك علييكم والله يرضي عليكم فرحتونا وفرحتو واليديكم والاساتذة ديالكم وانشاءالله نفرحو مع التلاميذ دلباك بالنجااح وشكرا
بدا كلشي كصفق وفرحان الواليدين والاساتذة حيت بصح كانت نقط زوينة واصلا هاد الليسي معروفة بالقرايا مزال ياسين كان باغي يهضر حبسو التصفااق وبدا كهضر وكشوف فيه وكضحك:واحد الحاجة بغيت نفتاتحو هاد الحفل التكريمي بواحد الموهبة لمشاءالله زوينة ومولاها حتى هو زويين هههه استاذ رائع ومتمكن وكان من الاوائل تباركالله فاش كان كقرى عندي
كلشي بدا تتسائل شكون هداا لاستاذ وغيغني لهم ياسين كشوف فيه وتضحك:استاذ محمد شفتك حشمان اباغين نسمعو الصويت ليوم هههه
محمد تضحك:مرحبا ههه
ناض وبداو كصفقو وبدا بنادم داوي كيف غيكون صوتو ولمكعرفوش راه كسولو شكقري ولعاجبها راه زادت غرقات خخخ ابروجولة الا كان الاستاذ مزال شاب راه ككون مطيح النص فالمدرسة محيدهاش طبيب هادي خخخخ كاميليا بدا تتصفق بالجهد وتتضحك حتى بداو كنغزوها
كنزة شافت فيها:نت فعار الله بسم الله عليك
كعما داتها فيها وبقات ساهية فيه ومبتاسمة فرحانة تسمع صوتو لكحمقها
خديجة:هانت تباركالله غزال هذا حنا كانو كقريونا غشراف
كنزة:ويااه ضريف كقراو عندو بناتنا وكان كقرا تاعند ياسين
خديجة:الشباب باغين يخدمو شوفي تباركالله بنات مزال غير صغارات واستاذات
كنزة عاد:اجي نت كيفاش كانو كقريونا الشراف علاه راجلي كيف جاك كان شارف لهلا يحييك
خديجة:لا لا كان زين تباركالله ولكن الاكثرية كانو كبار
كنزة:هاهو هاهو غيغني
كان شاد الغيتار فيديه وجاالس ياسين حدااه شاف فالحضور:اشبغيتوه يغني لينا
باقي حتى مهضرو و هو يضور عندو ياسين كضحك شاد فيه:داكشي ديال الحب
كلشي بدا كضحك وحتى هو نزل من المنصة ومشى جلس كان كقاد الغيتار فوضعية العزف وكفكر حتى جات فبالو اغنية تتعني ليه بزاف وتتعبر على حالتو مزيااان بدا كعزف بالشوية بالغيتار بشوية بشوية حتى بدا كطلع الريتم وتحول من عزف خفيف لعزف مسموع غمض عينييه وبداااا
مممممممممممم اااهااا اهاااااا اهااااااااااا اهااااااااااا
اصابك عشق ام رميت بأسمهي
فما هذه الا سجية مغرمي
الا فسقيني كاسات وغني ليي
بذكر سليما والكماان ونغميييي
(سكت وبدا غير الغيتار لخدام)
ايا دعيا بذكر العامرية أنني
آغار عليها من فمي المتكلمي
اغار عليها من ثيابها
اذا لبستها فوق جسم منعمي
ليل يا ليل ليلي ليل يااا ليل